10 Co munakala nakulinga ngeci kuli vaka-kukulaela voshe mu Masendoniya mwoshe. Ngecivene, tumilomba vakwetu, wezeleleniko manene.
Omwo vikungulukilo mu Masendoniya na mu Akaya vanayongola kujeneka kuvaleka kwana mulambu mukukwasa tuutu akati ka vanu va Njambi vali mu Yelusalema.
Omwo a vyuma evi, tunde aje njazivile vyakukulaela kweni muli Mwene Yesu na cizemo ceni kuli voshe vanu va Njambi,
Njilombela ngwange cizemo ceni citwaleo mukukola manene, amo na mana a vushunga amo nakwangula kwa vushunga,
Omwo twazivi kukulaela kweni muli Kilistu Yesu, na cizemo ceni kuli vanu va Njambi voshe.
Ngecivene, yeni mwapwile cimweso kuli voshe vaka-kukulaela mu Masendoniya na mu Akaya.
Mwene akolese cizemo ceni kuli umo na mukwavo na kuli vanu voshe nakucipwisa cakama ngwe cizemo cetu kuli yeni.
Mukumanesela, vasamba vetu, mwalilongesele kuli yetu vati munapande kuyoya ngeci muvwaelelese Njambi. Mwa vushunga vene, omu mukemwo mumunakala nakuyoya. Co ololo tumilomba nakumisindiya mu lizina lya Mwene Yesu ngwetu muwezeleleko manene.
Vakwetu, tunapande kukandelela kuli Njambi simbu yoshe omwo yeni. Eci cinapu cacivwa kuli yetu kulinga ngacije, omwo kukulaela kweni kulinakukola manene na cizemo cije mulinaco kuli umo na mukwavo cilinakwama manene.
Co Mwene natwana kukulaela muli yeni, mwa vushunga vene tunakulaela ngwetu mulinakupanga, co mutwalao kupanga vije vitwamilekele.
Oloni kakateyeni nakukola mu kutetela na mu mana vya Mwene yetu na Muyoyesi wetu Yesu Kilistu. Kuli ikeye kukale vumpau, ololo na ku myaka yoshe! Ewa.