1 Tesalonika 3:6 - Livulu lya Shukulu Kalunga

⁶ Oloni ololo Timateo neluka kuno, co natwambulwila muzimbu wauvwa akukulaela kweni na cizemo ceni. Natuleka ngwendi simbu yoshe mulinakutwanuka, co mulinakushaka kutumona ngwe yetu tulinakushaka kumimona.

1 Tesalonika 3:6 Iomraidhean Croise

Visimo 25:25

Kuziva muzimbu wauvwa wa ku lifuti lya kulyala, kunapu ngwe munu anwa mema akutonola omo ali na lihwila.

Isaya 52:7

Cinapu cuma cacivwa a minkinda kumona muluwa aija anena vin̄anda vyavivwa, vin̄anda vya kwoloka! Ambulula vyakuhyana nakwendeka kuli Siyone ngwendi, “Njambi yove ololo napu Mwene!”

Vilinga vya Miluwa 16:1

Co Paulu wetele lalo ku Ndembe na ku Lisitala, kuje kwakele Muka-Yesu umo lizina lyendi Timateo. Vaina vapwile lalo Muka-Yesu vapwile kaYunda, oloni ishe wapwile kaNgiliki.

Vilinga vya Miluwa 18:1

Munima ya vyuma evi, Paulu watundile mu Atena waile ku Kolinte.

Vilinga vya Miluwa 18:5

Omo Silasi na Timateo vetele kutunda ku Masendoniya, Paulu simbu yendi yoshe walyanene ku cipangi kwambulula muzimbu nakwana vukaleo kuli vaYunda ngeci Yesu ikeye Wakuvwavesa.

1 Kolinte 11:2

Njimishangazala omwo simbu yoshe mukanjanuka nakukava vilongesa vinjamilongesele.

1 Kolinte 13:13

Ngecivene, ololo, vyuma evi vitatu vinasala, kukulaela, cinyangavili na cizemo, co cinatuvakana ku vyuma vyoshe evi cinapu cizemo.

Ngalatiya 5:6

Omwo tuli amo muli Kilistu Yesu, nambe kutuuka nambe kujeneka kutuuka kuvyasa kulinga cuma cimo, cuma cakama lika kukulaela cije cilinakupanga mu cizemo.

Filipu 1:8

Omwo Njambi napu mukaleo wange nazivuka ngwendi njendeka vushunga omo njendeka ngwange vizango vyange vyakulova ali yeni vilinakutunda ku mbunge ya Yesu Kilistu ikeye vavenya.

Kolose 1:4

Omwo twazivi kukulaela kweni muli Kilistu Yesu, na cizemo ceni kuli vanu va Njambi voshe.

Kolose 4:18

Na livoko lyange vene vavenya njasoneka ngwange, “Viindu vyakutunda kuli Paulu.” Kesi mwivale malyenge ange! Kutetela kwa Njambi kukale amo neni.

1 Tesalonika 1:3

Omwo tukanuka ku mesho a Njambi yetu na Tatetu vipangi vya kukulaela kweni nakuundangana kwa cizemo na cinyangavili cakukola mbe muli Mwene Yesu Kilistu.

1 Tesalonika 2:17

Ngwe ali yetu, vakwetu, omo twalyangunukile neni kasimbu kakandondo lika, kesi mu viyongola vyetu embwe, oloni mu muvila lika, twamijenekele, co twaundanganene nakweseka kumimona lalo!

1 Tesalonika 2:9

Mwa vushunga vene anukeni, vakwetu, vati twapangele nakuundangana! Twapangele vutsiki na mutanya ngeci kesi tupwe citele kuli yeni omo twambulwile Vin̄anda Vyavivwa vyakutunda kuli Njambi.

1 Tesalonika 3:7

Omwo a cuma eci, mu tuyando twetu twoshe na n̄avava twakele nakulitakamesa omwo ali yeni vakwetu. Kukulaela kweni kukekwo kwatutakamesele,

2 Tesalonika 1:3

Vakwetu, tunapande kukandelela kuli Njambi simbu yoshe omwo yeni. Eci cinapu cacivwa kuli yetu kulinga ngacije, omwo kukulaela kweni kulinakukola manene na cizemo cije mulinaco kuli umo na mukwavo cilinakwama manene.

1 Timateo 1:5

Vutumbe vwa lishiko eli vutunda ku cizemo cakutuuka mu mbunge yakujela, na mu citaku-taku cakutungukwa,nakukukulaela kwa vushunga.

2 Timateo 1:3

Njikandelela kuli Njambi, uje njilinakupangela na citaku-taku cakutungukwa ngwe muvalingile vakukulwila vange. Njikamukandelela omo njikakwanuka simbu yoshe mu malombelo ange vutsiki na mutanya.

Filimoni 1:5

Omwo njilinakuziva cizemo cove kuli vanu va Njambi voshe nakukulaela kwove ulinakwo muli Mwene Yesu,

VaHevelu 13:3

Anukeni vaje vali mu kamenga, ngwe neni lalo muli mu kamenga amo navo. Anukeni vaje valinakuyanda, ngwe neni lalo mulinakuyanda amo navo.

VaHevelu 13:7

Anukeni vantwama veni va ku san̄ulu, vaje vamilekele lijwi lya Njambi. Yongoleni vya kunima vati vakevo vayoyele na kutsa, co tembunwineni kukukulaela kwavo.

1 Yowano 3:23

Eci cikeco canashiki ngeci tukulaele mu lizina lya Munendi Yesu Kilistu, co tulinakulizema umo na mukwavo, ngwe Kilistu watushikile.