1 Tesalonika 2:7 - Livulu lya Shukulu Kalunga

⁷ nambe ngwe miluwa va Kilistu twasele kumyana citele. Oloni twapwile tu vaka-lyovwa-ovwa omo twakele neni amo, ngwe lyovwa-ovwa lya cisemi wa munakazi omo alinakulela vana vendi vene.

1 Tesalonika 2:7 Iomraidhean Croise

Isaya 40:11

Akanyunga vutanga vwendi mwamuvwa ngwe kanyungi, akakungulwila amolika vana va vimanga, nakuvambata mu mavoko endi, co akatwamenena vainavo kamandondo-kamandondo.

Isaya 49:23

Vimyene vakapwa ngwe vaisho, na vamwene vakapwa ngwe vanyoko. Vakakutsikamena nakukusingimika, vakalikeesa mukumwesa kasingimiko kavo kuli yove. Asinoni ukazivuka ngwove kuma yange njapwa Kalunga, vaje vanjikulaela, kuvakazivi shwamwa.”

Isaya 66:13

Njikamizembeleka mu Yelusalema, ngwe cisemi azembeleka munendi.

Kulava 11:12

Kesi yange njavatangele nambe kuvakita! Omwo vikajo wendekele ngwove vambate a nulo yove ngwe ndezi akambata mbututu a mavoko endi, uvatwale ku lifuti lije liwakulaesele kwana kuli vakukulwila vavo?

Vilinga vya Miluwa 13:18

co wavanyungile mu mambo myaka makumi awana.

1 Kolinte 2:3

Ngecivene, omo njezile kuli yeni, njazeyele nakujaja na lyova,

1 Kolinte 9:22

Akati ka vaje vanazeye mukukulaela kwavo nange lalo njipwa ngwe umo wavo mu kuzeya, ngeci njivawane. Ngecivene, njilipwisa umo mu vyoshe kuli vanu voshe, ngeci njovoleko vamo nga citava kulingamo.

2 Kolinte 10:1

Yange, Paulu njimilambelela, yange uje ivalinakwendeka ngwavo, walikeesa na kulyononwesa omo njili amo neni, oloni nji wamukalu omo njili kulyala neni. Njilinakumilomba a kwoloka na kutetela kwa Kilistu ngeci

2 Kolinte 13:4

Nameme vamushukikile a cilindakano omwo kuzeya, oloni anga alinakuyoya omwo nzili ya Njambi. Omwo yetu lalo tunazeye muli ikeye, oloni tukayoya amo nendi omwo nzili ya Njambi kuli yeni.

Ngalatiya 4:19

Vana vange va cizemo! Njiilukilamo lalo, ngwe munakazi ali na mushongo wakukita mwana, njilinakuziva cifwa cimo ca mushongo omwo yeni noo cisemwa ca Kilistu vanacipanga muli yeni.

1 Tesalonika 2:11

Mwazivuka ngeci yetu twapangesele umo na umo weni ngwe visemi vapangesa vana vavo vavenya.

Yakomba 3:17

Oloni mana akutunda mwilu akulivanga apwa akujela, co apwa a kwoloka na vuvwa na vusamba, ashula na mema ku mbunge, co akasholola kuteja kwakuvwa kwa vilinga vyavivwa, co kuwakele na cizindo nameme na civembulu.