1 Tesalonika 2:4 - Livulu lya Shukulu Kalunga

⁴ Oloni visimbu vyoshe tulinakwendeka ngwe muje Njambi ashaka ngeci tulinge, omwo natusompela yetu ngeci twafwilamo kwambulula Vin̄anda Vyavivwa. Kutushaka kweseka kuvwaelelesa vanu, oloni kuvwaelelesa Njambi, uje muka-kweseka vimbunge vyetu.

1 Tesalonika 2:4 Iomraidhean Croise

1 Vimyene 8:39

ziva malombelo avo. Vatolilile omo mwilu muwakala, co vasambese, nakuvakwasa. Yove lika wazivuka viyongola vya vimbunge vya vanu. Linga ku munu na munu ngwe mucinamupande.

2 Vimyene 16:16

Uliya walingile ngwe muje mwamushikile mwene.

1 Mizimbu 29:17

Njazivuka ngeci yove Njambi yange ukeseka mbunge ya munu na munu, co ukazivi kuvwaa na vanu vaje vaka-vushunga. Yange njinaana vyoshe evi kuli yove na cizango, co yange njinamono vanu vove ava vanakunguluka kuno vanaana nakuvwaelela kuli yove.

Myaso 139:23

Njiilule ngeci uzivuke mbunge yange yove Njambi, njeseke, ngeci uwane viyongola vyange.

Myaso 17:3

Yove uzivuka mbunge yange. Yove unaija kuli yange a simbu ya vutsiki. Unanjiilula mwamuvwa, co kuwawanene mashungu a vuvi muli yange.

Myaso 44:21

mwa vushunga ngwe kuwavisholwele ndi? Omwo yove uzivuka viyongola vyakushweka vya mu vimbunge.

Myaso 7:9

Yove u Njambi wa vushunga, wilula viyongola vyetu na vizango vyetu. Vindika vilinga vya vanu vya kupenga-penga, oloni nyunga voshe vaka-kukwononoka.

Visimo 17:3

Ngolinde na siliva vakavyeseka na tuhya, oloni Shukulu Kalunga akeseka viyongola vya munu.

Njelemiya 17:10

Yange Kalunga, nji muka-kweseka viyongola nakwilula vimbunge vya vanu, mukwana ku munu na munu kupwisa mu ngila yendi yakuyoyelamo, nakupwisa ku vipangi vya vilinga vyendi.”

Njelemiya 32:19

Ukatumbu matumbe akujeneka mana, nakulinga vyuma vya nzili, ukamono vyuma vyoshe vije vivalinga vanu, co ukavana cikandelela kupwisa ngwe ku vilinga vyavo.

Kulava 27:16

“Yove Shukulu Kalunga, Njambi mukakwana mwonyo vyuma vyoshe, njakulombo ngwange imika munu uje asa kutwamenena mbunga ya vanu ava,

Luka 12:42

Co Mwene wamukumbulwile ngwendi, “Iya napu ngamba wa kulongwa nakunyanyama? Ikeye uje shukulu yendi namusezela kunyunga njuvo yendi, nakwana vyakulya kuli vakwavo vangamba a simbu yaivwa.

Luka 16:11

Ngecivene, nga kuwapwile wa kulongwa na vufuko vwa ano a kaye, vati vasa kukukulaela na vufuko vwa vushunga?

Yowano 21:17

Yesu wendekele simbu yamucitatu ngwendi, “Simoni muna Yowano, wanjizema ndi?” Petulu wakele na vusiwa omwo Yesu wamwihwile simbu yamucitatu ngwendi, “Wanjizema ndi?” Co Petulu wendekele kuli ikeye ngwendi, “Mwene yove uzivuka vyuma vyoshe, uzivuka ngeci njakuzema!” Yesu wendekele kuli ikeye ngwendi, “Nyunga vimanga vange.

Loma 8:27

Co Njambi uje amona mu vimbunge vyetu, azivuka muvyafwa viyongola vya Munzinzime, omwo Munzinzime akalambelela kuli Njambi ali vanu vendi ngwe ku cizango cendi.

1 Kolinte 7:25

Ololo, a vin̄anda vije mwasonekele ali vazike, kunjesi na lishiko lyakutunda kuli Mwene, oloni njimyana viyongola vyange ngwe umo uje a kutetela kwa Mwene napu muka-vushunga.

1 Kolinte 9:17

Omwo nga njilinga vipangi vyange ngwe akwangula kwange vavenya, nga njasa kutambula fweto, oloni njilinakupanga ngwe vipangi vyange vije vinanjipande, omwo Njambi nanjikundika cipangi eci.

2 Kolinte 2:17

Omwo kutwafwile ngwe vavangi vaje vatanganesa lijwi lya Njambi, ngwe kulandulula vyuma vyakujeneka seo, oloni omwo Njambi natutumu, twendeka na kalemeso ku mesho endi, ngwe vangamba va Kilistu.

2 Kolinte 4:2

Ngecivene, a vyuma vyoshe vyalaja vyakushwekesa tunavyumbila kuti, kutwesi nakupanga na vilinga lalo vyakukwisa, nambe kutanganesa lijwi lya Njambi. Oloni mu mutanya mwelu wa vushunga tulinakuyoyela ku mesho a Njambi nakweseka kulikundika yetu vavenya ku munu na munu mu vuvwa vwa citaku-taku cendi.

2 Kolinte 5:11

Tunazivuka muje mukwalumbunukila kukomoka Mwene, ngecivene, tulinakweseka kusindiya veka. Njambi atuzivuka mwamuvwa, co njayongola ngeci mwanjizivuka mwamuvwa mu vimbunge vyeni.

2 Kolinte 5:16

Ngecivene, kukwesi simbu yeka lalo itukasompa munu woshe-iwoshe mu cisemwa ca ano asi, nambe nga ku simbu imo twasompele Kilistu ngwe ku cisemwa ca ano asi, kutukelukilamo lalo kulinga ngacije.

Ngalatiya 1:10

Kuma eci cimwesa ngwe njilinakushaka vanu ngeci vanjishangale ndi Njambi? Indi njishaka kuvwaelelesa vanu ku vimbunge? Nga yange njilinakushaka kuvwaelelesa vanu, kunjapandele kupwa ngamba ya Kilistu.

Ngalatiya 2:7

Oloni mu ngila ikwavo, vamwene ngeci Njambi nanjana vipangi vyakwambulula muzimbu kuli vaje kesi vaYunda, ngwe mwanene Petulu vipangi vyakwambulula muzimbu kuli vaYunda.

Efeso 3:8

Yange njapwa wamundondo kutuvakana voshe vanu va Njambi, oloni Njambi wanjanene vwana ovu vwakutwala Vin̄anda Vyavivwa vya vufuko vuje vwa myaka yoshe vwa Kilistu kuli vaje kesi vaYunda,

Efeso 6:6

Lingeni eci kesi omo valinakumikengelela, omwo mushaka kuvwaesa ku vimbunge vyavo embwe, oloni na vimbunge vyeni vyoshe lingeni vije vyashaka Njambi, ngwe vindungo va Kilistu.

Kolose 3:22

Vindungo, ononokeni kuli vashukulu veni va ano asi mu vyuma vyoshe, kesi lika omo vakevo valinakumikengelela omwo mushaka ngeci vamishangale, oloni cilingeni na mbunge ya lyovwa-ovwa mukukomoka Mwene.

1 Timateo 6:20

Ove Timateo, nyunga mwamuvwa vije vanakundika ku vunyungi vwove. Ongoloka visimutwiya vyangoco vya vu Njambi na vimata vya vulema vije vamo vanu vavitumbula mu ngila kesi ikeyo ngwavo “Mana.”

2 Timateo 1:14

Nyunga vyuma vyavivwa vije vivanakukundika a nzili ya Munzinzime Wakujela uje alinakuyoya muli yetu.

2 Timateo 2:2

Tambula vilongesa vije wazivile kuli yange omo njambulwile ku mesho a vakaleo vavangi, co vikundike ku vanu vavavwa, vaje vasa kulongesa vakwavo veka lalo.

Tito 1:3

co wausholwele a simbu yaivwa mu lijwi lyendi. Eci vanjikundikileco yange, co njicambulula akushika kwa Njambi Muyosesi wetu.

VaHevelu 4:13

Cuma nacimo cai cakushweka kuli Njambi, vyuma vyoshe vije vivatangele kukwesi cuma cakufwika, vyoshe vili anja ku mesho endi. Co kuli ikeye tuvavoshe tunapande kulyambulwila vyetu yetu vavenya.

1 Petulu 4:11

Voshe vaje vambulula vanapande kwambulula lijwi lya Njambi, voshe vaje vapanga vanapande kupanga na nzili ije yanavana Njambi, ngeci mu vyuma vyoshe Njambi vamushangazale ali Yesu Kilistu, kuli ikeye kwakundama vumpau na nzili ku myaka yoshe. Ewa.

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.