1 Tesalonika 2:2 - Livulu lya Shukulu Kalunga

² Oloni mwazivuka muvatuyandesele nakutushaula mu Filipu simbu kanda twije kuli yeni mu Tesalonika. Co nambe kwakele kutulwisa kwakama, Njambi yetu watutakamesele mukumyambulwila Vin̄anda Vyavivwa vyakutunda kuli ikeye.

1 Tesalonika 2:2 Iomraidhean Croise

Vilinga vya Miluwa 14:3

Ngecivene, miluwa vakele kuje simbu yakama, vendekele nakusimpa vyuma vya Mwene, uje washolwele ngeci muzimbu wavo wa kutetele wapwile wa vushunga mukuvana nzili yakulinga vizivukiso na vikomokeso.

Vilinga vya Miluwa 14:5

Asinoni vaje kesi vaYunda na vaYunda vamo amo na vantwama vavo, vayongwele kuyandesa miluwa nakuvasha mamanya.

Vilinga vya Miluwa 16:12

Co kutunda kuje twaile ku Filipu, nganda yamutambela wakulivanga mu lifuti lya Masendoniya, ikeyo lalo yapwile nganda ya vaLoma. Co twakele muje mu nganda matangwa amo.

Vilinga vya Miluwa 16:19

Omo vaje vakuku yendi vamwene ngeci ngila yavo mwakutambwila vimbongo inahu, vakwatele Paulu na Silasi nakuvakokangeya nakuvatwala ku mbanja kuli vaka-kushwana.

Vilinga vya Miluwa 16:37

Oloni Paulu wendekele kuli vaje vantwama va mashwalale ngwendi, “Kuvatuwanene na mulonga naumo wai, oloni vanatupupile ku mesho a vanu, co yetu tu vandambo va lifuti lya Loma! Co vanatwakele mu kamenga. Co ololo vashaka kutwecelela mu vushweke ndi? Embwe kucitava! Vamyata va vaLoma vanapande kwija kuno vakutwecele vakevo vavenya ngeci tuye.”

Vilinga vya Miluwa 17:1

Paulu na Silasi vatwaleleo vatuvakanene mu Afipolise na mu Apoloniya, co vezile ku Tesalonika, kuje kwakele sinangonge ya vaYunda.

Vilinga vya Miluwa 17:17

Ngecivene, mu sinangonge wasimutwiiye na vaYunda na vaje kesi vaYunda vaje va kulongwa, co a litangwa na litangwa wakele nakusimutwiya na vaje vakele ku mutambela wakulandesela.

Vilinga vya Miluwa 19:8

Co Paulu waile mu sinangonge, co a vingonde vitatu wambulwile nakusimpa kuli vanu nakusimutwiya navo nakweseka manene kuvalambelela a Vumwene vwa Njambi.

Vilinga vya Miluwa 4:13

Vaka-Munga vakomokele omo vamwene kusimpa kwa Petulu na Yowano nomu vavamwene ngeci vapwile vanu vangoco vakujeneka kulilongesa. Co vavanongonwene ngeci vakevo vakele amo na Yesu.

Vilinga vya Miluwa 4:20

Omwo kutwasa kwoloka kwendeka vyuma vije vitwamono nevi vitwazivi.”

Vilinga vya Miluwa 4:31

Co omo vamanesele kulombela, mwela uje vakungulukilile wajajele. Co voshe vashulile na Munzinzime Wakujela, co vambulwile lijwi lya Njambi nakusimpa.

Vilinga vya Miluwa 5:41

Asinoni omo miluwa vasezele ije Munga, vavwaelelele manene omwo Njambi wavayongwelele kuyanda nakushauka omwo lizina lya Yesu.

Loma 1:1

Yange Paulu, ngamba ya Kilistu Yesu na muluwa uje yaangwile nakumusana kuli Njambi mukwambulula Vin̄anda vyendi Vyavivwa.

2 Kolinte 3:12

Omo tuli na cinyangavili eci, co tunasimpi manene vene.

Kolose 2:1

Njishaka ngwange muzivuke vati njapangele na nzili omwo yeni na omwo vanu va mu Laondisiya na kuli voshe vaje kanda vacinjimone.

1 Tesalonika 1:5

Omwo twaminenelele Vin̄anda Vyavivwa, kesi na majwi lika, oloni na nzili na Munzinzime Wakujela, co na lukakateya lwa vushunga vwavyo. Mwazivuka vati twayoyele omo twakele amo neni, eci capwile ngeci omwo yeni.

2 Timateo 1:12

eci cikeco cilinakunjilingisa ngeci njiyande. Oloni kunjesi na shwamwa embwe, omwo njinazivuka uje njinakulaela, co njazivuka mwa vushunga ngwange ikeye asa kunyunga mwamuvwa vije vyananjikundika noo ku Litangwa lije.

Yunda 1:3

Vasamba vange, njalingile ngwe munjinasela mukumisonekela akwovoka kuje tunalipangezela, omo njawanene ngeci mwamuvwa kumisonekela ololo nakumitakamesa kutwalao kulwila kukulaela kuje Njambi wanenene lumo kuli vanu vendi voshe.