1 Tesalonika 2:16 - Livulu lya Shukulu Kalunga

¹⁶ Vesekele kutuvindika kwambulula lijwi kuli vaje kesi vaYunda ngeci na vakevo vatambule kwovoka. Mu ngila eyi vene vakevo vanashulisa vene seteko ya vivi vije vivalingile simbu yoshe. Co ololo vukalu vwa Njambi akukotoka vunaija ali vakevo!

1 Tesalonika 2:16 Iomraidhean Croise

Kushangumuka 15:16

Vatekulwila vove vakeluka muno ku cisemwa camuciwana, omwo kunjikasheke vaAmoli noo vuvi vwavo vunatumu ngeci vakatambule cihiso.”

Isaya 45:22

“Yeni voshe muli kwoshe kuje kwasikisila kaye, tengulukileni kuli yange ngeci mwovoke. Yange lika Njambi njiliko.

Ndanyele 8:23

“Omo vuje vumwene vuwana vukahwa, co vukapwa vwavuvi ngeci vavunyanyamese, co kukakala mwene wa mbunge yakukaluwa na muuka na makuli.

Malakiya 4:1

Shukulu Kalunga Muka-nzili yoshe alinakwendeka ngwendi, “Litangwa lilinakwija omo voshe vaka-kulyalesa na vaka-vuvi vakavenyeka ngwe vishati. A litangwa lije voshe vakenya njwa, co nacimo cai cuma cavo cikasalao.

Malakiya 4:5

“Kengeni, njikamitumina Elinja muka-kwimanena simbu kanda litangwa lyakama lya Shukulu Kalunga lya vukalu lyete.

Mateo 12:45

Asinoni uya nakunenelamo minzinzime yeka itanu na ivali yakujwala manene kutuvakana ukewo, ikovelamo nakutumbamamo. Co kuviya kwa munu uje kwakukotokela kukatuvakana kwakulivanga. Ngecivene, mucikapwa ku muyati ou wauvi wa vanu ava valelo.”

Mateo 23:32

Twaleniho, mumanese vije vashangumukile vakukulwila veni!

Mateo 24:14

Co evi Vin̄anda Vyavivwa vya Vumwene vakavyambulula mu kaye mwoshe ngwe kupwa vukaleo ku miyati yoshe, co asinoni kukotoka kwa kaye kukaija.

Mateo 24:6

Mukaziva vinzita na lingwavo lya vinzita, oloni kesi mukajujuke. Omwo vyuma evi vinapande kusholoka, oloni kuvilumbununa ngeci kukotoka kwa kaye kunete.

Mateo 3:12

Shewa ili mu livoko lyendi, ikeye akapepa nakujelesa mwamuvwa vinona vyoshe ku lijungwilo lyendi, co tiliku akaitulikila mu cishete cendi, oloni lijungu lyoshe akalyenyeka na tuhya kutwesi kuzima.”

Mako 16:16

Woshe uje akulaela nakumumbwitika akovoka, oloni woshe uje kakulaela vakamuhisa.

Vilinga vya Miluwa 13:45

Omo vaYunda vamwene vimbunga, co vakele na lifuwa, vavyanene vije vyendekele Paulu nakumushaula.

Vilinga vya Miluwa 13:50

Oloni vaYunda vashongangeyeye vaka-kutwamenena va mu nganda na vanakazi vakutsimana vaje kesi vaYunda vaje va kulongwa. Co vashangumukile kupakesa Paulu na Mbanambase nakuvasheka mu mutambela wavo.

Vilinga vya Miluwa 14:19

Oloni vaYunda vamo vatundile ku Antyoke mu Pisindiya na ku Ikoniyame vashongangeyeye vimbunga, co vashele mamanya Paulu nakumukokela anja ya nganda, vayongwele ngwavo natsi.

Vilinga vya Miluwa 14:2

Oloni vaYunda vaje vajenekele kukulaela vashongangeyeye vaje kesi vaYunda nakutengulukila vaka-kukulaela.

Vilinga vya Miluwa 14:5

Asinoni vaje kesi vaYunda na vaYunda vamo amo na vantwama vavo, vayongwele kuyandesa miluwa nakuvasha mamanya.

Vilinga vya Miluwa 17:13

Oloni omo vaYunda va ku Tesalonika vazivile ngeci Paulu nambulula lalo lijwi lya Njambi mu Mbeleya, vaile kuje nakushangumuka kushongangeya mbunga.

Vilinga vya Miluwa 19:9

Oloni vamo vavo vapwile vakukaluwa kuvasele kukulaela, co vendekele vyuma vyavivi a Ngila ya Mwene ku mesho a mbunga yoshe. Ngecivene, Paulu wavasezele nakuya amo na vaka-kukulaela, co a litangwa na litangwa wasimutwiiye navo mu njuvo yakulilongesela ya Tilanase.

Vilinga vya Miluwa 21:21

Vanavaleka ngwavo unakala nakulongesa vaYunda vaje vali mu mafuti a vaje kesi vaYunda kuvyana Lishiko lya Mosesa, kuvaleka ngeci kesi vatuule vana vavo nambe kukava vilika vya vaYunda.

Vilinga vya Miluwa 23:12

Alikaki mutondo vamo vaYunda valikungulwile nakutumba vutumbe. Valisingile cisingo ngeci kuvali vyakulya nambe kunwa kuvanga noo vanatsii Paulu.

Vilinga vya Miluwa 24:9

VaYunda voshe valizivasanene a mulonga ou nakwendeka ngwavo vyuma vyoshe evi vyapwile vya vushunga.

Vilinga vya Miluwa 25:2

co kuje vakulunu va vaka-kukombelela na vantwama va vaYunda vatwalele vin̄anda vyavo vyakwana mulonga Paulu. Co valombele Fesitase

Vilinga vya Miluwa 25:7

Omo Paulu wetele, vaYunda vaje vatundile ku Yelusalema vemanene nakumuzengeleka vashangumukile kumwana mulonga a vyuma vyavingi, vije kuvasele kuwana vukaleo.

Vilinga vya Miluwa 4:12

Kutwasa kuwana kwovoka muli weka lalo embwe, omwo kukwesi lizina lyeka muno mu kaye lyanaana Njambi ku vanu litunapande kwovokelamo.”

Vilinga vya Miluwa 9:23

Omo kwetile matangwa amangi, vaYunda valikungulwile amo nakutumba matumbe akutsiya Saulu,

1 Kolinte 10:33

Pangeni ngwe muje munjikapanga, njikeseka kuvwaelelesa voshe mu vyoshe vije njikalingi, kunjesi kuyongola vuvwa vwange vavenya, oloni vuvwa vwa voshe, ngeci vakovoke.

Ngalatiya 5:11

Oloni ngeci mwange, vakwetu, nga njicitwalao kwambulula ngwange kutuuka kunapu kwakuvwa,omwo vikajo vacili nakunjipakesela? Nga eci capwile ca vushunga, cooni kwambulula kwange kwa cilindakano ca Kilistu nga kucilingisa vitanga.

Efeso 3:13

Ngecivene, njimilomba ngwange kesi muzeye a n̄avava yange njilinakuwana omwo ali yeni, vyoshe evi vinapu vije vimuwanao.

Efeso 3:8

Yange njapwa wamundondo kutuvakana voshe vanu va Njambi, oloni Njambi wanjanene vwana ovu vwakutwala Vin̄anda Vyavivwa vya vufuko vuje vwa myaka yoshe vwa Kilistu kuli vaje kesi vaYunda,

1 Tesalonika 1:10

nakuvandamena Munendi omo akaija kutunda mwilu, Munendi Yesu, uje yasangwile ku vatsi, co akatupatula ku vukalu vwa Njambi vuje vulinakwija.

2 Tesalonika 2:10

co akapangesa miyati yoshe ya kupenga-penga ya makuli ali vaje vakanyonga. Vakevo vakanyonga omwo kuvatambwile nakuzema vushunga ngeci vovoke.

1 Timateo 2:4

uje ashaka ngeci vanu voshe vovoke nakweta kukuzivuka vushunga.

VaHevelu 6:8

Oloni nga kulinakwima mishwena na shaku, co kulyesi na seo yai, lili mu vushonde vyakusingiwa kuli Njambi, co vakalyenyeka na tuhya.

Kujombolola 22:11

Woshe uje alinga vuvi acitwaleo kulinga vuvi, co woshe uje alinga vya vunyengwe acitwaleo vene kulinga vya vunyengwe, woshe uje alinga vuvwa acitwaleo kulinga vuvwa, co woshe uje najele acitwaleo kupwa wakujela.”