1 Tesalonika 2:12 - Livulu lya Shukulu Kalunga

¹² Twamitakamesele, twamizembelekele, twamisindiiye kuyoya yoyesi ije ivwaelelesa Njambi, uje alinakumisana ngeci mulipangele amo Vumwene vwendi vavenya na vumpau.

1 Tesalonika 2:12 Iomraidhean Croise

Kushangumuka 5:22

Omo wakitile Matusela, Inoke wendele na kulitombola na Njambi a myaka 300. Co wakitile lalo vana vakwavo va vanalume na ava va vanakazi.

2 Mizimbu 17:4

Ikeye wapangelele Njambi ya ishe, wononokele mashiko a Njambi, co kalingile vilinga vije vivalingile vimyene va mu Isalele embwe.

Loma 8:28

Tuzivuka ngeci mu vyuma vyoshe Njambi akapanga mwamuvwa na vaje vamuzema, vaje vaanasana ku cizango cendi.

Loma 8:30

Co vaje vaangunwine Njambi, vakevo vaasanene, co vaje vaasanene, wavapwisile vaka-vushunga ku mesho endi, co wavanene vumpau vwendi.

1 Kolinte 1:9

Njambi vanapande kumukulaela, Njambi uje wamisanene ngeci mukale mu kulitombola amo na Munendi Yesu Kilistu Mwene yetu.

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

Ngalatiya 5:16

Evi vikevyo njendeka ngwange, eceleni Munzinzime atwamenene myonyo yeni, co mukenukwa mashungu a cisemwa ca vunu.

Efeso 4:1

Ngecivene, njilinakumisindiya, yange njinapu cinzinda omwo kupangela Mwene ngwange, yoyeleni a mwonyo uje unaliseteka na seteko ije yanamyakela Njambi omo wamisanene.

Efeso 5:2

Endeni mu cizemo ngwe Kilistu mwatuzemene, co wanene mwonyo wendi kuli yetu ngwe mulambu wa lwengo lwaluvwa na n̄ombelo ije ivwaelelesa Njambi.

Efeso 5:8

Laja mwakele mu lisusulungu, oloni omo munapu mu vanu va Mwene, ololo muli mu ceke. Ngecivene, munapande kuyoya ngwe vanu vali mu ceke,

Filipu 1:27

Ngecivene, cuma cakama manene eci, myonyo yeni iyoye ngwe muushaka muzimbu wauvwa wa Kilistu, ngeci nambe njasa kwija nakumimona nambe embwe, njakuziva ngeci munemana mbe a vutumbe vuno, co na cizango cimolika mulinakulwa amolika akukulaela a muzimbu wauvwa.

Kolose 1:10

Asinoni mukasa kuyoya ngwe ku cizango ca Mwene, co simbu yoshe mukasa kulinga vije vimuvwaelelesa. Kuyoya kweni kukaima vushuka vwavungi manene vwa miyati yoshe ya vipangi vyavivwa, co mukakola mu mana eni akuzivuka Njambi.

Kolose 2:6

Ngwe omo munatambula Kilistu Yesu kupwa Mwene, co yoyeni muli ikeye.

1 Tesalonika 4:1

Mukumanesela, vasamba vetu, mwalilongesele kuli yetu vati munapande kuyoya ngeci muvwaelelese Njambi. Mwa vushunga vene, omu mukemwo mumunakala nakuyoya. Co ololo tumilomba nakumisindiya mu lizina lya Mwene Yesu ngwetu muwezeleleko manene.

1 Tesalonika 4:12

Mu ngila eyi vene, mukatambula kasingimiko kuli vaje kesi vaka-kukulaela, co kumukayoyela ali munu umo kuli vije munajeneka.

1 Tesalonika 5:24

Uje namisana akacilinga, omwo wapwa wa kulongwa.

2 Tesalonika 1:10

omo akaija a Litangwa lije nakutambula vumpau kuli vanu vendi voshe na kalemeso kuli voshe vaje vanakulaela. Neni lalo mukakala akati kavo, omwo neni lalo munakulaela lijwi lije twamilekele.

2 Timateo 1:9

Ikeye watwovwele, co watusanene ngeci tupwe vanu vendi, kesi omwo a vilinga vyetu embwe, oloni omwo a vutumbe na a kutetela kwendi. Watwanene kutetela oku muli Kilistu Yesu ku simbu ya ku san̄ulu,

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.

1 Petulu 3:9

Kesi mwilwisile vuvi ku vuvi nambe cisingo ku cisingo, oloni ilwisileni civezikiso, omwo civezikiso cikeco cakulaesele Njambi kumyanaco omo wamisanene.

1 Petulu 5:10

Oloni omo munayanda kasimbu kakandondo lika, Njambi wa kutetela kwoshe, uje namisana mukulipangela vumpau vwendi vwa myaka yoshe muli Kilistu, ikeye vavenya akamijelesa nakumyana kwimana mbe na nzili na luvula lwaluvwa.

2 Petulu 1:3

Nzili ya vuNjambi vwendi inatwana vyuma vyoshe vije tunajeneka mukuyoya kwakuvwa kwa vuNjambi akutuzivuka kuli uje natusana ngeci tulipangele vumpau na vuvwa vwendi.

1 Yowano 2:6

nga twendeka ngwetu simbu yoshe tulinakuyoya muli ikeye, tunapande kuyoya ngwe mwalingile Yesu Kilistu.

3 Yowano 1:6

Vanambulula vya cizemo cove ku cikungulukilo cili kuno. Vakwase ngeci vatwaleleleo a vungenzi vwavo mu ngila ije ivwaelelesa Njambi.