1 Tesalonika 1:9 - Livulu lya Shukulu Kalunga

⁹ Vanu voshe valinakwendeka vati yeni mwatutambwile omo twezile nakumimona, co lalo vati mwatengulukile kutunda ku tumponya nakwija kuli Njambi, nakupangela Njambi wa vushunga wakuyoya,

1 Tesalonika 1:9 Iomraidhean Croise

Myaso 42:2

Njishungwiya Njambi, ngwe ciyambi ashungwiya mema, simbu mukajo njikamona cihanga ca Njambi?

Myaso 84:2

Njishaka ngeci njikalemo! Njishaka kukala mu Njuvo ya Shukulu Kalunga. Na mbunge yange yoshe njiimba nakujolela kuli Njambi wakuyoya.

Isaya 37:17

Ololo Shukulu Kalunga, kenga a vyuma evi vilinakulingiwa kuli yetu. Tolilila ku vyuma vyoshe vije vyalinakwendeka Mwene Senakelivi vyakushaula yove Njambi wakuyoya.

Isaya 37:4

Mwene wa vaAsilya natumu mwata wakama kushaula Njambi wakuyoya. Shukulu Kalunga Njambi yove azive kushaula oku nakuhisa vaje vanendekelemo. Ngecivene, lombela kuli Njambi ali vanu vetu vaje vacili nakuyoya.”

Njelemiya 10:10

Oloni yove Shukulu Kalunga, wapwa Njambi wa vushunga, yove Njambi wakuyoya na mwene wa ku myaka yoshe. Omo uluvala, co kaye kajaja, miyati ya vanu kuvasa kusimpa ku vukalu vwove.

Njelemiya 16:19

Yove Shukulu Kalunga, u muka-kunjinyunga nakunjana nzili, u muka-kunjikwasa a visimbu vya tuyando. Miyati vakaija kuli yove kutunda ku shongo ya kaye nakwendeka ngwavo, “Vakukulwila vetu vakele lika na vinjambi va makuli, tumponya twakujeneka seo.

Ndanyele 6:26

Yange njilinakushika ngwange mu vumwene vwange vwoshe, munu woshe napande kulemesa nakusingimika Njambi ya Ndanyele. “Ikeye Njambi wakuyoya, ikeye akashwana ku myaka yoshe. Vumwene vwendi kuvwesi kunyonga, co nzili yendi kuyesi kuhwa.

Hoziya 1:10

Vanu va mu Isalele vakapwa ngwe lishen̄avu lya ku mema a kalunga, lije kuvasa kulilava nambe kuseteka. Ngecivene, ololo Njambi alinakwendeka kuli vakevo ngwendi, “Yeni kesi mu vanu vange,” oloni litangwa lilinakwija omo akendeka kuli vakevo ngwendi, “Yeni munapu vana va Njambi wakuyoya!”

Zefaniya 2:11

Shukulu Kalunga akavajujwisa. Akatengulula vinjambi va ano asi nakuvapwisa vangoco, asinoni muyati na muyati wa vanu mu lifuti lyawo vakalemesa Shukulu Kalunga.

Malakiya 1:11

Kutunda ku shongo ya kaye nakweta ku shongo ya kaye vanu vakanjisingimika. Co kwoshe-ikwoshe vakenyeka insense nakunjikombelela vin̄ombelo vyavivwa. Omwo lizina lyange likapwa lyakama akati ka miyati ya vanu!

Mateo 16:16

Simoni Petulu wamukumbulwile ngwendi, “Yove Wakuvwevesa, Muna Njambi Wakuyoya.”

Vilinga vya Miluwa 14:15

“Omwo vikajo mulinakulinga cuma eci? Netu tunapu tu vanu ngeci mweni! Tulikuno mukwambulula Vin̄anda Vyavivwa, mukumitengulula ku vyuma vyangoco ngeci mwije kuli Njambi wakuyoya, uje watangele lilu na asi na mema a kalunga na vyoshe vilimo.

Loma 9:26

Co ku mutambela kuje kuvavalekele ngwavo, ‘Kesi mu vanu vange,’ co kuje vene vakavatumbula vana va Njambi wakuyoya.”

1 Kolinte 12:2

Mwazivuka ngeci omo laja mwakele vaka-kujeneka kukulaela, vamitwamenenene nakumisevwisa mu vingila vyavingi mukulemesa tumponya kutwesi na mwonyo.

Kwituluka mu Mashiko 5:26

Omwo munu iyajo nazivi laja lijwi lya Njambi wakuyoya endeka oku ali mukati ka tuhya, ngwe mutunazivi yetu, ngeci uje munu ayoye?

1 Tesalonika 2:1

Vakwetu, yeni vavenya mwazivuka ngweni kuma kwija kwetu kuli yeni kukwapwile kwangoco embwe.

1 Tesalonika 2:13

Co kuli cuma cikwavo lalo omwo vikajo simbu yoshe tukakandelela kuli Njambi. Omo twaminenelele lijwi lya Njambi, yeni mwalizivile nakulitambula, kesi ngwe lijwi lyakutunda kuli vanu oloni ngwe lijwi lya Njambi, Lije linapu lijwi lya Njambi vene. Omwo Njambi alinakupanga akati keni vaje vanakulaela.

1 Timateo 4:10

Omwo tuundangana nakupanga manene na nzili, omwo tunaaka cinyangavili cetu muli Njambi wakuyoya, uje napu Muyoyesi wa vanu voshe, vunene kuli vaje vakulaela.

VaHevelu 12:22

Oloni, yeni munaija ku Munkinda wa Siyone na nganda ya Njambi wakuyoya, Yelusalema ya mwilu, na tungelo vamwo vavangi-vangi.

Yoshwa 3:10

Co mukazivuka ngeci Njambi wakuyoya ali akati keni ngwe omo mulinakuya kulutwe, mwa vushunga vene ikeye akasheka vaKanana, na vaHiti, na vaHivi, na vaPelezi, na vaNgilengashi, na vaAmoli, na vaNjevushi.

1 Yowano 5:21

Vana vange, linyungeni yeni vavenya nakutunda ku vinjambi va makuli!

Kujombolola 17:2

Vimyene va ano asi valingile nendi vupangala, co vanu va mu kaye vapendele mukunwa vinyu vya vupangala vwendi.”

1 Samwele 17:26

Ndaviti wehwile vaje vanu vakele kuyehi nendi ngwendi, “Cuma muka civakana munu uje atsiya kaFilisitiya ou, nakupatula vaIsalele ku shwamwa eyi? KaFilisitiya iyajo ou wakujeneka kukulaela Kalunga ayeluwisa mbunga ya mashwalale va Njambi wakuyoya?”

1 Samwele 17:36

Njatsiya laja vindumba, na vaingwe, co njikalinga mumolika lalo na uje kaFilisitiya muka-kujeneka kukulaela, uje ayeluwisa mashwalale va Njambi wakuyoya.