1 Tesalonika 1:3 - Livulu lya Shukulu Kalunga

³ Omwo tukanuka ku mesho a Njambi yetu na Tatetu vipangi vya kukulaela kweni nakuundangana kwa cizemo na cinyangavili cakukola mbe muli Mwene Yesu Kilistu.

1 Tesalonika 1:3 Iomraidhean Croise

Kushangumuka 29:20

Yakomba wapangelele Lambani myaka itanu na ivali ngeci ambate Lakele, oloni simbu ije yasholokele ngwe matangwa amandondo lika kuli ikeye, omwo Yakomba wazemene Lakele manene.

Muka-kwambulula 2:26

Njambi aana mana, nakuzivuka, nakuvwaelela kuli vaje vamuvwaelelesa, oloni akapangesa vaka-vuvi, kuwana nakutulika, ngeci vije vivawana vavyane kuli vaje vamuvwaelelesa. Evi vyoshe vinapu vyangoco, vinapu lika ngwe kusheka lihunzi.

Myaso ya Solomoni 8:7

Mema amangi kuwasa kuzima cizemo, nambe livazi kulyasa kuvombesa cizemo. Munu naumo wai asa kulanda cizemo, nameme vene na vufuko vwavungi.

Yowano 14:15

“Nga munjizema, mukononoka mashiko ange.

Yowano 15:10

Nga mwononoka mashiko ange, mukakala mu cizemo cange, ngwe omo njononoka mashiko a Tate, co njili mu cizemo cendi.

Vilinga vya Miluwa 10:31

co wendekele kuli yange ngwendi, ‘Konelyasi! Njambi nazivi kulombelo kwove, co nanuka vipangi vyove vyavivwa.

Vilinga vya Miluwa 3:19

Tengulukeni, asinoni ilukeni kuli Njambi, ngeci amisambese ku vivi vyeni. Nga mulingamo,

Loma 12:12

Cinyangavili ceni cimivwaelelese, pweni vaka-lukakateya mu tuyando tweni, co lombeleni simbu yoshe.

Loma 15:13

Co Njambi, nsina ya cinyangavili, amishulise nakuvwaelela kwoshe na kwoloka omwo akukulaela kweni, ngeci cinyangavili ceni cikole mu nzili ya Munzinzime Wakujela.

Loma 15:4

Vyuma vyoshe vije vivasonekele mu Visoneka vavisonekele mukutulongesa, ngeci tukale na cinyangavili cakutunda ku lukakateya nakukutakamesa kuje kutunda ku Visoneka.

Loma 16:26

Oloni nameme ngoco ololo vushunga vuje vanavusholola mutanya mwelu mu visoneka vya vaka-kwimanena, nakushika kwa Njambi wa myaka yoshe vanavusholola ku miyati yoshe, ngeci voshe vakulaele nakwononoka.

Loma 16:6

Viindu kuli Maliya, uje wamipangelele manene.

Loma 2:7

Vamo vanu valinakulinga mwamuvwa nakushakezeka vumpau na kasingimiko na mwonyo wa myaka yoshe, kuli vakevo Njambi akavana mwonyo wa myaka yoshe.

1 Kolinte 13:13

Ngecivene, ololo, vyuma evi vitatu vinasala, kukulaela, cinyangavili na cizemo, co cinatuvakana ku vyuma vyoshe evi cinapu cizemo.

1 Kolinte 15:58

Ngecivene, vavusamba vange va cizemo, imaneni mbe kujeneka kuwa. Simbu yoshe pangeni na nzili mu vipangi vyeni kuli Mwene, omwo munazivuka ngweni vipangi vyeni mulinakupanga muli Mwene kuvyesi nakuya mwangoco.

2 Kolinte 2:17

Omwo kutwafwile ngwe vavangi vaje vatanganesa lijwi lya Njambi, ngwe kulandulula vyuma vyakujeneka seo, oloni omwo Njambi natutumu, twendeka na kalemeso ku mesho endi, ngwe vangamba va Kilistu.

Ngalatiya 1:4

Uje walyecele ikeye vavenya omwo vuvi vwetu, ngeci atwamene ku simbu ino yaivi, ngwe ku cizango ca Njambi Tatetu,

Ngalatiya 5:13

Ngwe ali yeni, vakwetu, vamisanene mukupatuka. Oloni kesi mutave kupatuka oku kupwe lisesa lyakumyecelela ngeci mashungu eni a vunu amipangese. Oloni taveni cizemo cimipwisa vangamba va umo na mukwavo.

Ngalatiya 5:6

Omwo tuli amo muli Kilistu Yesu, nambe kutuuka nambe kujeneka kutuuka kuvyasa kulinga cuma cimo, cuma cakama lika kukulaela cije cilinakupanga mu cizemo.

Ngalatiya 6:9

Ngecivene, kesi tujuke mukulinga mwamuvwa embwe, omwo nga kutujuka, simbu ikaija omo tukateja.

1 Tesalonika 3:6

Oloni ololo Timateo neluka kuno, co natwambulwila muzimbu wauvwa akukulaela kweni na cizemo ceni. Natuleka ngwendi simbu yoshe mulinakutwanuka, co mulinakushaka kutumona ngwe yetu tulinakushaka kumimona.

2 Tesalonika 1:11

Eci cikeco cuma tulinakumilombelela simbu yoshe. Tulinakulomba Njambi yetu ngeci amipwise vaje vanapande mwonyo uje wamisanenene ngeci muyoyemo. Ashulise na nzili yendi lilaku-laku lyeni lyoshe lyalivwa nakumanesa vipangi vyeni vyakukulaela.

2 Tesalonika 1:3

Vakwetu, tunapande kukandelela kuli Njambi simbu yoshe omwo yeni. Eci cinapu cacivwa kuli yetu kulinga ngacije, omwo kukulaela kweni kulinakukola manene na cizemo cije mulinaco kuli umo na mukwavo cilinakwama manene.

1 Timateo 1:14

Co Mwene yetu wetilile ngozi yendi yakama ali yange nakunjana kukulaela na cizemo vije vinapu vyetu muli Kilistu Yesu.

1 Timateo 2:3

Evi vinapu vyavivwa, co vivwaelelesa Njambi Muyoyesi wetu,

VaHevelu 10:36

Munapande kupwa vaka-kusimpa, ngeci mulinge cizango ca Njambi, co mukatambula vije vyanakulaesa.

VaHevelu 11:17

Akukulaela, Avilahama waanene munendi Isake kupwa n̄ombelo, omo Njambi wamwesekele. Kuli Avilahama lika Njambi walingile cikulaeso, nameme ngoco, walivwaeselele cimweja kwana munendi umolika kupwa n̄ombelo.

VaHevelu 13:21

amyane vyuma vyoshe vyavivwa vije munajeneka ngeci mulinge cizango cendi, ngeci apange muli yeni vije vimuvwaelelesa ali Yesu Kilistu. Co kuli ikeye kukale vumpau ku myaka na myaka! Ewa.

VaHevelu 4:11

Ngecivene, tutakameni ngeci tukatambule kuhwima kuje, moneni ngeci naumo wai wetu onwe ngwe muvalingile vakevo omwo kuvakulaelele.

VaHevelu 6:15

Co Avilahama wasimpile, co watambwile vije vyamukulaesele Njambi.

1 Petulu 3:4

Oloni vuvwa vweni vunapande kupwa vwa vushunga vwa mukati, vuvwa vuje kuvwesi kuvola vwa lyovwa-ovwa na kwoloka kwa munzinzime, eci cikeco ca seo yakama manene ku mesho a Njambi.

1 Yowano 3:18

Vana vange vavandondo, cizemo cetu kucapandele kupwa ca majwi nakwendeka lika embwe, oloni cinapande kupwa ca vushunga, cije cilisholola cikeco vavenya mu vilinga.

1 Yowano 3:21

Ngecivene, vasamba vange vanjazema, nga citaku-taku cetu kucituvayesa, co tulikolesa ku mesho a Njambi.

1 Yowano 3:3

Co woshe uje ali na cinyangavili eci muli Kilistu alijelese, ngwe Kilistu wapwa wakujela.

1 Yowano 5:3

Omwo cizemo cetu kuli Njambi cilumbunuka ngeci twononoke mashiko endi. Co mashiko endi kesi amakalu kuli yetu embwe,

Kujombolola 2:19

Njinazivuka vije viwukalingi. Njinazivuka cizemo cove na kulongwa kwove na vipangi vyove na lukakateya lwove. Njizivuka ololo ngeci ulinakulinga mwamuvwa manene kutuvakana muwalingile akulivanga.

Kujombolola 3:10

Omwo unanyungu lijwi lyange nakupwa muka-kusimpa, co lalo njikakunyunga a simbu ya tuyando tuje tulinakwija mu kaye koshe nakweseka vanu voshe va ano asi.