1 Tesalonika 1:1 - Livulu lya Shukulu Kalunga

¹ Mukanda wakutunda kuli yange Paulu na Silasi na Timateo. Kuli vanu va cikungulukilo ca mu Tesalonika, vaje vanakundama kuli Njambi Tate na Mwene Yesu Kilistu. Kutetela na kwoloka vikale neni.

1 Tesalonika 1:1 Iomraidhean Croise

Vilinga vya Miluwa 15:22

Asinoni miluwa na vakulunu, amo na cikungulukilo coshe vayongwele kwangula vamo vanalume mu munga yavo ngeci vavatume ku Antyoke amo na Paulu na Mbanambase. Vaangwile vanalume vavali vaje vavasingimikile manene vaka-kukulaela, Yundasa ivasanene Mbalasambasa na Silasi,

Vilinga vya Miluwa 15:27

Tunatumu Yundasa na Silasi vaje vakumileka vyuma vimolika vije vitulinakusoneka.

Vilinga vya Miluwa 15:40

Oloni Paulu waangwile Silasi, co waile nendi, vaka-kukulaela vavakundikile kukunyunga kwa kutetela kwa Njambi.

Vilinga vya Miluwa 16:19

Omo vaje vakuku yendi vamwene ngeci ngila yavo mwakutambwila vimbongo inahu, vakwatele Paulu na Silasi nakuvakokangeya nakuvatwala ku mbanja kuli vaka-kushwana.

Vilinga vya Miluwa 16:25

Oloni mukati ka vutsiki Paulu na Silasi vakele nakulombela nakwimba myaso kuli Njambi, co vaje vinzinda vakele mu kamenga vavatolililile.

Vilinga vya Miluwa 16:29

Co uje muka-kunyunga kamenga wasanene ngeci vamunenele ndeya, co washatukililemo, co watsikamene ku myanja ya Paulu na Silasi oku alinakujaja.

Vilinga vya Miluwa 17:11

VaYunda vakuje vapwile vakushokoloka ku vimbunge kutuvakana va ku Tesalonika. Omo vatolililile ku lijwi na vimbunge vyakuzituka, co a litangwa na litangwa valilongesele Visoneka kumona nga vije vyendekele Paulu vyapwile vya vushunga.

Vilinga vya Miluwa 18:5

Omo Silasi na Timateo vetele kutunda ku Masendoniya, Paulu simbu yendi yoshe walyanene ku cipangi kwambulula muzimbu nakwana vukaleo kuli vaYunda ngeci Yesu ikeye Wakuvwavesa.

Vilinga vya Miluwa 19:22

Ngecivene, watumine ku Masendoniya Timateo na Elasitase vaka-kumukwasa vendi vavali, omo ikeye wacikele simbu yakama mu lifuti lya Asiya.

Vilinga vya Miluwa 20:4

Co Sopata muna Pihase, uje watundile ku Mbeleya waile amo nendi, na Alisitakase na Sekundase vatundile ku Tesalonika, Ngayase watundile ku Ndembe, Taikikase na Tolofimase, vatundile ku lifuti lya Asiya, na Timateo.

Loma 1:7

Ngecivene, njilinakusonekela kuli yeni voshe muli mu Loma vaje vaazema Njambi nakumisana ngeci mupwe mu vanu vendi. Njambi Tatetu na Mwene Yesu Kilistu vamyane kutetela na kwoloka.

1 Kolinte 1:2

Ku cikungulukilo ca Njambi cije cili mu Kolinte, kuli vaje voshe vavanasana ngeci vapwe vanu va Njambi vakujela, vaje vanakundama kuli ikeye amo na Kilistu Yesu, amolika na vanu voshe kwoshe-ikwoshe vaje vakalemesa Mwene yetu Yesu Kilistu, Mwene yavo na Mwene yetu.

2 Kolinte 1:1

Mukanda wakutunda kuli yange Paulu, muluwa wa Kilistu Yesu ku cizango ca Njambi, unatundu lalo kuli Timateo ndolome yetu. Tulinakusonekela ku cikungulukilo ca Njambi cili mu Kolinte, na kuli vanu va Njambi voshe vali mu Akaya.

2 Kolinte 1:19

Omwo Yesu Kilistu Muna Njambi, uje vambulwile akati keni kuli Silase na Timateo nange vene, kesi ikeye umo uje napu “Eyo” nambe “Embwe.” Oloni muli ikeye mwakala lika “Eyo”,

Ngalatiya 1:2

Vakwetu voshe njilinavo kuno tulinakutuma viindu ku vikungulukilo vya mu Ngalatiya ngwetu,

Ngalatiya 1:22

Co a simbu ije vanu va mu vikungulukilo vya mu Yunda kuvazivukile cihanga cange.

Efeso 1:2

Njambi Tatetu na Mwene Yesu Kilistu vamyane kutetela na kwoloka.

Filipu 1:1

Mukanda wakutunda kuli yange Paulu na Timateo, vangamba va Yesu Kilistu. Kuli voshe vanu va Njambi mu Filipu vaje vali muli Kilistu Yesu, amo na vantwama va cikungulukilo na vakwasi.

Kolose 1:1

Mukanda wakutunda kuli yange Paulu, uje ku cizango ca Njambi napu muluwa wa Yesu Kilistu, unatundu lalo kuli ndolome yetu Timateo.

2 Tesalonika 1:1

Mukanda wakutunda kuli Paulu na Silase na Timateo. Kuli vanu va ku cikungulukilo ca mu Tesalonika, vaje vanakundama kuli Njambi Tatetu na Mwene Yesu Kilistu.

1 Timateo 1:2

Kuli Timateo, munange wa vushunga mukukulaela. Njambi Tate na Kilistu Yesu Mwene yetu vakwane kutetela na mema ku mbunge na kwoloka.

2 Timateo 1:2

Kuli Timateo, munange injazema. Njambi Tate na Kilistu Yesu Mwene yetu vakwane kutetele na mema ku mbunge na kwoloka.

VaHevelu 13:23

Njishaka muzivuke ngeci ndolome yetu Timateo ololo vanamwecela kutunda mu kamenga. Nga naija vwasi, co njikaija nendi omo njiija nakumimona.

1 Petulu 5:12

Njinamisonekela mukanda ou waundondo akukwasa kwa Silase, uje unjinakulaela ngwe ndolome mu vuka-Yesu. Njishaka kumitakamesa nakumyana vukaleo ngeci oku kukekwo kutetela kwa vushunga vwa Njambi. Imaneni mbe mu cikeco.

1 Yowano 1:3

Vije tunamono nakuziva tulinakumilekavyo lalo, ngeci mulipandakane amo netu mu kulitombola kuje tulinakwo na Tate na Munendi Yesu Kilistu.

Yunda 1:1

Mukanda wakutunda kuli Yunda, ngamba ya Yesu Kilistu, ikeye lalo ndolome ya Yakomba. Kuli vaje vavanasana kuli Njambi, vaje vayoya mu cizemo ca Njambi Tate namukunyunga kwa Yesu Kilistu.