1 Samwele 9:13 - Livulu lya Shukulu Kalunga

¹³ Omo muketamo, co mukamuwana, omwo kanda acilamate ku lilundu nakukalya, vanu lalo kuvasa kulya, na vaje vavanalanya kuvasa kulya kuvanga naija, omwo ikeye napande kuvezikisa n̄ombelo. Ololo lamateni vwasi-vwasi muliwane nendi.”

1 Samwele 9:13 Iomraidhean Croise

2 Samwele 15:11

Co kwakele vanalume 200 valanyele Avisalome kuya amolika nendi ku Hevelone, co vakevo kuvazivukile cuma cimo a vutumbe ovu, voshe vaile na mbunge imo.

Mateo 14:19

Asinoni washikile vanu vatumbame asi a mwila, co watambwile ije mikasha ya makende itanu na visi vavali, wakengele mwilu, co wakandelelele kuli Njambi. Wapazwile ije mikasha ya makende wayanene kuli vandongisi vendi, co vandongisi vapangezelele vimbunga vya vanu.

Mateo 26:26

Omo vakela nakulya, Yesu wanonele likende, walombele lilombelo lyakukandelela, co walipazwile, co walyanene kuli vandongisi vendi ngwendi, “Tambuleni mulye. Eli linapu muvila wange.”

Mako 6:41

Asinoni Yesu watambwile ije mikasha ya makende itanu na visi vavali, wakengele mwilu, co wakandelele kuli Njambi. Wapazwile ije mikasha ya makende wayanene kuli vandongisi vendi ngeci vapangezele vimbunga vya vanu. Co na vaje visi vavali lalo wavapangezelele mukati kavo.

Luka 24:30

Co watumbamene navo ku mesa nakulya, co wanonele likende nakulivezikisa, co walipazwile walyanene kuli vakevo.

Luka 9:16

Yesu watambwile ije mikasha ya makende itanu na visi vavali, wakengele mwilu, co wakandelelele kuli Njambi, co wavipazwile, wavyanene kuli vandongisi vendi ngeci vavipangezelele vimbunga vya vanu.

Yowano 6:11

Yesu watambwile ije mikasha ya makende, co wakandelelele kuli Njambi, co wapangezelele vanu vaje vatumbamene kuje asi. Ngecivene, walingile cuma cimo na ku visi lalo, co voshe valile vakutile.

Yowano 6:23

Ngecivene, mato eka aje atundile ku Timbelyase, ezile ku cikuma ca kuyehi na mutambela kuje kwakele mbunga ya vaje valile makende omo Mwene wakandelelele kuli Njambi.

1 Kolinte 10:30

Nga njikandelela kuli Njambi a vyakulya vyange, omwo vikajo munu weka anjana mulonga a vyakulya vije njinakandelela?”

1 Timateo 4:4

Omwo vyuma vyoshe vije vyanatanga Njambi vinapu vyavivwa, nacimo twasa kuvyana cai, oloni vyoshe twasa kuvitambula na lilombelo lyakukandelela,

1 Samwele 2:35

Njikaangula muka-kukombelela wa kulongwa ku mesho ange, ikeye akalinga vyuma vyoshe vinjishaka ngeci avilinge. Co njikamwana vatekulwila vaje vakapanga simbu yoshe ku mesho a uje mwene injinalyangwila.

1 Samwele 9:14

Ngecivene, Saulu na ngamba yendi vaile kuje ku nganda, co omo vetele, vamwene Samwele alinakwija kuli vakevo wakele nakuya ku mwela wakulemesela.