1 Samwele 8:11 - Livulu lya Shukulu Kalunga

¹¹ Samwele wavanungulwilile ngwendi, “Eci cikeco cifwa ca mwene uje akamishwana. Akakwata vana veni va vanalume nakuvapwisa mashwalale, co akati ka vanu vaje, vamo vakapanga ku matemba endi a nzita, co vakwavo ku maunzi a vinzita.

1 Samwele 8:11 Iomraidhean Croise

2 Samwele 15:1

Munima yevi, Avisalome walivwaeselele litemba na tuvalu, na vanalume makumi atanu vakumutwamenena.

1 Vimyene 1:5

Co Andoniya muna Hangite walyakele ikeye vavenya ku vukama wendekele ngwendi, “Yange njikapwa mwene.” Co walivwaeselele matemba na vanu vaka-kulonda a tuvalu, na vanu makumi atanu vaka-kwenda kulutwe lwendi.

1 Vimyene 10:26

Co Mwene Solomoni wakungulwile matemba akupwa 1,400 na tuvalu vakupwa 12,000. Co vamo wavaakele mu Yelusalema, co vaje vasaleleo wavaakele mu vinganda vyakuliseza-seza.

1 Vimyene 12:10

Co vaje vakwenje vamukumbulwile ngwavo, “Valeke ngwove, ‘Mulavo wakushongo ya livoko lyange unahimi manene kutuvakana nyonga ya tate!’

1 Vimyene 12:4

“Isho Solomoni watuyandesele manene nakutulemuwisa na vitele vyavikalu. Nga ututepulula ku vulemu ovu nakutuyoyesa mwamuvwa, co tukapwa vanu vove va kulongwa.”

1 Vimyene 14:27

Co akwingisamo vyeka, Mwene Lehovowame wafulile vintelo vya vunengu, co wavyanene kuli vamyata vaka-kunyunga ku vikolo vya lipela.

1 Vimyene 18:46

Co nzili ya Shukulu Kalunga yezile ali Elinja, co walizitikile vuzalo vwendi mu mbunda, co washatukile kulutwe lwa Ahave ngila yoshe na ku Njezelele.

1 Samwele 10:25

Samwele wanungulwilile kuli vanu moko na vipangi vya mwene, co wavisonekele mu livulu, walitulikile mu mwela wakujela. Asinoni munu na munu welukile kwimbo lyendi.

1 Samwele 14:52

Mukuyoya kwendi kwoshe, Saulu wakele nakulwisa vaFilisitiya na nzili manene. Ngecivene, oshe aje awanene munalume wa nzili nambe wakusimpa, co Saulu wamukovelesele mu mbunga ya mashwalale.

1 Samwele 22:7

co ikeye wendekele kuli vamyata vendi ngwendi, “Tolilileni, eni vanalume vaMbenjemani! Kuma yeni muyongola ngeci muvavoshe Ndaviti akasa kumyana mahya, na vitungu vya mikolovozi ya vushuka vwa vinyu nakumipwisa vamyata mu nzita yendi ndi?

1 Samwele 8:9

Ngecivene, vatolilile, oloni vanangule manene uvaleke cifwa ca mwene uje akavashwana.”