1 Samwele 7:6 - Livulu lya Shukulu Kalunga

⁶ Co voshe vakungulukilile ku Mizipa. Vatekwile mema nakuwetila kupwa n̄ombelo kuli Shukulu Kalunga, co valikelele kulya litangwa lyoshe lyamutunu. Co vendekele ngwavo, “Tunalingi vuvi ku mesho a Njambi.” Ngecivene, Samwele waakwilile vanu va Isalele ku Mizipa.

1 Samwele 7:6 Iomraidhean Croise

Kushangumuka 31:49

Co Lambani wendekele ngwendi, “Shukulu Kalunga apwe mukaleo akati ketu omo tulinakulyangunuka umo na mukwavo.” Co mwela uje vaulukile Mizipa.

2 Samwele 14:14

Yetu voshe tukatsa, tunapu ngwe mema akwitikila asi, aje kuvasa kuwakungiya lalo. Njambi ikeye kesi kwilwisila munu mwonyo wendi, oloni mwene asa kuwana ngila yakwilwisa munu ku vunzinda.

1 Vimyene 8:47

tolilila ku malombelo a vanu vove. Nga mu lifuti lije vatenguluka nakulombela kuli yove, co valitavela ku vuvi vwavo na ku kupenga-penga kwavo kuvanalingi, co ziva malombelo avo, yove Shukulu Kalunga.

1 Mizimbu 11:18

Co vaje mashwalale va lutsimo vatatu valicikininine kwita mukati ka cilombo ca vaFilisitiya, kuya nakutekula mema mu lisima, co vawanenele kuli Ndaviti. Oloni kaanwile, waetilile kuwapwisa ngwe n̄ombelo kuli Shukulu Kalunga,

2 Mizimbu 20:3

Njosefati wajajele manene, co walombelele kuli Shukulu Kalunga ngeci amutwamenene. Washikile lifuti lyoshe lya Yunda ngeci valikele kulya.

Nehemiya 9:27

ngecivene, wavakundikile mu mavoko a vitozi vavo ngeci vavafungulule nakuvashwana. Mu tuyando twavo vatambekele kuli yove ngeci uvakwase, co wavakumbulwile oku uli mwilu. Mukutetela kwove kwakama wavatuminine vantwama, vaje vavaamenene kuli vitozi vavo.

Yombi 16:20

Vasamba vange vanjishendumuna, co mesho ange alinakulila misozi kuli Njambi.

Yombi 3:24

Kukemanga kwange kunapu ngwe vyakulya vyange, co mivinjo yange itika ngwe mema.

Yombi 33:27

Co ikeye akendeka mu mbunga ya vanu ngwendi, ‘Njalingi vuvi. Kunjalingile mwamuvwa embwe, oloni Njambi nanjamena.

Yombi 40:4

“Kenga, yange iyajo ngeci njikukumbulule? Vikajo vinjikukumbulula? Yange nalumo lwai njikendeka lalo.

Yombi 42:6

Ngecivene, njinazivi shwamwa ya vije vyoshe njinendeka, co njitumbama mu livu na mu lito kumwesa ngeci njinatenguluka.

Myaso 106:6

Tunalingi vuvi ngwe muvalingile vakukulwila vetu, tunalingi mwamuvi, co tunaviisa.

Myaso 119:136

Mesho ange ali na misozi manene, omwo vanu kuvesi nakwononoka lishiko lyove.

Myaso 42:3

Mutanya na vutsiki njilinakulila, tuyando nakukemanga vinapu ngwe vyakulya vyange, visimbu vyoshe vitozi vange vanjishendumuna ngwavo, “Njambi yove ali kulijo?”

Myaso 6:6

Vusiwa vwange vunanjizeyesa, vutsiki na vutsiki vulili vwange na musato wange vijula na misozi.

Myaso 62:8

Eni vasamba vange kulaeleni kuli Njambi simbu yoshe! Mulekeni vukalu vweni vwoshe, omwo ikeye muka-kutunyunga.

Njelemiya 31:19

Twakukengesele nima, oloni twatengulukile. Omo watunyanyamesele, twazivile vusiwa. Co twazivile shwamwa na lyova, omwo a vyuma vya vulema vije vitwalingile omo twapwile tu vakwenje.’

Njelemiya 36:9

A vingonde vitanu na viwana, ku mwaka wamucitanu uje Yehoyakime wapwile mwene wa mu Yunda, vanu vazilile kulya ngeci Shukulu Kalunga avazivileko mema ku mbunge. Co litangwa lije valinyungile manene vanu voshe vaje vakele mu Yelusalema na voshe vaje vezile vatundile ku vinganda vya mu Yunda.

Njelemiya 9:1

Tawee, ngwe mutwe wange wapwile lisima lya mema, co na mesho ange ngwe lisima lya misozi, ngeci njase kulila mutanya na vutsiki omwo vanu vange vaje vavanatsii.

Mbimbi 2:11

Mesho ange avenga ngengu nakulila, mwonyo wange uli mu vukalu. Njinazeye na vusiwa akunyonga kwa vanu vange. Vanike na vimbututu valinakulezumukila mu vitapalo vya mu nganda.

Mbimbi 3:49

“Misozi yange ilinakwitika kujeneka kulikela ngwe muna ndonga,

Mbimbi 5:16

Nacimo cuma cinasalao lalo cai ku vije twalyalesele navyo. Twalingile vuvi, co ololo tunanyongo.

Ezekiyele 20:4

“Muna munu, unalivwaesela cimweja kuvasompa ndi? Unapande kuvasompa. Vanukise vyuma vya vunyengwe vije vivalingile vakukulwila vavo.

Hoziya 5:1

“Tolilileni vyuma evi, yeni vaka-kukombelela! Umbeniko mbunge, yeni vanu va mu Isalele! Tolilileni, yeni vaka-naanga ya vumwene! Munapandele kusompa mu vushunga, ngecivene, cihiso cikaija ali yeni! Yeni munapu ngwe nganjo ku Mizipa, munapu ngwe linimbwa lije vajangumwina a Munkinda wa Tambole.

Njwele 2:12

Shukulu Kalunga alinakwendeka ngwendi, “Nameme ololo, tengulukeni na vimbunge vyeni vyoshe ngeci mwiluke kuli yange nakulikela kulya nakulila nakulinyenga.

VaLevi 16:29

“Eli likelyo lishiko munapande kunyunga simbu yoshe ya kulutwe. A litangwa lyamulikumi ku ngonde yamucitanu na vivali, vaIsalele na vaka-kwija, vaje valinakukala akati keni, vanapande kulikela kulya*. Co lalo kuvapandele kupanga cipangi cimo embwe,

VaLevi 26:40

“Oloni nga vatekulwila veni vakalitavela vuvi vwavo, na vuvi vwa vakukulwila vavo, vaje vanjivyanene nakunjitengulukila,

Luka 15:18

Njikakatuka nakuya kuli tate, co njikendeka ngwange, tate, njinalingi vuvi ku mesho a Njambi na ku mesho ove.

Yoshwa 18:26

na Mizipa, na Kefila, na Moza,

Maako 10:10

Asinoni vaIsalele valililile kuli Shukulu Kalunga vendekele ngwavo, “Tunalingi vuvi ku mesho ove, omwo tunaseza yove, Njambi yetu, co tunalemesa Mbale.”

Maako 10:15

Oloni vanu va Isalele vendekele kuli Shukulu Kalunga ngwavo, “Tunalingi vuvi. Linga mwoshe muushaka, oloni Shukulu, twovole ku litangwa lya lelo.”

Maako 2:4

Omo kangelo ka Shukulu Kalunga wendekele majwi awa kuli vakevo, co vanu va Isalele voshe vashangumukile kulila nakutambakana manene,

Maako 20:23

Co vanu va Isalele vaile nakulilila ku mesho a Shukulu Kalunga noo ku cingwezi, co vehwile Shukulu Kalunga ngwavo, “Kuma tucishwenyesako lalo kulwa na vandolome vetu vaMbenjemani ndi?” Co Shukulu Kalunga wavakumbulwile ngwendi, “Yeni mukalwe.”

Maako 20:26

Asinoni vanu voshe va Isalele valamatele ku Mbetele nakukalililako. Co kuje vakatumbamene ku mesho a Shukulu Kalunga, kujeneka kulya a litangwa lije noo ku cingwezi. Co vakombelelele vin̄ombelo vya kulitombola, na vin̄ombelo vimo vya kwenyeka vyamutunu vyoshe ku mesho a Shukulu Kalunga.

Maako 3:10

Munzinzime wa Njambi wezile ali ikeye, co wapwile lyaako lya vaIsalele. Otenyele waile ku nzita, co Shukulu Kalunga wakundikile Mwene Kushane Lishataime wa ku Mesopotamya ku mavoko endi.

1 Samwele 1:15

Oloni Hana wamukumbulwile ngwendi, “Embwe mwane, kunjapendele. Kunjesi kunwa! Njinakala nakulombela, nakwana tuyando twange kuli Shukulu Kalunga.

1 Samwele 10:17

Samwele wasanene vanu valikungulwile amolika kuli Shukulu Kalunga ku Mizipa,

1 Samwele 12:10

Asinoni valililile kuli Shukulu Kalunga ngeci avakwase, co vendekele ngwavo, ‘Tunalingi vuvi, omwo tunakengesa nima Shukulu Kalunga, tunalemesa tumponya twa Mbale, na Asitalete. Twamene ku vitozi vetu, co tukakulemesa!’

1 Samwele 7:15

Samwele washwanene Isalele matangwa oshe akuyoya kwendi.