1 Samwele 7:3 - Livulu lya Shukulu Kalunga

³ Samwele wendekele kuli vanu va Isalele ngwendi, “Nga mwiluka kuli Shukulu Kalunga na vimbunge vyeni vyoshe, co munapande kutundisa vinjambi veka na vifwa vya Asitalete njambi wa munakazi. Likundikeni kuli Shukulu Kalunga nakulemesa ikeye lika, co akamyamena ku nzili ya vaFilisitiya.”

1 Samwele 7:3 Iomraidhean Croise

Kushangumuka 35:2

Ngecivene, Yakomba wendekele ku naanga yendi na kuli voshe vaje wakele navo amo ngwendi, “Tundiseni vinjambi veka vaje vali akati keni. Lijeleseni nakuzala vuzalo vwakujela.

1 Vimyene 11:33

Njilinakulinga eci omwo Solomoni nanjivyana, co nalemesa vinjambi veka, Asitalete, njambi wa munakazi wa Sindone, na Kemoshe, njambi wavunyengwe wa Mowavi, na Moleki, njambi wa vunyengwe wa Amoni. Solomoni kanjononokele, nalingi mwamuvi, co kanyungile mashiko ange na vilongesa vyange ngwe mwalingile ishe Ndaviti.

1 Vimyene 8:48

Nga mu lifuti muje vatenguluka mwa vushunga na kulongwa, co valombela kuli yove oku vanakenge ku lifuti lino waanene kuli vakukulwila vetu, na nganda ino unaangula, na Njuvo eyi njakutungila,

2 Vimyene 17:39

Mukanjononoke yange Kalunga Njambi yeni, co njikamyamena ku vitozi veni.”

2 Vimyene 23:15

Yosiya wasiwile lalo mutambela mu Mbetele uje uvalemeselele, uje watungile Mwene Yelovowame muna Nembate, uje watwamenenene Isalele mu vuvi. Co Yosiya washimbwile mutula, watavozwele mamanya awo vimbazuvwila, wavitwile vyapwile likungu, co wenyekele lalo cifwa ca Ashela.

1 Mizimbu 22:19

Ololo pangeleni Shukulu Kalunga Njambi yeni na vimbunge vyeni vyoshe, na mwonyo weni woshe. Shangumukeni kutunga Njuvo ya Shukulu Kalunga, ngeci mwakemo Cikasa ca Cikumiiyo ca Shukulu Kalunga, na vyuma vyoshe vyakujela vyakupangesa akumulemesa.”

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

2 Mizimbu 19:3

Oloni nameme ngoco, vyavivwa vimo vavimwene muli yove. Omwo watundisile vifwa vyoshe vya Ashela njambi wa munakazi vije vivalemesele vanu, co uneseka kukava cizango ca Njambi.”

2 Mizimbu 20:33

oloni kanyongesele ije mitambela vakele nakulemesela vaka-kujeneka kukulaela. Co vanu kuvatengulukile na vimbunge vyavo vyoshe nakulemesa Njambi ya vakukulwila vavo.

2 Mizimbu 30:19

“Yove Shukulu Kalunga, Njambi ya vakukulwila vetu, vasambese vaje valinakukulemesa na vimbunge vyavo vyoshe, nameme kuvajelele.”

Visimo 16:1

Yetu vanu tukatumbu matumbe, oloni lijwi lya mamaneselelo lyapwa lya Njambi.

Isaya 55:7

Vaka-vuvi vecele vilinga vyavo vya vuvi, co vatengulule viyongola vyavo. Vatengulukile kuli Shukulu Kalunga Njambi yetu, ikeye muka-mema ku mbunge na muka-kusambesa vwasi.

Njelemiya 24:7

Co njikavana mbunge yakuzivuka ngeci yange njapwa Kalunga. Asinoni vakapwa vanu vange, co yange njikapwa Njambi yavo, omwo vakelukila kuli yange na mbunge yavo yoshe.

Njelemiya 36:3

Amo omo vanu va mu Yunda vakaziva vije vyoshe vyavikalu vije vinjayongwele kunena ali vakevo, amo vakatenguluka kutunda ku vingila vyavo vyavivi. Asinoni njikavasambesa ku kupenga-penga kwavo na ku vivi vyavo.”

Njelemiya 4:1

Shukulu Kalunga alinakwendeka ngwendi, “Vanu va Isalele, nga mushaka kutenguluka, tengulukileni kuli yange. Nga munjikulaela nakutundisa tumponya tuje tunjazinda,

Ezekiyele 14:6

“Ngecivene, ololo, leka vaIsalele vije vinjendeka yange Kalunga wa Akamwa ya Vyoshe, ngwange, ilukeni, co sezeni tumponya tweni twa vunyengwe.

Ezekiyele 18:31

Sezeni vuvi vwoshe vuje munakele nakulinga, co kaleni na mana amaha na vimbunge vyaviha. Omwo vikajo yeni vaIsalele mushaka kutsa?

Hoziya 14:1

Yeni vanu va mu Isalele, ilukeni kuli Shukulu Kalunga Njambi yeni. Vuvi vweni vunamitanukisa nakumiwisa.

Mateo 15:8

‘Njambi ngwendi, vanu ava valinakunjisingimika lika na majwi avo, oloni vimbunge vyavo vili kulyala nange.

Mateo 4:10

Yesu wamukumbulwile ngwendi, “Tunda kuli yange, Satana! Omwo visoneka vinendeka ngwavyo, ‘Ukalemesa Shukulu Kalunga Njambi yove nakumupangela ikeye lika.’ ”

Mateo 6:24

“Munu naumo wai asa kupangela vashukulu vavali, kuvanga azindeo umo nakuzemao mukwavo, nambe apwa wa kulongwa ku umo nakushaula mukwavo. Co kuwasa kupangela Njambi nakupangela lalo vimbongo.

Luka 4:8

Yesu wamukumbulwile ngwendi, “Vanasoneka ngwavo, ‘Ukalemesa Shukulu Kalunga Njambi yove, ikeye lika iwukapangela!’ ”

Yowano 4:24

Njambi ikeye Munzinzime, co vaje vamulemesa, vanapande kumulemesa mu munzinzime na mu vushunga.”

Kwituluka mu Mashiko 10:20

Ononokeni Shukulu Kalunga Njambi yeni nakumupangela. Kakateyeni kuli ikeye nakulisinga mu lizina lyendi lika.

Kwituluka mu Mashiko 13:4

Mukakavangeya Shukulu Kalunga Njambi yeni nakumukomoka, nakunyunga mashiko endi oshe, nakwononoka ku lijwi lyendi, co mukamupangela nakumukakateya.

Kwituluka mu Mashiko 4:29

Co kuje mukashakezeka Shukulu Kalunga Njambi yeni, co nga mukamushakezeka na vimbunge vyeni vyoshe, na mwonyo weni woshe, co mukamuwana.

Kwituluka mu Mashiko 6:13

Mukasingimika Shukulu Kalunga Njambi yeni, nakupangela ikeye lika, nakulisinga a lizina lyendi lika.

Yoshwa 13:31

Kukumbasanako litambelo lya Ngilyande, amo na Ashetalote, na Endeleyi, mitwe ya vinganda vya vumwene vwa Onge wa ku Mbashane. Vyoshe evi Mosesa wavyanene ku naanga ya Makile muna Manase.

Yoshwa 24:14

Co Yoshwa wendekele lalo ngwendi, “Ololo singimikeni Shukulu Kalunga nakumupangela mu vushunga na mu kulongwa. Tundiseni vinjambi vaje vavapangelele vakukulwila veni nakuvalemesa ku Mesopotamya na mu Ingito, co pangeleni lika Shukulu Kalunga.

Yoshwa 24:23

Asinoni Yoshwa wendekele ngwendi, “Mwamuvwa nga mushaka kupangela Shukulu Kalunga, co tundiseni vinjambi veka vaje vali akati keni, co akeni vimbunge vyeni kuli Shukulu Kalunga Njambi ya Isalele.”

Maako 10:16

Ngecivene, vatundisile vinjambi vavo veka, co valemesele Shukulu Kalunga, co ikeye wazivile ku mbunge kuvavala a tuyando twa vaIsalele.

Maako 10:6

Co lalo vaIsalele valingile vuvi ku mesho a Shukulu Kalunga akulemesa Mbale, na Asitalete, vinjambi va Silya, na Sindone, na Mowavi, na Amoni, na Filisitiya. Valikelele kulemesa Shukulu Kalunga nakujeneka kumupangela.

Maako 2:11

Ngecivene, vaIsalele valingile mwamuvi ku mesho a Shukulu Kalunga, co vashangumukile kulemesa vaMbale.

Maako 2:13

Vasezele kulemesa Shukulu Kalunga, co vapangelele vaMbale, na vaAsitalete.

1 Samwele 31:10

Co vaakele vitwa vyendi mu njuvo ya njambi yavo Asitalete, co vashukikile muvila wendi a civumbe mu nganda ya Mbete Shane.