1 Samwele 7:2 - Livulu lya Shukulu Kalunga

² Co Cikasa ca Cikumiiyo ca Shukulu Kalunga cakele mu Kilyate Njealime simbu yakama manene, cakele kuje myaka makumi avali. A simbu ije vaIsalele voshe vatambekele kuli Shukulu Kalunga ngeci avakwase.

1 Samwele 7:2 Iomraidhean Croise

1 Mizimbu 13:3

Asinoni twakuye nakukashaka Cikasa ca Cikumiiyo ca Njambi, cije civombwanesele omo Saulu wapwile mwene.”

1 Mizimbu 13:5

Ngecivene, Ndaviti wakungulwile vanu va Isalele vaje vatundile mu lifuti mwoshe, kushangumukila ku nginga ya va Ingito ku mbwela kutwala ku Ngila ya ku Hamate ku kunto, vakashake Cikasa ca Cikumiiyo citunde ku Kilyate Njealime vacitwale ku Yelusalema.

Njelemiya 26:20

(Kwakele munalume umo lalo, lizina lyendi Uliya muna Shemaya wa ku Kilyate Njelime, uje wambulwile mu lizina lya Shukulu Kalunga kulwisa nganda eyi na lifuti eli ngwe mwalingile Njelemiya.

Njelemiya 3:13

Litavele lika ngwove uli na mulonga, co unatengulukila nakulwisa Shukulu Kalunga Njambi yove. Litavele ngwove unalingi vupangala mu minzinze yoshe ya miti, na vinjambi veka ngeci kuwononokele mashiko ange. Yange Kalunga, njinendekamo.

Njelemiya 31:9

Vanu vange vakaija nakulila, nakulombela omo njivatwamenena mukuvelwisa. Njikavatwamenena ku vana va vindonga vya mema, mu ngila yaivwa muje kuvakasa kutanuka. Yange njapwa ishe ya Isalele, co Efalime ikeye munange wa ntwatwa.”

Mateo 5:4

“Vanavezika vaje valinakulila, omwo Njambi akavazembeleka!

Yoshwa 9:17

Ngecivene, vanu va Isalele vakatukile, co omo kuneti matangwa atatu vetele ku vinganda vije vivatungile vaje vanu, vinganda vyavo vyapwile, Ngimbiyone, na Kefila, na Mbelote, na Kilyate Njelime.

Maako 2:4

Omo kangelo ka Shukulu Kalunga wendekele majwi awa kuli vakevo, co vanu va Isalele voshe vashangumukile kulila nakutambakana manene,

1 Samwele 7:1

Ngecivene, vanu va ku Kilyate Njealime vezilile Cikasa ca Cikumiiyo ca Shukulu Kalunga, vacitwalele ku njuvo ya munalume umo lizina lyendi Avinandave, watungile njuvo yendi a lilundu. Co vajelesele munendi Elyazale ngeci acinyunge.

1 Samwele 7:3

Samwele wendekele kuli vanu va Isalele ngwendi, “Nga mwiluka kuli Shukulu Kalunga na vimbunge vyeni vyoshe, co munapande kutundisa vinjambi veka na vifwa vya Asitalete njambi wa munakazi. Likundikeni kuli Shukulu Kalunga nakulemesa ikeye lika, co akamyamena ku nzili ya vaFilisitiya.”