1 Samwele 7:1 - Livulu lya Shukulu Kalunga

¹ Ngecivene, vanu va ku Kilyate Njealime vezilile Cikasa ca Cikumiiyo ca Shukulu Kalunga, vacitwalele ku njuvo ya munalume umo lizina lyendi Avinandave, watungile njuvo yendi a lilundu. Co vajelesele munendi Elyazale ngeci acinyunge.

1 Samwele 7:1 Iomraidhean Croise

1 Mizimbu 13:3

Asinoni twakuye nakukashaka Cikasa ca Cikumiiyo ca Njambi, cije civombwanesele omo Saulu wapwile mwene.”

Myaso 132:6

Twazivile vya Cikasa ca Cikumiiyo ku Mbetelehema, co twakaciwanene mu mahya a vaka-Njelime.

Isaya 52:11

Tundeni mu Mbambilone, yeni voshe vaka-kwambata vivala vya mu Njuvo ya Shukulu Kalunga. Kesi mukwate cuma cakujwala, lijeleseni ngeci muye.

Yoshwa 18:14

Co nginga yaile ku mutambela ukwavo, yatengulukilile ku mbwela kutunda ku munkinda wa mu kangombe ka yambi nakweta ku Kilyate Mbale, nambe Kilyate Njelime, yapwile ya muyati wa Yunda. Eyi ikeyo yapwile nginga ya mu kangombe ka yambi.

Yoshwa 9:17

Ngecivene, vanu va Isalele vakatukile, co omo kuneti matangwa atatu vetele ku vinganda vije vivatungile vaje vanu, vinganda vyavo vyapwile, Ngimbiyone, na Kefila, na Mbelote, na Kilyate Njelime.

1 Samwele 6:21

Co vatumine tunganda kuli vanu va ku Kilyate Njealime nakwendeka ngwavo, “VaFilisitiya vanelwisako Cikasa ca Cikumiiyo ca Shukulu Kalunga. Ijeni mucizile.”

1 Samwele 7:2

Co Cikasa ca Cikumiiyo ca Shukulu Kalunga cakele mu Kilyate Njealime simbu yakama manene, cakele kuje myaka makumi avali. A simbu ije vaIsalele voshe vatambekele kuli Shukulu Kalunga ngeci avakwase.