1 Samwele 6:9 - Livulu lya Shukulu Kalunga

⁹ Likengeleleni omo lilinakuya, nga likelyo lilinakukengesela ku nganda ya ku Mbete Shemeshe, co cikapwa ngeci kuma Njambi ya vaIsalele ikeye natunenelele vukalu vwakama ngacije. Oloni nga embwe, co tukazivuka ngwetu kesi ikeye natumine mushongo wangacije, cinapwile lika cuma cakulizila cikeco vavenya.”

1 Samwele 6:9 Iomraidhean Croise

2 Samwele 1:6

Co mukwenje wendekele ngwendi, “Mukwenda cintulu njetele a Munkinda wa Ngilembowa, co njamwene Saulu najendamena ku likunga lyendi, matemba na mashwalale va tuvalu twa vitozi vakele nakushwenya kuli ikeye.

1 Vimyene 4:9

Mbenendekele, ku vinganda vya Makaze, na Shalambime, na Mbete Shemeshe, na Elone, na Mbete Hanane,

2 Mizimbu 25:21

Ngecivene, Mwene Yehowashe wa mu Isalele waile ku nzita, co walwisile Mwene Amaziya wa mu Yunda. Co valwililile ku Mbete Shemeshe mu Yunda,

Kutuuka 8:15

Oloni omo mwene wamwene ngeci mambotwe vanatsi, co wakaluwisile lalo mbunge yendi ngwe vene muje mwendekele Shukulu Kalunga, mwene katolililile kuli Mosesa na Alone embwe.

Muka-kwambulula 9:11

Njanangukile cuma cikwavo lalo ngeci muno mu kaye, vaka-kushatuka manene kuvesi kuhyana kushatuka simbu yoshe, co vaka-kusimpa kuvesi kuhyana nzita simbu yoshe, co vaka-mana kuvesi kuwana vufuko simbu yoshe, na vaka-vutongwe kuvesi kuwana vitumbamo vyakama simbu yoshe. Luvinda lukaija ku munu woshe-iwoshe.

Isaya 26:11

Vitozi vove kuvazivuka ngeci ukavahisa. Shukulu Kalunga, vazivise shwamwa, mwesa cizemo cove kuli yetu, co vombile mu tuhya tuje tuwavwaeselele vitozi vove.

Amose 3:6

Kuma lupembo lwa nzita lwasa kwimba ngoco mu nganda kujeneka vanu kuziva lyova ndi? Kuma vukalu vwasa kwija ngoco mu nganda nga Shukulu Kalunga kavutumine ndi?

Luka 10:31

Co muka-kukombelela wezile mu ngila ije, oloni omo wamwene uje munalume wamwongolokele.

Yoshwa 15:10

kuje kwongolokelele nginga mu kangombe ka yambi ya Mbala nakweta ku lifuti lya malundu ku Endome, likelyo lifuti lya Seya, co yakengeselele lalo ku mutambela wa ku kunto ya Munkinda wa Njelime (nambe Kesalone), kushelumukila ku Mbete Shemeshe, nakweta ku Timena.

Yoshwa 21:16

na Aine, na Njuta, na Mbete Shemeshe, amolika na mutambela wavo wakulila vimuna, vyapwile vinganda vitanu na viwana ku miyati ya Yunda na Simyoni.

1 Samwele 6:10

Co valingile ngwe muvavalekele, vaakele vingombe vavali va lwavo ku mandauluwa ya litemba, co vashokelele vana vavo mu licakana.

1 Samwele 6:12

Ngecivene, vaje vingombe va lwavo vaile mu ngila ya ku Mbete Shemeshe, vashungamene kuje vene, kuvaangunukile mu ngila, vaile nakutamuna oku venda. Co vimyene vatanu va vaFilisitiya vavakavele munima noo ku nginga ya Mbete Shemeshe.

1 Samwele 6:3

Co vakumbulwile ngwavo, “Nga mwilwisako Cikasa ca Cikumiiyo ca Njambi ya Isalele, kuvanga muciilwiseko na vwana vwa n̄ombelo ya a vuvi vweni. Cikasa ca Cikumiiyo kucapandele ciiluke mavoko-voko kujeneka vwana. Mu ngila eyi mukakanguka, co mukawana oni cuma mukajo camihisilile.”