1 Samwele 6:6 - Livulu lya Shukulu Kalunga

⁶ Omwo vikajo mulinakukaluwisila vimbunge vyeni, ngwe mwalingile mwene wa Ingito na vaka-Ingito? Kesi mwivale muje Njambi mwavapwisile vilema noo vecelele vaIsalele kutunda mu Ingito.

1 Samwele 6:6 Iomraidhean Croise

Yombi 9:4

Njambi muka-mana na nzili, munu naumo wai emana nakumulwisa.

Myaso 95:8

“Kesi mukaluwise vimbunge vyeni, ngwe muje muvalingile vakukulwila veni ku Meliva, ngwe muje muvalingile a litangwa lije ku Masa mu mambo.

Kutuuka 10:3

Ngecivene, Mosesa na Alone vaile kuli mwene vendekele kuli ikeye ngwavo, “Shukulu Kalunga Njambi ya vaHevelu nendeka ngwendi, ‘Visimbu vingaijo ukavyana kulikeesa ku mesho ange? Ecela vanu vange vaye ngeci vakanjilemese.

Kutuuka 14:17

Njikakaluwisa vimbunge vya vaka-Ingito ngeci vakavakave munima, co njikawana kasingimiko akuhyana kwange ali mwene, na mashwalale vendi, na makalu endi, na vaka-kuwendesa vendi.

Kutuuka 14:23

Co vaka-Ingito vakavele vaIsalele munima cwi na mu mema a kalunga na tuvalu twavo twoshe, na makalu, na vaka-kuwendesa.

Kutuuka 4:21

Shukulu Kalunga wendekele lalo kuli Mosesa ngwendi, “Omo ukeluka ku Ingito, anuka kulinga vikomokeso vyoshe evi njinakwanavyo kuvilinga ku mesho a mwene. Oloni njikakaluwisa mbunge ya mwene, co ikeye kakatava vanu ngeci vaye.

Kutuuka 7:13

Nameme ngoco, mwene wakaluwisile mbunge yendi, ngwe vene muje mwendekele Shukulu Kalunga, mwene katavele kutolilila kuli Mosesa na Alone.

Kutuuka 7:14

Asinoni Shukulu Kalunga wendekele kuli Mosesa ngwendi, “Mwene nakaluwisa mbunge yendi, navyana kwecela vanu vange vaye.

Kutuuka 8:15

Oloni omo mwene wamwene ngeci mambotwe vanatsi, co wakaluwisile lalo mbunge yendi ngwe vene muje mwendekele Shukulu Kalunga, mwene katolililile kuli Mosesa na Alone embwe.

Kutuuka 8:32

Oloni nameme a simbu eyi vene mwene wacikaluwisile mbunge yendi manene, co lalo katavele vanu ngeci vaye.

Kutuuka 9:16

Oloni akukumwesa nzili yange, njakutavele kuyoya ngeci lizina lyange likatsimane mu kaye mwoshe.

Kutuuka 9:34

Omo mwene wamwene ngeci nyonzi na cililimo vinalikela, co walingile lalo vuvi. Ikeye na vamyata vendi vacikaluwisile vimbunge vyavo ngwe vene simbu yoshe,

Loma 2:5

Oloni yove uli na mbunge yakukola nakukaluwa, co ulinakulingisa cihiso cove vavenya ngeci cipwe cakama manene a Litangwa lije omo vukalu vwa Njambi nakusompa kwendi kwa vushunga vikasholoka.

VaHevelu 3:13

Oloni umo weni kesi vuvi vumukwise nakukaluwisa mbunge yendi, munapande kulinangula umo na mukwavo a litangwa na litangwa, ngwe mulinendeka lijwi mu visoneka ngwalyo “Lelo” lilinakupanga kuli yetu.