1 Samwele 6:3 - Livulu lya Shukulu Kalunga

³ Co vakumbulwile ngwavo, “Nga mwilwisako Cikasa ca Cikumiiyo ca Njambi ya Isalele, kuvanga muciilwiseko na vwana vwa n̄ombelo ya a vuvi vweni. Cikasa ca Cikumiiyo kucapandele ciiluke mavoko-voko kujeneka vwana. Mu ngila eyi mukakanguka, co mukawana oni cuma mukajo camihisilile.”

1 Samwele 6:3 Iomraidhean Croise

Yombi 10:2

Njikendeka kuli Njambi ngwange kesi unjihise. Njileke! Vikajo unjilwisila?

Kutuuka 23:15

Mu ngonde ya Avive, ngonde ije mwatundile mu Ingito, lisambeni Ciwano ca Makende Akujeneka Musima mu ngila ije injamishikile vene. Kesi mulye makende akulinga na musima a simbu ije ya matangwa atanu na avali a ciwano eci. Co kesi mwije nakunjilemesa kujeneka mulambu.

Kutuuka 34:20

Oloni mwasa kukula cimulu woshe wakulivanga kusemuka nakwingisamo muna manga mu mwela wendi. Nga yove shove kumukula, co mupokole mukoshi. Oloni kuleni mwana woshe wa ntwatwa wa munalume. “Munu naumo wai akaija ku mesho ange mavoko-voko kujeneka mulambu.

Kutuuka 8:15

Oloni omo mwene wamwene ngeci mambotwe vanatsi, co wakaluwisile lalo mbunge yendi ngwe vene muje mwendekele Shukulu Kalunga, mwene katolililile kuli Mosesa na Alone embwe.

VaLevi 5:6

napande kunena mulambu wa mulonga wendi kuli Shukulu Kalunga, manga nambe membe wa lwavo ngeci upwe mulambu wa a vuvi. Co muka-kukombelela akamwambesa ku vuvi vwendi.

VaLevi 6:6

Co akatwale kuli muka-kukombelela lijamba lya manga nambe membe wakujeneka kapenga kupwa mulambu wa kuliilwisila kuli Shukulu Kalunga. Co ndando ya uje cimuna inapande kupwa ndando ije vemika ya mulambu wa kuliilwisila.

Kwituluka mu Mashiko 16:16

“Vanalume voshe va ku muyati weni vakalikungulwile ku mesho a Shukulu Kalunga Njambi yeni visimbu vitatu a mwaka ku mwela uje waakangula Shukulu Kalunga wakumulemesela, vakalikungulwile ku Ciwano ca Pasovala, na ku Ciwano ca Kuteja, na ku Ciwano ca Mapapela. Co vakanene mulambu.

1 Samwele 5:11

Ngecivene, vasanene lalo vimyene voshe va vaFilisitiya, co vendekele ngwavo, “Ilwiseniko Cikasa ca Cikumiiyo ca Isalele ku mwela waco, ngeci kesi citutsiye yetu na naanga yetu.” Co kwakele kuuya-uya mu nganda ije yoshe omwo Njambi wavahisile manene.

1 Samwele 5:7

Omo vamwene vije vyakele nakulingiwa, vendekele ngwavo, “Njambi ya Isalele alinakutuhisa amo na njambi yetu Ndangone. Kutwapandele kutumbika Cikasa ca Cikumiiyo kuno.”

1 Samwele 5:9

Oloni omo cetele kuje, co Shukulu Kalunga wahisile nganda ije, nakuvaiya-yiisa manene. Co Shukulu Kalunga wahisile vanu va mu nganda ije na mazimbo, vanike na vakulunu voshe.

1 Samwele 6:8

Co noneni Cikasa ca Cikumiiyo ca Shukulu Kalunga, mucake mu litemba, co kumukulo waco, akeniko cikasa cije cili na tumponya twa ngolinde, mutuminenivyo, ngeci ipwe n̄ombelo ya a vuvi. Tumeni litemba liye alyo lika.

1 Samwele 6:9

Likengeleleni omo lilinakuya, nga likelyo lilinakukengesela ku nganda ya ku Mbete Shemeshe, co cikapwa ngeci kuma Njambi ya vaIsalele ikeye natunenelele vukalu vwakama ngacije. Oloni nga embwe, co tukazivuka ngwetu kesi ikeye natumine mushongo wangacije, cinapwile lika cuma cakulizila cikeco vavenya.”