1 Samwele 6:20 - Livulu lya Shukulu Kalunga

²⁰ Ngecivene, vanu va ku Mbete Shemeshe vendekele ngwavo, “Iyajo asa kwimana ku mesho a Shukulu Kalunga, Njambi wakujela? Tukamutuma kulijo ngeci atunde kuli yetu?”

1 Samwele 6:20 Iomraidhean Croise

2 Samwele 6:7

Aje vene Shukulu Kalunga Njambi waluvalele na Uza, co wamutsiile omwo wakwatele livoko lyendi ku Cikasa ca Cikumiiyo. Uza watsililile kuje ku Cikasa ca Cikumiiyo,

2 Samwele 6:9

Ngecivene, Ndaviti wakele na lyova lya Shukulu Kalunga, co wendekele ngwendi, “Vati njambata Cikasa ca Cikumiiyo?”

Myaso 76:7

Oloni yove Shukulu Kalunga voshe valinakukukomoka! Iyajo asa kwimana ku mesho ove omo unaluvala?

VaLevi 11:44

Yange njapwa Kalunga Njambi yeni, co munapande kulinyunga mupwe vaka-kujela, omwo yange njapwa wakujela.

VaLevi 11:45

Yange njapwa Kalunga uje wamitundisile mu lifuti lya Ingito ngeci njipwe Njambi yeni. Munapande kupwa vakujela omo yange njapwa wakujela.

Malakiya 3:2

Oloni iyajo akasa kwimana a litangwa lyakwija kwendi? Iyajo akovoka omo akasholoka? Omwo akapwa ngwe tuhya twa n̄ulungu muka-kufula vikuvo nambe njapau ya muka-kukusha vinanga.

Luka 5:8

Omo Simoni Petulu wamwene vije vyalingiwile, watsikamene a mavuli ku mesho a Yesu wendekele ngwendi, “Mwene tunda kuli yange, omwo yange nji muka-vuvi!”

Luka 8:37

Asinoni vanu voshe va ku mutambela uje valombele Yesu atunde mu lifuti lyavo, omwo vazivile lyova lyakama. Co Yesu wakovelele mu vwato wavasezele.

Kujombolola 6:17

Omwo litangwa lyakama lya vukalu vwavo linete, co iyajo asa kwimana?”

1 Samwele 5:7

Omo vamwene vije vyakele nakulingiwa, vendekele ngwavo, “Njambi ya Isalele alinakutuhisa amo na njambi yetu Ndangone. Kutwapandele kutumbika Cikasa ca Cikumiiyo kuno.”