1 Samwele 6:17 - Livulu lya Shukulu Kalunga

¹⁷ VaFilisitiya vatumine tumponya twa mazimbo twa ngolinde tutanu kupwa n̄ombelo ya a vuvi vwavo kuli Shukulu Kalunga, kamo na kamo a vinganda vya Ashendonde na Ngaza, na Ashekelone na Ngate, na Ekelone.

1 Samwele 6:17 Iomraidhean Croise

2 Samwele 1:20

Kesi muvyambulule mu Ngate, nambe mu vitapalo vya Ashekelone. Kutewa vambanda va vaFilisitiya vavwaelela, kutewa vambanda va vaje vaka-kujeneka kukulaela vavwaelela.

2 Samwele 21:22

Ava makisi-kisi vawana vapwile vatekulwila va makisi-kisi va ku Ngate, vavatsiile kuli Ndaviti na vanu vendi.

2 Vimyene 1:2

Mwene Ahaziya wa mu Isalele wawililile asi kutunda mu njanena ya njuvo yendi ya akamwa ya lipela mu Samaliya, co wavulumukile manene. Ngecivene, watumine miluwa vakehule Mbalezevuve, njambi wa Ekelone nganda ya Filisitiya, ngeci azivuke nga enduka nambe kenduka kukuvulumuka kwendi.

2 Mizimbu 26:6

Uziya waile ku nzita nakulwisa vaFilisitiya. Wasiwile vivumbe vya vinganda vya Ngate na Njaminiya na Ashendonde, co watungile vinganda vya vimpaka kuyehi na Ashendonde na mu lifuti lyoshe lya Filisitiya.

Njelemiya 25:20

na voshe vaka-kwija va mu Ingito, na vimyene voshe va mu lifuti lya Uze, na vimyene voshe va ku Filisitiya, va vinganda vya Ashekelone, na Ngaza, na Ekelone, na vaje vasalele mu Ashendonde,

VaLevi 5:7

“Oloni nga munu onwa kunena manga nambe membe, co uje munu napande kunena kuli Shukulu Kalunga tutela vavali nambe mayembe vavali, kupwa mulambu wa mulonga wendi a vuvi vuje vwanalingi. Kazila umo akapwa wa mulambu wa a vuvi, co mukwavo wa mulambu wa kwenyeka.

Amose 1:6

Shukulu Kalunga alinakwendeka ngwendi, “Vanu va ku Ngaza vanalingi vuvi kushwakumo, omwo cuma eci mwa vushunga njikavanyanyamesa. Vatwalele muyati woshe nakuvalandesa kupwa vinzinda kuli vanu va ku Endome.

Amose 6:2

Yeni mukakenge ku nganda ya Kalene. Asinoni yeni lalo ku nganda yakama ya Hamate, co shelumukeni lalo ku nganda ya vaFilisitiya ku Ngate. Kuma vakevo vapwile va seo kutuvakana vumwene vwa Yunda na Isalele ndi? Kuma lifuti lyavo lyapwile lyakama kutuvakana lyeni ndi?

Kwituluka mu Mashiko 28:27

Shukulu Kalunga akatuma mazimbo ali yeni ngwe mwalingile kuli vaka-Ingito. Mivila yeni ikajamozoka vimbandu, na mishongo yakulijwa. Kukukakala vyemba vyai.

Maako 1:18

Vanu va muyati wa Yunda vafungulwile lalo Ngaza na mutambela wayo, na Ashekelone na mutambela wayo, na Ekelone na mutambela wayo.

Maako 14:19

Co Munzinzime wa Shukulu Kalunga wezile na nzili ali Samusoni, co waile ku Ashekelone, kuje wakatsiile vanalume vakupwa makumi atatu, co wavapukwile vyavo, waanene vuzalo vwavo kuli vaje vanalume valumbunwine kaje kasau. Munima ya vyuma evi, Samusoni waluvalele manene a vije vyalingiwile, co welukile ku njuvo ya ishe,

Maako 16:1

Litangwa limo Samusoni waile kuli vaFilisitiya ku nganda ya Ngaza, kuje waliwanene na cikwizi, co waile nendi ku vulili.

Maako 16:21

Co VaFilisitiya vamukwatele, vamutivile mesho. Vamutwalele ku Ngaza, vamukutile na malyenge a vunengu, co vamwakele ku vipangi vyakutwa ku likina mu kamenga.

1 Samwele 5:1

Omo vaFilisitiya vafungulwile Cikasa ca Cikumiiyo, vacitundisile ku Embenezele, co vacitwalele ku nganda yavo ya Ashendonde,

1 Samwele 5:10

Ngecivene, vatumine Cikasa ca Cikumiiyo ku Ekelone, nganda ikwavo ya vaFilisitiya, oloni omo Cikasa cetele kuje, co vanu vatambekele ngwavo, “Vananena Cikasa ca Cikumiiyo ca Njambi ya Isalele kuno, ngeci vakututsiise yetu voshe!”

1 Samwele 5:8

Ngecivene, vatumine miluwa, co vasanene vimyene voshe vatanu va vaFilisitiya, vavehwile ngwavo, “Vatijo tulinga na Cikasa ca Cikumiiyo ca Njambi ya Isalele?” Co vakumbulwile ngwavo, “Citwaleni ku Ngate.” Ngecivene, vacitwalele ku Ngate, nganda ikwavo ya vaFilisitiya.

1 Samwele 6:4

Co vanu vehwile ngwavo, “N̄ombelo ya a vuvi mukajo tukamutumina?” Co vakumbulwile ngwavo, “Tumponya tutanu twa ngolinde twa mazimbo, na tumponya tutanu twa ngolinde twa vimuku, umo na umo ngwe ku vimyene va vaFilisitiya. Omwo mushongo umolika wakele ali yeni voshe na ali vimyene ava vatanu.