1 Samwele 6:14 - Livulu lya Shukulu Kalunga

¹⁴ Co litemba lyezile mu lihya lya Yoshwa, uje wakele ku Mbete Shemeshe, co lyemanene kumukulo wa limanya lyakama. Co vanu vavatozwele mavaya a litemba nakutsiya vije vingombe va lwavo nakuvakombelela kupwa n̄ombelo ya kwenyeka kuli Shukulu Kalunga.

1 Samwele 6:14 Iomraidhean Croise

2 Samwele 24:18

A litangwa lije vene, Ngande waile kuli Ndaviti wamulekele ngwendi, “Ya ku lijungwilo lya Alauna ukatungile Shukulu Kalunga mutula.”

2 Samwele 24:22

Co Alauna wamukumbulwile ngwendi, “Wambate ngano shukulu, ngeci wane kuli Shukulu Kalunga vyoshe viwushaka. Co lalo vingombe vakwenyekela a mutula kupwa n̄ombelo, na vimandauluwa vyavo evi amolika na mavaya akujungwila ngeci vipwe vitale.”

2 Samwele 24:25

Asinoni watungile mutula wa Shukulu Kalunga nakukombelela vin̄ombelo vya kwenyeka, na milambu ya kulitombola. Shukulu Kalunga wakumbulwile lilombelo lyendi, co mushongo wakulitambwisa wahwile mu Isalele.

1 Vimyene 19:21

Asinoni Elisha waile ku vingombe vendi, wavatsiile, co watelekele situ, co vimandauluwa vikevyo vyapwisile vitale. Waanene situ kuli vanu, co valile. Asinoni wakavele Elinja kupwa muka-kumukwasa.

Kutuuka 20:24

Co njimungileni mutula wa livu, akeo mukakombelelao vimanga veni na vingombe veni kupwa milambu yamutunu ya kwenyeka, amo na milambu ya kulitombola. Mu mutambela woshe uje njikemika wakunjilemesela, co njikaija kuli yeni nakumivezikisa.

Maako 21:4

Alikaki mutondo-tondo, vanu vendukile, vatungile mutula kuje. Co vakombelelele vin̄ombelo vya kwenyeka, na vin̄ombelo vya kulitombola kuje.

Maako 6:26

Co tungila Shukulu Kalunga Njambi yove mutula wa vutongwe akamwa ya limanya. Asinoni wambate uje ngombe wa nkomba wamucivali, mwenyeke woshe apwe n̄ombelo, na vitale vije vya manda ya Ashela vije unavatozola.”

1 Samwele 11:5

Saulu aceta vene ngacije kutunda ku mahya na vingombe vendi vakulimisa, co wehwile ngwendi, “Vika vyaviyako? Omwo vika vanu voshe valinakulila?” Co vamulekele vije vambulwile miluwa vaje vatundile ku Njembeshe.

1 Samwele 20:29

Omwo naanga yendi valinakulisamba a ciwano cakukombelela mu nganda, co ndolome yendi namushikile ngeci akakaleko. Ngecivene, nga yange njinapu nji musamba wendi, njinapande kumutava aye akamone vavushoko vwendi. Eci cikeco camujenekesa kukala mu mwela wendi kukulya.”

1 Samwele 6:13

Co vanu va ku Mbete Shemeshe vakele na kuteja tiliku mu cana, co omo vandwile mesho avo, vamwene Cikasa ca Cikumiiyo. Co vavwaelelele akucimona.

1 Samwele 6:18

Co lalo vatumine tumponya twa vimuku twa ngolinde, kamo na kamo ku vinganda vije vashwanene vimyene vatanu va Filisitiya, ku vinganda vya vimpaka, na membo lalo a vivumbe. Co limanya lyakama lya mu lihya lya Yoshwa wa ku Mbete Shemeshe, aje avaakele Cikasa ca Cikumiiyo ca Shukulu Kalunga, na lelo lino kulicili kuje muje mu lihya, kupwa vukaleo vwa vije vyalingiwile.