1 Samwele 5:8 - Livulu lya Shukulu Kalunga

⁸ Ngecivene, vatumine miluwa, co vasanene vimyene voshe vatanu va vaFilisitiya, vavehwile ngwavo, “Vatijo tulinga na Cikasa ca Cikumiiyo ca Njambi ya Isalele?” Co vakumbulwile ngwavo, “Citwaleni ku Ngate.” Ngecivene, vacitwalele ku Ngate, nganda ikwavo ya vaFilisitiya.

1 Samwele 5:8 Iomraidhean Croise

1 Mizimbu 7:21

na Zavande, na Shutela. Co Efalime wakele lalo na vana vakwavo vavali kuwezelela kuli Shutela mazina avo, Ezele, na Eleyande vaje vavatsiile omo vevile vimuna va vavenya lifuti lya Ngate.

Amose 6:2

Yeni mukakenge ku nganda ya Kalene. Asinoni yeni lalo ku nganda yakama ya Hamate, co shelumukeni lalo ku nganda ya vaFilisitiya ku Ngate. Kuma vakevo vapwile va seo kutuvakana vumwene vwa Yunda na Isalele ndi? Kuma lifuti lyavo lyapwile lyakama kutuvakana lyeni ndi?

Zakaliya 12:3

Oloni omo simbu ije iketa, Yelusalema njikaipwisa ngwe limanya lyakulema, muyati woshe wa vanu vaje vakeseka kulijundula vakavulumuka. Co miyati yoshe ya vanu va mu kaye vakalipandakana amo nakuyilwisa.

Yoshwa 13:3

na mitambela yoshe ya Avime ku mbwela. (Lifuti lyakutunda ku muna ndonga Shihole, ku nginga ya Ingito, nakweta ku kunto ku nginga ya ku Ekelone, lifuti eli lyoshe lyapwile lya vaKanana. Vimyene va vaFilisitiya vakele ku Ngaza, na Ashendonde, na Ashekelone, na Ngate, na Ekelone.)

Yoshwa 15:11

Co nginga yakengeselele ku vushelumukilo vwa lilundu lya Ekelone ku kunto, co yakengeselele ku Shikelone, yetile ku Munkinda wa Mbala, yetile ku Njameniya, co yahwililile ku Lishali lya Menditelenyani.

1 Samwele 17:4

Co munalume umo lizina lyendi Ngolyata, wa mu nganda ya Ngate, watundile kuli vaFilisitiya, wasanene Isalele ngeci valwe. Vulaja vwendi vwapwile mamita atatu,

1 Samwele 17:52

Co vanalume va Isalele na Yunda vatambekele nakuvasheka, co vavashekele ngila yoshe, noo vavetesele ku Ngate, na ku vikolo vya Ekelone. VaFilisitiya vaje vavetwele, vaile nakuliwila-wila mu ngila yoshe yakuya ku Shalaime, kweta ku Ngate na ku Ekelone.

1 Samwele 29:6

Akishe wasanene Ndaviti wendekele nendi ngwendi, “Njilisinga ali Njambi wakuyoya wa Isalele ngwange yove wapwile wa kulongwa, njikavwaelela manene kuya nove amo mukulwa nzita eyi. Kunjawanene mulonga muli yove tunde a litangwa lije wezile kuli yange. Oloni ava vakwetu vimyene kuvakuzemene embwe.

1 Samwele 5:11

Ngecivene, vasanene lalo vimyene voshe va vaFilisitiya, co vendekele ngwavo, “Ilwiseniko Cikasa ca Cikumiiyo ca Isalele ku mwela waco, ngeci kesi citutsiye yetu na naanga yetu.” Co kwakele kuuya-uya mu nganda ije yoshe omwo Njambi wavahisile manene.

1 Samwele 5:7

Omo vamwene vije vyakele nakulingiwa, vendekele ngwavo, “Njambi ya Isalele alinakutuhisa amo na njambi yetu Ndangone. Kutwapandele kutumbika Cikasa ca Cikumiiyo kuno.”

1 Samwele 6:2

co vanu vasanene vaka-kukombelela na vaka-manseno, vavehwile ngwavo, “Vatijo tulinga na Cikasa ca Cikumiiyo ca Shukulu Kalunga? Nga tuciilwisa kuje kucakele, co tukaciilwisa mu ngila ikajo?”