1 Samwele 5:6 - Livulu lya Shukulu Kalunga

⁶ Shukulu Kalunga wahisile vanu va ku Ashendonde manene, nakuvazivisa lyova. Wavahisile na mazimbo, amolika na vanu vaje vaatele ku membo aje avazengelekele.

1 Samwele 5:6 Iomraidhean Croise

Kushangumuka 41:31

Simbu ya cindambo vakaivala omwo njala ya lyangengela ikapwa yakukomokesa.

Yombi 31:3

Kuma tuyando kutwesi kweta kuli vaka-vuvi? Na luvinda kuli vaka-kulinga vyavivi ndi?

Myaso 145:20

Shukulu Kalunga akanyungu voshe vaje vamuzema, oloni vaka-vuvi akavanyongesa.

Myaso 147:6

Shukulu Kalunga akakwasa vaka-kulikeesa, oloni vaka-vuvi avawisila asi.

Myaso 32:4

Mutanya na vutsiki Shukulu Kalunga wanjihisile, co nzili yange yoshe yahwile ngwe mulikomu litukuta lya nyangao.

Myaso 78:66

Washekele vitozi vendi, co wavazivisile shwamwa ku myaka yoshe.

Kutuuka 9:3

co njikakutumina cihiso ca mushongo wakukomokesa a vimuna vove voshe, naa tuvalu twove, naa vimulu vyove, naa tumelo vove, naa vingombe vove, naa vimanga vove, naa vimembe vove.

Vilinga vya Miluwa 13:11

Co livoko lya Mwene likashuluka ali yove ololo vene, co ukapwa kapuputwa kuukasa kumona ceke ca litangwa a simbu imo.” Aje vene Elyamase wazivile mbundu yakuzivala ifwika ku mesho endi, co wendanganene noku-noku kweseka kuwana umo ngeci amukwate ku livoko nakumutwamenena.

Kwituluka mu Mashiko 28:27

Shukulu Kalunga akatuma mazimbo ali yeni ngwe mwalingile kuli vaka-Ingito. Mivila yeni ikajamozoka vimbandu, na mishongo yakulijwa. Kukukakala vyemba vyai.

1 Samwele 5:11

Ngecivene, vasanene lalo vimyene voshe va vaFilisitiya, co vendekele ngwavo, “Ilwiseniko Cikasa ca Cikumiiyo ca Isalele ku mwela waco, ngeci kesi citutsiye yetu na naanga yetu.” Co kwakele kuuya-uya mu nganda ije yoshe omwo Njambi wavahisile manene.

1 Samwele 5:7

Omo vamwene vije vyakele nakulingiwa, vendekele ngwavo, “Njambi ya Isalele alinakutuhisa amo na njambi yetu Ndangone. Kutwapandele kutumbika Cikasa ca Cikumiiyo kuno.”

1 Samwele 5:9

Oloni omo cetele kuje, co Shukulu Kalunga wahisile nganda ije, nakuvaiya-yiisa manene. Co Shukulu Kalunga wahisile vanu va mu nganda ije na mazimbo, vanike na vakulunu voshe.