1 Samwele 5:10 - Livulu lya Shukulu Kalunga

¹⁰ Ngecivene, vatumine Cikasa ca Cikumiiyo ku Ekelone, nganda ikwavo ya vaFilisitiya, oloni omo Cikasa cetele kuje, co vanu vatambekele ngwavo, “Vananena Cikasa ca Cikumiiyo ca Njambi ya Isalele kuno, ngeci vakututsiise yetu voshe!”

1 Samwele 5:10 Iomraidhean Croise

2 Samwele 7:9

Njakele amo nove kwoshe kuje kuwaile, co njafungulwile vitozi vove voshe ngwe omo wakele nakuya kulutwe. Co njikakutsimanesa kupwa ngwe vantwama vakama va mu kaye.

2 Vimyene 1:2

Mwene Ahaziya wa mu Isalele wawililile asi kutunda mu njanena ya njuvo yendi ya akamwa ya lipela mu Samaliya, co wavulumukile manene. Ngecivene, watumine miluwa vakehule Mbalezevuve, njambi wa Ekelone nganda ya Filisitiya, ngeci azivuke nga enduka nambe kenduka kukuvulumuka kwendi.

1 Mizimbu 7:21

na Zavande, na Shutela. Co Efalime wakele lalo na vana vakwavo vavali kuwezelela kuli Shutela mazina avo, Ezele, na Eleyande vaje vavatsiile omo vevile vimuna va vavenya lifuti lya Ngate.

Amose 1:8

Njikatundisa vaka-kushwana va mu vinganda vya Ashendonde, na Ashekelone. Njikanyanyamesa nganda ya Ekelone, co vaFilisitiya voshe vaje vanasalao vakatsa.” Tile

Amose 6:2

Yeni mukakenge ku nganda ya Kalene. Asinoni yeni lalo ku nganda yakama ya Hamate, co shelumukeni lalo ku nganda ya vaFilisitiya ku Ngate. Kuma vakevo vapwile va seo kutuvakana vumwene vwa Yunda na Isalele ndi? Kuma lifuti lyavo lyapwile lyakama kutuvakana lyeni ndi?

Yoshwa 13:3

na mitambela yoshe ya Avime ku mbwela. (Lifuti lyakutunda ku muna ndonga Shihole, ku nginga ya Ingito, nakweta ku kunto ku nginga ya ku Ekelone, lifuti eli lyoshe lyapwile lya vaKanana. Vimyene va vaFilisitiya vakele ku Ngaza, na Ashendonde, na Ashekelone, na Ngate, na Ekelone.)

Yoshwa 15:11

Co nginga yakengeselele ku vushelumukilo vwa lilundu lya Ekelone ku kunto, co yakengeselele ku Shikelone, yetile ku Munkinda wa Mbala, yetile ku Njameniya, co yahwililile ku Lishali lya Menditelenyani.

Yoshwa 15:45

Co lalo kwakele Ekelone na vinganda vyayo na membo ayo,

Maako 1:18

Vanu va muyati wa Yunda vafungulwile lalo Ngaza na mutambela wayo, na Ashekelone na mutambela wayo, na Ekelone na mutambela wayo.

1 Samwele 17:52

Co vanalume va Isalele na Yunda vatambekele nakuvasheka, co vavashekele ngila yoshe, noo vavetesele ku Ngate, na ku vikolo vya Ekelone. VaFilisitiya vaje vavetwele, vaile nakuliwila-wila mu ngila yoshe yakuya ku Shalaime, kweta ku Ngate na ku Ekelone.

1 Samwele 5:11

Ngecivene, vasanene lalo vimyene voshe va vaFilisitiya, co vendekele ngwavo, “Ilwiseniko Cikasa ca Cikumiiyo ca Isalele ku mwela waco, ngeci kesi citutsiye yetu na naanga yetu.” Co kwakele kuuya-uya mu nganda ije yoshe omwo Njambi wavahisile manene.

1 Samwele 5:9

Oloni omo cetele kuje, co Shukulu Kalunga wahisile nganda ije, nakuvaiya-yiisa manene. Co Shukulu Kalunga wahisile vanu va mu nganda ije na mazimbo, vanike na vakulunu voshe.

1 Samwele 6:1

Munima yevi, omo Cikasa ca Cikumiiyo ca Shukulu Kalunga cakele mu Filisitiya vingonde vitanu na vivali,