1 Samwele 4:3 - Livulu lya Shukulu Kalunga

³ Omo mashwalale vaje vasaleleo ku nzita velukile ku cilombo, co vantwama va Isalele vendekele ngwavo, “Omwo vikajo Shukulu Kalunga natwecelela ngeci vaFilisitiya vatufungulule ku litangwa lya lelo? Tuyeni tukashake Cikasa ca Cikumiiyo ca Shukulu Kalunga ku Shilo, ngecivene, akuye netu amo, co akatwamene ku vitozi vetu.”

1 Samwele 4:3 Iomraidhean Croise

2 Samwele 15:25

Asinoni mwene wendekele kuli Zandoke ngwendi, “Ilwiseni Cikasa ca Cikumiiyo ku nganda. Nga Shukulu Kalunga alinakuvwaelela nange, co litangwa limo akanjitava kwija nakucimona, nakumona lalo mutambela kuje cili.

1 Mizimbu 17:1

Mwene Ndaviti wakele mu lipela lyendi. Co litangwa limo wasanene Natane muka-kwimanena na kwendeka kuli ikeye ngwendi, “Kenga, ololo yange njili mu njuvo yakutunga na Kendale, oloni Cikasa ca Cikumiiyo ca Shukulu Kalunga cili mu mbalaka!”

Myaso 74:1

Omwo vikajo unatusezela yove Njambi? Kuma ukaluvala na vanu vove ku myaka yoshe ndi?

Myaso 74:11

Omwo vikajo unavyana kutukwasa? Vikajo unelwisila mavoko ove kunima?

Isaya 50:1

Shukulu Kalunga alinakwendeka ngwendi, “Kuma mwayongola ngweni njashekele vanyoko, nambe kuvalandesa mukufweta mulonga? Ilikulijo mikanda yakumukondwesa? Kuma mwayongola ngweni njamilandesele ngeci vakamifuke ngwe munalume uje alandesa vana vendi kuvapwisa vindungo ndi? Embwe, mwaile nakumifuka omwo a vuvi vweni, vamitumine kulyala omwo a milonga yeni.

Isaya 58:3

Vanu vehula ngwavo, “Omwo vikajo tunapande kulikela kulya nga Shukulu Kalunga kacizivukile? Omwo vikajo tunapande kujeneka kukala na vyakulya nga ikeye kombuko mbunge?” Shukulu Kalunga alinakwendeka kuli vakevo ngwendi, “Vushunga vukevwo ovu, a simbu ije mulikela kulya, mulinakuungumuka na mashungu eni vavenya nakuyandesa vaka-kumipangela.

Isaya 59:1

Kesi muyongole ngweni Shukulu Kalunga wapwa wakuzeya manene mukumyamena, nambe wapwa kasinda-matwi manene mukuziva malombelo eni ngeci amikwase embwe!

Isaya 59:2

Oloni vuvi vweni vukevwo vunamyangununa na Njambi yeni. Njambi kesi kuziva malombelo eni omwo vuvi vweni.

Njelemiya 3:16

Asinoni omo munapu muvavangi mu lifuti, co vanu kuvakendeka vya Cikasa ca Cikumiiyo cange. Kuvakaciyongola lalo nambe kucanuka, kuvakacishaka lalo nambe kulinga lalo ceka.

Njelemiya 7:4

Kesi mukulaele ku majwi aje vendeka ngwavo, ‘Eyi ikeye Njuvo ya Shukulu Kalunga! Njuvo ya Shukulu Kalunga! Njuvo ya Shukulu Kalunga!’

Kulava 10:33

Omo vanu va Isalele vatundile ku Sinai, munkinda wa Shukulu Kalunga, vendele matangwa atatu, co Cikasa ca Cikumiiyo ca Shukulu Kalunga cavatwamenenene kulutwe nakuvawanena mutambela wakutungila cilombo cavo.

Kulava 10:35

Oshe aje acashangumukilile Cikasa ca Cikumiiyo kukatuka, Mosesa wendekele ngwendi, “Katuka, yove Shukulu Kalunga, shandola vitozi vove nakusheka vaje vakuzinda!”

Kulava 31:6

Mosesa wavatumine ku nzita amo na muka-kushika Finehase muna Elyazale muka-kukombelela. Finehase ikeye wambatele vivala vyakujela, amo na malupembo akwimba kashashutwiya.

Kwituluka mu Mashiko 29:24

Asinoni vanu voshe va mukaye vakehula ngwavo, ‘Omwo vikajo Shukulu Kalunga nalingi eci ku lifuti lyavo? Cuma mukajo camuluvalesa na vukalu vwakama ngacije?’

Kwituluka mu Mashiko 31:26

“Ambateni livulu eli lya mashiko a Njambi, co lyakeni kumukulo wa Cikasa ca Cikumiiyo ca Shukulu Kalunga Njambi yeni, ngeci likale kuje kupwa vukaleo ali vanu vendi.

2 Timateo 3:5

vakakakateya vyuma vya cifwa cakulemesa Njambi, oloni vakavyana nzili yavyo. Litenge ku vanu va cifwa cangacije.

VaHevelu 9:4

Mukati kayo mwakele mutula wa ngolinde wakwenyekela insense na Cikasa ca Cikumiiyo, vyoshe vyakufwika na ngolinde, co muje mwakele njava ya ngolinde na Maana na mulamu wa Alone uje wamenene maputa, co na vitale vivali vya mamanya aje vasonekele majwi a lishiko.

Yoshwa 4:7

Co mukavaleka ngweni, ‘Mema a mu Yondau alikelele kwita omo Cikasa ca Cikumiiyo ca Shukulu Kalunga cajavukile Ndonga ya Yondau. Co mamanya awa anapu canukiso ca ku myaka yoshe ca vanu va Isalele a vyuma vije vyalingiwile kuno.’ ”

Yoshwa 6:6

Ngecivene, Yoshwa muna Nune wasanene vaka-kukombelela, wavalekele ngwendi, “Ambateni Cikasa ca Cikumiiyo, co vaka-kukombelela vamo vatanu na vavali vambate malupembo atanu na avali vatwame kulutwe lwa Cikasa ca Cikumiiyo.”

Yoshwa 7:7

Asinoni Yoshwa wendekele ngwendi, “Tawe! Shukulu Kalunga Njambi! Omwo vikajo watujavwisilile Yondau nakutukundika ku mavoko a vaAmoli ngeci vatunyongese? Kuma mwamuvwa vene nga twakele musambwa lije lya Yondau!

Yoshwa 7:8

Yove Shukulu Kalunga vatijo njendeka? Ololo vaIsalele vanavasheke kuli vitozi vavo!

1 Petulu 3:21

aje apwile cimweso cakwinika kumbwitika, cije ololo cinamyovola. Kesi kukusha mazilo a muvila embwe, oloni cikulaeso cakulomba kuli Njambi cakutunda ku citaku-taku cacivwa. Cinamyovola akusanguka kwa Yesu Kilistu,

Yunda 1:5

Nameme mwazivuka vyuma vyoshe evi, oloni njishaka kumyanukisa vati Shukulu Kalunga wovwele vanu va Isalele kutunda mu lifuti lya Ingito, oloni munima yevi wanyongesele vaje kuvakulaelele.

1 Samwele 1:24

Omo wamushumwine, waile nendi ku Shilo, amo na muna ngombe wa nkomba wa myaka itatu, na mutonga wa vunga vwa makilo likumi, na njeke ya cilambu yakushula ya vinyu. Co waile na Samwele ku Njuvo ya Shukulu Kalunga ku Shilo, nameme Samwele wapwile wamundondo.

1 Samwele 14:18

Co Saulu wendekele kuli Ahiya muka-kukombelela ngwendi, “Nena Cikasa ca Cikumiiyo kuno.” (A litangwa lije Ahiya wambatele Cikasa ca Cikumiiyo kulutwe lwa vanu va Isalele.)

1 Samwele 4:2

VaFilisitiya valwile nzita yakukomokesa, vafungulwile vaIsalele, co vatsiile vanalume 4,000 a mutambela aje avalwililile.