1 Samwele 4:19 - Livulu lya Shukulu Kalunga

¹⁹ Vainamweno ya Eli, munakazi wa Finehase, wakele na kafumba, co wakele muyehi nakukita mwana. Omo wazivile ngeci Cikasa ca Cikumiiyo ca Njambi vanacambata, co lalo ishemweno na munalume wendi vanatsi, aje vene mushongo wamushangumukile, co wakitile mwana.

1 Samwele 4:19 Iomraidhean Croise

Kushangumuka 3:16

Shukulu Kalunga Njambi wendekele kuli munakazi ngwendi, “Njikaamesa manene mushongo a simbu yove yakukita, mwa vushunga vene ukakita vana mu vukalu. Nameme ngoco, cizango cove cikakala kuli munalume wove, ikeye akakushika.”

Kushangumuka 35:17

Co omo wazivile manene kuvavala na vukalu, uje cifungwizi wendekele kuli ikeye ngwendi, “Lakele, kesi uzive lyova, mwana napu wa munalume lalo.”

1 Vimyene 14:1

A simbu ije Aviya muna Mwene Yelovowame wavinjile.

Myaso 78:64

Vaka-kukombelela vavatapele na mikwale, co vifwile vavo kuvavalilile.

Njelemiya 26:6

Co nga yeni kumunjononoka, njikalinga ku Njuvo yeyi ngwe vije njalingile ku Shilo, co miyati ya vanu voshe va mu kaye vakapangesa lizina lya nganda eyi kupwa cisingo.”

1 Samwele 4:18

Omo uje munalume wambulwile vya Cikasa ca Cikumiiyo, co Eli wawile mukali a citumbamo cendi kumukulo wa cikolo. Omwo wakuluvalele nakununa manene, co wawile nakupokoka mukoshi, ngeci watsile. Ikeye waakwilile Isalele myaka makumi awana.

1 Samwele 4:20

Omo wakele muyehi na kutsa, co vaje vifungwizi vamukwasele vendekele kuli ikeye ngwavo, “Simpa! Uli na mwana wa munalume!” Oloni ikeye kombileko mbunge nambe kukumbululako.