1 Samwele 4:13 - Livulu lya Shukulu Kalunga

¹³ Co Eli wakele nakulinyenga manene a Cikasa ca Cikumiiyo, watumbamene mu citumbamo cendi kumukulo wa ngila, nakukengelela. Co uje munalume omo wetele, washandwele muzimbu mu nganda mwoshe, co munu woshe walilile na lyova.

1 Samwele 4:13 Iomraidhean Croise

Myaso 26:8

Njizema Njuvo yove muje muwakala yove Shukulu Kalunga, mu mwela muje mwakala vumpau vwove.

Njelemiya 48:19

Yeni mwakala mu Aloele, imaneni kumukulo wa ngila muvandamene, ihuleni vaje valinakutewa na vaje vanovokako, vehuleni ngweni, ‘Vikajo mulinakutewa?’

Yoshwa 7:9

Omo vaKanana na vanu veka va mu lifuti vakaziva vyuma evi, co vakatuzengeleka nakutunyongesa. Cooni yove Shukulu Kalunga cuma mukajo ukalinga mukunyunga lizina lyove lyakama?”

1 Samwele 1:9

A litangwa limo, omo vamanesele kulya nakunwa ku Shilo, co Hana wemanene. Eli muka-kukombelela, watumbamene ku mwela wendi kuyehi na cikolo ca Njuvo ya Shukulu Kalunga.

1 Samwele 4:14

Omo Eli wazivile muyoyo wakulila, co wehwile ngwendi, “Muyoyo ou unapu wavika?” Co uje munalume wazambwilile kuli Eli nakumuleka muzimbu.

1 Samwele 4:18

Omo uje munalume wambulwile vya Cikasa ca Cikumiiyo, co Eli wawile mukali a citumbamo cendi kumukulo wa cikolo. Omwo wakuluvalele nakununa manene, co wawile nakupokoka mukoshi, ngeci watsile. Ikeye waakwilile Isalele myaka makumi awana.