1 Samwele 30:6 - Livulu lya Shukulu Kalunga

⁶ Co Ndaviti wakele mu vukalu vwakama manene, omwo vanu vendi voshe vazivile ku vimbunge kuvavala manene a vana vavo va vanalume na ava va vanakazi, co vashungwiiye kumwasha mamanya, oloni Ndaviti walitakamesele muli Shukulu Kalunga Njambi yendi.

1 Samwele 30:6 Iomraidhean Croise

Kushangumuka 32:7

Ngecivene, Yakomba wazivile lyova manene nakujujuka. Co waangunwine vanu vaje wendele navo mu vimbunga vivali, co lalo waangunwine vimanga vendi, na vimembe, na vingombe na tumelo lalo mu vimbunga vivali.

2 Samwele 17:8

Yove wazivuka ngeci isho Ndaviti na vanu vendi vapwa vaka-kulwa va nzili, co lalo vakevo vatewesa manene ngwe mbeya uvanevila vana vendi mu civulili. Isho wapwa lishwalale wamukalu, vutsiki kesi kukala amo na vanu vendi.

2 Vimyene 4:27

oloni omo wetele kuli Elisha a Munkinda, watsikamene a mavuli kulutwe lwendi, co wakwatele Elisha ku mendi. Ngehazi washakele kumunakula, oloni Elisha wendekele ngwendi, “Mwecele. Kuma yove kuwamwene ngeci ali na vusiwa vwakama manene ndi? Oloni Shukulu Kalunga kanjilekeleo cuma cimo.”

Yombi 13:15

Cinyangavili cange coshe cinahu, ngecivene, nga Njambi anjitsiya, co kuli mulonga ndi? Yange njilinakwambulula mulonga wange kuli ikeye.

Myaso 116:10

Njakulaelele vene, nameme njendekele ngwange, “Mwa vushunga vananjitsene.”

Myaso 138:3

Omo njalombelele kuli yove, co wanjikumbulwile, wanjitakamesele lalo na nzili yove.

Myaso 18:2

Shukulu Kalunga ikeye muka-kunjinyunga, ikeye wapwa cimpaka cange cakukola. Njambi yange ikeye wapwa cishwamo cange, muli ikeye mukemwo munjitewela. Ikeye wapwa ntelo yange, muka-kunjamena nakunjinyunga mwamuvwa.

Myaso 18:6

Mu simbu yange ya tuyando, njatambekele kuli Shukulu Kalunga, njatambekele kuli Njambi yange ngeci anjikwase. Mu Njuvo yendi wazivile lijwi lyange, ikeye watolililile ku mutambi wange wa akukwasa.

Myaso 25:17

Njitundise cishota-mbunge, nakunjamena ku tuyando twange twoshe.

Myaso 27:14

Kulaela kuli Shukulu Kalunga, kulaela, kesi uzeye. Kulaela kuli Shukulu Kalunga.

Myaso 31:24

Yeni voshe muli na cinyangavili muli Shukulu Kalunga koleseni nakusimpa.

Myaso 42:11

Omwo vikajo njinaviilila? Omwo vikajo njilinakulinyengela? Njikaka cinyangavili cange muli Njambi, co njikamushangazala lalo, muyoyesi wange na Njambi yange.

Myaso 42:5

Omwo vikajo njinaviilila? Mbunge yange vikajo inazeyela? Omwo vikajo njilinakulinyengela? Njikaka cinyangavili cange muli Njambi, co njikamushangazala lalo, muyoyesi wange, na Njambi yange.

Myaso 42:7

yove unaka vusiwa mukuyoya kwange ngwe mankimba, vitanga vilinakwija kuli yange ngwe livazi, vinapu ngwe cipupa cikuma ku Ndonga ya Yondau, ku Munkinda wa Helemone na ku Munkinda wa Mizale.

Myaso 56:11

Njinakulaela kuli Njambi, co kunjikazivi lyova. Munu asa kunjilinga vikajo?

Myaso 62:1

Kukwesi kweka kwakutewela kuvanga kuli Njambi lika, kwamena kwange kutunda kuli ikeye.

Myaso 62:5

Kukwesi kweka kwakutewela kuvanga kuli Njambi lika, omwo cinyangavili cange citunda kuli ikeye.

Myaso 71:4

Yove Njambi yange, njipatule ku livoko lya vaka-vuvi, nakunjitundisa ku livoko lya vaka-muuka na vaka-vuvi.

Myaso 71:5

Shukulu Kalunga wa Akamwa ya Vyoshe, njaka cinyangavili cange muli yove, yange njakukulaela tunde ku simbu ya vwanike vwange.

Kutuuka 17:4

Co Mosesa watambekele nakulombela kuli Shukulu Kalunga wendekele ngwendi, “Vatijo njilinga na vanu ava? Vakevo vanesi kunjasha mamanya.”

Visimo 18:10

Shukulu Kalunga wapwa cimpaka ca nzili, muka-vushunga atewelako, co akovoka.

Isaya 25:4

Tuutu na vaka-kujeneka vatewelele kuli yove, co vanakala mwamuvwa a simbu ya tuyando. Wavanene mwakuvandela lihunzi, na munzinze ngeci vavande ntwima ya litanya. Vaka-muuka vakalu ngwe lihunzi lya cisika,

Njelemiya 16:19

Yove Shukulu Kalunga, u muka-kunjinyunga nakunjana nzili, u muka-kunjikwasa a visimbu vya tuyando. Miyati vakaija kuli yove kutunda ku shongo ya kaye nakwendeka ngwavo, “Vakukulwila vetu vakele lika na vinjambi va makuli, tumponya twakujeneka seo.

Yona 2:2

“Mu tuyando twange, njatambekele kuli yove Shukulu Kalunga, co wanjikumbulwile. Mwisi mu lifuti lya vatsi, njatambekele ngeci unjikwase, co wazivile lijwi lyange.

Kulava 14:10

Oloni mbunga yoshe vendekele ngwavo, “Tuvasheni mamanya!” Oloni omo vakasumukile, kengeni, kuvyazima kwa vumpau vwa Shukulu Kalunga kwasholokelele vanu voshe va Isalele ku Mbalaka Mwakuliwanena.

Mateo 21:9

Co mbunga ije yatwamene kulutwe naije mbunga yakavele munima yendi vashangumukile kutambeka ngwavo, “Wakushangazala Muna Ndaviti! Njambi amuvezikise uje aija mu lizina lya Mwene! Shangazaleni Njambi!”

Mateo 27:22

Pilato wavehwile ngwendi, “Vikoni njikalinga na Yesu ou ivatumbula Kilistu?” Co voshe vatambekele ngwavo, “Mushukike a cilindakano!”

Yowano 8:59

Ngecivene, vanonele mamanya ngeci vamwashe, oloni Yesu walavukile, co watundile mu Njuvo ya Shukulu Kalunga.

Loma 4:18

Avilahama wakulaelele nakukala na cinyangavili, nameme omo kukwakele cuma cakumulingisa cinyangavili, co wapwile “cisemi ca miyati yaingi.” Ngwe muvyendeka visoneka ngwavyo, “Ngecivene, vatekulwila vove vakatuma manene ngwe vingongonosi.”

Loma 4:20

Kapelyangelele mukukulaela kwendi, co kakele na vimata a cikulaeso ca Njambi, oloni wakulaelele manene, co washangazalele Njambi.

Loma 8:31

Co a vyuma vyoshe evi, twendeka vatijo? Nga Njambi napu wetu, co iyajo asa kutulwisa?

2 Kolinte 1:6

Nga tuyanda tuyandela kuzembeleka kweni nakwovoka kweni, nambe nga vatuzembeleka, vacilinga neni mukumizembeleka na lukakateya nakusimpa mu tuyando tuje tulinakuyanda netu lalo.

2 Kolinte 4:8

Visimbu vyavingi tukakala mu vukalu, oloni kuvesi nakututsena, visimbu vimo tukakala mu vitanga, oloni kutwesi kwombwa,

2 Kolinte 7:5

Nambe omo twetele mu Masendoniya kutwasele kuhwima. Kwoshe-ikwoshe kwakele vipakeso na vimata na vyeka lalo na lyova mu vimbunge vyetu.

VaHevelu 13:6

Ngecivene, tupweni vaka-kusimpa nakwendeka ngwetu, “Shukulu Kalunga ikeye mukwasi wange, co kunjizivi lyova. Munu asa kunjilinga vikajo?”

Maako 18:25

Co vanalume va ku Ndani vamulekele ngwavo, “Yove kuwapandele kwendeka cuma cimo, kuvanga amo ushaka kuluvalesa ava vanalume ngeci vakulwise. Co nove na naanga yove yoshe mutse.”

Maako 20:22

Oloni vanalume va Isalele, valikolesele lalo, co vaakele mashwalale lalo mukulwa mu ngila ije vene ngwe muje muvalingile a litangwa lyakulivanga.

1 Samwele 1:10

Hana wavavalesele manene mbunge yendi, co walilile manene nakulombela kuli Shukulu Kalunga.

1 Samwele 23:16

Co Yonatana waile kuli Ndaviti nakumusimpisa mbunge ngeci Njambi akamunyunga,

1 Samwele 28:15

Co Samwele wendekele kuli Saulu ngwendi, “Omwo vikajo wanjiyandesela? Vikajo unanjituwisila?” Saulu wamukumbulwile ngwendi, “Njili mu vukalu vwakama manene! VaFilisitiya vanaija nakunjilwisa, co Njambi nanjikengesa nima. Shendi kunjikumbulula lalo, nambe ali vaka-kwimanena, nambe mu vinjozi. Ngeci njinakusana, unjileke vati njinapande kulinga.”