1 Samwele 3:9 - Livulu lya Shukulu Kalunga

⁹ Ngecivene, Eli wendekele kuli Samwele ngwendi, “Ya ukalale, nga akusana lalo, co kumbulula ngwove, ‘Endeka Shukulu Kalunga, ngamba yove alinakukutolilila.’ ” Ngecivene, Samwele waile nakulala.

1 Samwele 3:9 Iomraidhean Croise

Myaso 85:8

Njikatolilila vije vyendeka Shukulu Kalunga Njambi, nakulaesa kwoloka kuli yetu vanu vendi va kulongwa kuli ikeye, nga kutwilukila ku vulema vwetu.

Myaso 85:9

Mwa vushunga kwamena kwendi kuli muyehi na vaje vamukomoka, ngeci vumpau vwendi vukale mu lifuti lyetu.

Kutuuka 20:19

Vendekele kuli Mosesa ngwavo, “Nga yove wendeka kuli yetu, co tukakutolilila, oloni yetu tuli na lyova nga Njambi endeka kuli yetu, co tukatsa vene.”

Isaya 6:8

Asinoni njazivile lijwi lya Shukulu Kalunga ngwalyo, “Iyajo injikatuma! Iyajo akapwa muluwa wetu?” Co njakumbulwile ngwange, “Yange unoye! Njitumeni!”

Ndanyele 10:19

Co wendekele lalo ngwendi, “Njambi wakuzema, ngecivene, cuma cimo kesi cikupese nambe kukuzivisa lyova embwe.” Omo wendekele evi, njazivile nzili yakama manene, co njendekele ngwange, “Shukulu, njileke viwushaka kwendeka. Ololo njili na nzili oni.”

Vilinga vya Miluwa 9:6

Oloni katuka uye mu nganda, co vakakuleka viwunapande kulinga.”

Yoshwa 5:14

Co uje munalume wamukumbulwile ngwendi, “Embwe, noku kunjawila kwai. Yange njinapu umo muka-kushika nzita ya Shukulu Kalunga.” Yoshwa wakulamene asi nakulemesa, co wendekele ngwendi, “Shukulu, yange ngamba yove. Vika ushaka ngeci njivilinge?”

1 Samwele 3:10

Co Shukulu Kalunga wezile nakwimana kuje, wamusanene ngwe mwalingile akulivanga ngwendi, “Samwele! Samwele!” Samwele wamukumbulwile ngwendi, “Endeka, ngamba yove alinakukutolilila.”

1 Samwele 3:8

Shukulu Kalunga wasanene lalo Samwele simbu yamucitatu, Samwele wendukile, waile kuli Eli, wendekele ngwendi, “Yange uno omwo unanjisana.” Co Eli wanangukile ngwendi kuma Shukulu Kalunga ikeye nakala nakusana-sana mukwenje.