1 Samwele 3:19 - Livulu lya Shukulu Kalunga

¹⁹ Omo Samwele wakolele, co Shukulu Kalunga wakele amo nendi nakulingisa vyoshe vije vyendekele Samwele ngeci vipwe vya vushunga.

1 Samwele 3:19 Iomraidhean Croise

Kushangumuka 21:22

A simbu ije Ambimeleki na Fikole muka-kushika mbunga ya mashwalale vendi vaile kuli Avilahama, vendekele kuli ikeye ngwavo, “Njambi ali nove mu vyuma vyoshe vije ulinakulinga.

Kushangumuka 28:15

Kenga, njikakala amo nove nakukunyunga kwoshe kuukaya, co njikakwilwisa lalo mu lifuti lino. Kunjikakuseze nalumo lwai noo njinalingi evi vyoshe njinakukulaesavyo.”

Kushangumuka 39:2

Shukulu Kalunga wakele amo na Yosefa, co wamuvezikisile mu vyoshe, ngecivene, ikeye wakele mu njuvo ya shukulu yendi kaIngito.

Kushangumuka 39:3

Co shukulu yendi wamwene ngeci Shukulu Kalunga ali amo na Yosefa, lalo Shukulu Kalunga namuvezikisa mu vyuma vyoshe vije vyalingile.

1 Vimyene 8:56

“Shangazaleni Shukulu Kalunga uje naana kwoloka ku vanu vendi, ngwe muje mwakulaesele. Ikeye nanyungu vikulaeso vyoshe vije vyakulaesele muli ngamba yendi Mosesa.

2 Vimyene 10:10

Eci cinalumbunuka ngeci vyuma vyoshe vije vyendekele Shukulu Kalunga a vatekulwila va Ahave vipwe vya vushunga. Omwo Shukulu Kalunga nalingi vije vyendekele muli Elinja muka-kwimanena.”

2 Vimyene 15:12

Ngecivene, vashulisile cikulaeso cije calingile Shukulu Kalunga kuli Mwene Yehu ngwendi, “Vatekulwila vove vakapwa vimyene va mu Isalele kweta ku cisemwa camuciwana.”

2 Vimyene 22:16

vakamuleke ngeci Shukulu Kalunga nendeka majwi awa ngwendi, “Njikanyanyamesa Yelusalema na vanu vamwo voshe, ngwe muvanasoneka mu livulu lije lyanalava mwene.

Isaya 43:2

Omo ukaita mu mema akulova, njikakala nove, kuwakakuzuvika embwe. Omo ukaita akati ka tuhya, kuukenye embwe, vyeseko vyakama vije vikaija ali yove, kuvikakuvulumuna.

Isaya 44:26

Oloni omo ngamba yange endeka vya vuka-kwimanena, omo njituma muluwa mukujombolola matumbe ange, njitumba matumbe na vuka-kwimanena ngeci vipwe vya vushunga. Njileka Yelusalema ngwange vanu vakatungamo lalo, na vinganda vya Yunda vakavitungulula lalo. Vinganda evi vikasholoka mu vingundu.

Isaya 55:11

Omu mukemwo muwapwa majwi ange, majwi ange kuwakeluka kuli yange, kujeneka kulinga vije njawatumine ngeci awalinge.

Mateo 1:23

“Kengeni, mumbanda uje kanda alimone na munalume akakala na kafumba, co akakita mwana wa munalume, vakamutumbula Manuwele” (kulumbununa ngwavo, “Njambi ali netu”).

Luka 1:28

Co kangelo wezile kuli Maliya wendekele ngwendi, “Kwoloka kukale nove! Mwene ali amo nove, co nakuvezikisa manene!”

Luka 1:80

Mwana wakolele mu muvila na mu munzinzime. Wakele mu mambo noo litangwa lyendi lyetele lyakulisholola ku vanu va Isalele.

Luka 2:40

Co mwana wakulile wakele na nzili. Washulile na mana, co vivezikiso vya Njambi vyakele ali ikeye.

Luka 2:52

Co Yesu wakulile mu muvila, na mu mana, wawanene kutetela kuli Njambi na kuli vanu.

2 Kolinte 13:11

Akumanesa, vakwetu, saleniho! Kakateyeni kulumbunuka, tolilileni kukulambela kwange, kaleni na mbunge imo, kaleni mu kwoloka. Co Njambi muka-cizemo na kwoloka akakala amo neni.

2 Kolinte 13:14

Kutetela kwa Mwene Yesu Kilistu na cizemo ca Njambi na kulitombola kwa Munzinzime Wakujela vikale neni voshe.

Kwituluka mu Mashiko 18:22

Omo muka-kwimanena endeka mu lizina lya Shukulu Kalunga, nga cije cuma alinakwendeka kuvacilingile nambe kucasholokele, co cuma cije kesi Shukulu Kalunga nacendeka. Co uje muka-kwimanena nendeka nakwamuka, kesi mukamuzivile lyova embwe.

2 Timateo 4:22

Mwene akale amo na munzinzime wove. Kutetela kwa Njambi kukale amo neni voshe.

Yoshwa 21:45

Shukulu Kalunga wanyungile vikulaeso vyoshe vije vyalingile na vanu va Isalele.

Maako 13:24

Co munakazi wakitile munendi wa munalume, wamulukile lizina lyendi Samusoni. Mwanike wakolele, co Shukulu Kalunga wamuvezikisile.

1 Samwele 10:7

Omo evi vikalingiwa, co yove linga vyoshe vije vyakutwamenena Njambi.

1 Samwele 12:2

co ololo mutambuleni amitwamenene. Ngeci mwange ni, njakuluvala, co vana vange vali amo neni. Njinamitwamenena kutunda ku vukwenje vwange kweta na ku simbu ino.

1 Samwele 16:18

Co umo wavo wendekele ngwendi, “Njesi wa mu limbo lya Mbetelehema, ali na mwana wa munalume azivuka kwimba mwamuvwa. Ikeye wapwa lalo wakusimpa, munalume wamuvwa manene, lishwalale wamuvwa, muka-lwashu lwa kwendeka. Co lalo Shukulu Kalunga ali amo nendi.”

1 Samwele 18:12

Saulu wakele na lyova ali Ndaviti, omwo Shukulu Kalunga wakele amo na Ndaviti, oloni ikeye Saulu Shukulu Kalunga wamujenjukile.

1 Samwele 18:14

ku vyuma vyoshe vyalingile Ndaviti, wavilingile mwamuvwa, omwo Shukulu Kalunga wakele amo nendi.

1 Samwele 18:5

Co Ndaviti wakele nakuya kwoshe kuje kwakele nakumutuma Saulu, co Saulu wamupwisile mwata wa mbunga ya mashwalale vendi. Cifwa eci cavwaelelesele vanu voshe va Saulu, na vamyata vendi.

1 Samwele 2:21

Co Shukulu Kalunga wavezikisile Hana, wakele lalo na vana vatatu va vanalume, na vana vavali va vanakazi. Samwele wakolele nakupangela Shukulu Kalunga.

1 Samwele 2:26

Oloni Samwele wakolele, co wawanene kasingimiko ku mesho a vanu na ku mesho a Shukulu Kalunga.

1 Samwele 9:6

Co uje ngamba wamukumbulwile ngwendi, “Vandamena tai! Mu nganda eyi mwakala munu wa Njambi wa kasingimiko kakama, omwo vyuma vyoshe vyakendeka vikapu vya vushunga. Tuye kuli ikeye, amo akasa kutuleka oku kuli vimulu.”