1 Samwele 3:15 - Livulu lya Shukulu Kalunga

¹⁵ Co Samwele walalele noo mutondo, asinoni wendukile nakushokolola vikolo vya ku Njuvo ya Shukulu Kalunga. Co ikeye wakele na lyova akwambulula cimona kuli Eli.

1 Samwele 3:15 Iomraidhean Croise

1 Mizimbu 15:23

Co Mbelekiya, na Elekana, amo na Ovende Endome, na Njehiya, vavaangwile kupwa vaka-kunyunga Cikasa ca Cikumiiyo.

Malakiya 1:10

Shukulu Kalunga Muka-nzili yoshe nendeka ngwendi, “Nga umo weni ashoke mapito a ku Njuvo yange ngeci kesi mushwameke tuhya twakujeneka seo a mutula wange. Kunjavwaelelele neni, co kunjikatambula milambu ije imunena kuli yange.

Kulava 12:6

Co Shukulu Kalunga wendekele ngwendi, “Njitolilileni evi njendeka! Nga kwali muka-kwimanena akati keni, yange Kalunga njilisholola kuli ikeye mu cimona nakwendeka nendi mu njozi,

1 Samwele 1:9

A litangwa limo, omo vamanesele kulya nakunwa ku Shilo, co Hana wemanene. Eli muka-kukombelela, watumbamene ku mwela wendi kuyehi na cikolo ca Njuvo ya Shukulu Kalunga.

1 Samwele 3:10

Co Shukulu Kalunga wezile nakwimana kuje, wamusanene ngwe mwalingile akulivanga ngwendi, “Samwele! Samwele!” Samwele wamukumbulwile ngwendi, “Endeka, ngamba yove alinakukutolilila.”

1 Samwele 3:16

Oloni Eli wasanene Samwele ngwendi, “Samwele munange!” Co Samwele wamukumbulwile ngwendi, “Ewa mwane.”