1 Samwele 29:3 - Livulu lya Shukulu Kalunga

³ Co vaka-kushika nzita ya vaFilisitiya vehwile ngwavo, “Vikajo valinakulinga kuno ava vaHevelu?” Co Akishe wavakumbulwile ngwendi, “Ou ikeye Ndaviti, ntwama ya Mwene Saulu wa mu Isalele. Nakala nange matangwa amangi na myaka yaingi. Mulonga naumo wai njawana muli ikeye tunde aje ezilile kuli yange.”

1 Samwele 29:3 Iomraidhean Croise

Kushangumuka 14:13

Oloni munalume umo waputumukileko, co wanenele vukaleo vwoshe kuli Avilama kaHevelu, uje wakele kuyehi na miti yakujela ya Mamele kaAmoli. Mamele na vandolome vendi Eshekole na Anele vapwile vasamba va Avilama.

1 Mizimbu 12:19

Mashwalale vamo va ku muyati wa Manase vakele kumo na Ndaviti omo waile amo na vaFilisitiya mukulwisa Mwene Saulu. Oloni kakwasele vaFilisitiya embwe, omwo vimyene vavo vakele na lyova ngeci amo akavenda vungungu kuli shukulu yendi walaja Saulu, ngecivene, vamwilwisile ku Zikelange.

1 Mizimbu 12:20

Ava vakevo mashwalale va ku muyati wa Manase vaje valipandakanene na Ndaviti omo welukile. Mazina avo, Andena, na Yozavande, na Njendiyele, na Mikaele, na Yozavande, na Elihu, na Ziletai. Co muli Manase voshe vakele nakushika vanalume vakupwa 1,000.

Ndanyele 6:5

Co valyendekesele umo na mukwavo ngwavo, “Kutwasa kuwana cuma cimo cakuhisa naco Ndanyele kuvanga cuma cije cakukundama ku vipangi vya Njambi yendi.”

Yowano 19:6

Omo vakulunu va vaka-kukombelela na vaka-kunyunga Njuvo ya Shukulu kalunga vamumwene, vatambekele ngwavo, “Mushukike a cilindakano! Mushukike a cilindakano!” Pilato wendekele kuli vakevo ngwendi, “Mwambateni mukamushukike a cilindakano. Omo kunjawanene mulonga wakumuhisa nawo wai.”

Loma 12:17

Nga umo nakuviisila, kesi umwilwisile vuvi vwendi lalo embwe. Lingeni vyavivwa ku mesho a vanu voshe.

1 Petulu 3:16

oloni cilingeni na lyovwa-ovwa na kasingimiko. Citaku-taku ceni cipwe cakutungukwa, ngeci omo vamishaula, co vaje vendeka vyavivi a futisi yeni yaivwa akupwa vaka-kukava Kilistu vazive shwamwa ali vije vendeka.

1 Samwele 14:11

Ngecivene, valimwesele kuli vaFilisitiya, co vaFilisitiya vendekele ngwavo, “Kengeni! VaHevelu vamo valinakutuuka mu viteke muje muvavandele!”

1 Samwele 25:28

Shukulu, njisambeseni, mwane, ku vuvi vwoshe vunjinalingi. Shukulu Kalunga akakupwisa mwene, na vatekulwila vove, omwo ulinakulwa vinzita vyendi, vuvi navumo vwai vukalingiwa kuli yove a simbu yakuyoya kwove.

1 Samwele 27:1

Co Ndaviti walyendekesele mu mbunge yendi ngwendi, “Litangwa limo Saulu akanjitsiya. Cuma njinapande kulinga eci, mwamuvwa njitewele ku lifuti lya vaFilisitiya. Co Saulu akajuka kunjishakezeka mu Isalele, co njikakala mwamuvwa.”

1 Samwele 27:7

Ngecivene, Ndaviti wakele mu lifuti lya vaFilisitiya vingonde likumi na vitanu na imo.

1 Samwele 29:6

Akishe wasanene Ndaviti wendekele nendi ngwendi, “Njilisinga ali Njambi wakuyoya wa Isalele ngwange yove wapwile wa kulongwa, njikavwaelela manene kuya nove amo mukulwa nzita eyi. Kunjawanene mulonga muli yove tunde a litangwa lije wezile kuli yange. Oloni ava vakwetu vimyene kuvakuzemene embwe.

1 Samwele 4:6

Co omo vaFilisitiya vazivile muyoyo wakutambeka kwakama, vendekele ngwavo, “Tolilileni muyoyo owo mu cilombo ca vaHevelu! Unalumbunuka vika?” Omo vanangukile ngeci Cikasa ca Cikumiiyo ca Shukulu Kalunga cinaija mu cilombo ca vaHevelu,