1 Samwele 28:9 - Livulu lya Shukulu Kalunga

⁹ Co munakazi wamukumbulwile ngwendi, “Mwa vushunga wazivuka evi vyanalingi Mwene Saulu, vyakusheka vaka-kutaa na vaka-kwendeka na vakulu mu Isalele. Ngecivene, omwo vikajo ulinakunjitela nganjo ngeci njitse?”

1 Samwele 28:9 Iomraidhean Croise

2 Samwele 18:13

Oloni nga kunjononokele mwene, co njitsiya Avisalome, nga mwene nakaviziva, omwo kukwesi vyakushweka kuli mwene, yove kuukanjamena embwe.”

2 Vimyene 5:7

Omo mwene wa mu Isalele walavele uje mukanda, co watavwile vuzalo vwendi mukuviilila, walikomokelele, co wendekele ngwendi, “Omwo vikajo mwene wa Silya nayongola ngwendi yange njasa kukangwisa ou munalume? Kuma ikeye nayongola ngwendi yange nji Njambi, uje ali na nzili yakutsiya nambe yakuyoyesa ndi? Eci casholoka mwa vushunga vene ngeci ashaka lika kulinga vimata nange!”

VaLevi 19:31

“Kesi mukaye kuli vanu vaje valinakwendeka na minzinzime ya vatsi. Nga mulingamo, co mukalijwalesa yeni vavenya. Yange njapwa Kalunga Njambi yeni.

1 Samwele 28:10

Asinoni Saulu walisingile cisingo cakujela ngwendi, “Mu lizina lya Shukulu Kalunga wakuyoya, kuukakala na mulonga omwo a cuma eci.”

1 Samwele 28:3

Omo Samwele natsi laja, co vaIsalele voshe vamulilile, vamutsindile mu nganda yendi mu Lama. Saulu te nasheke laja vaka-kwendeka na vakulu voshe amolika na vaje vaka-kutaa mu Isalele.