1 Samwele 28:8 - Livulu lya Shukulu Kalunga

⁸ Ngecivene, Saulu walimwisile ngwe weka, wazalele vuzalo vweka, co a kavwivwivwi waile na vanu vendi vavali nakumona uje munakazi. Co Saulu wendekele kuli uje munakazi ngwendi, “Njihwileko ku minzinzime, co unjileke evi vikalingiwa. Sana munzinzime wa munu uje injitumbula lizina lyendi.”

1 Samwele 28:8 Iomraidhean Croise

1 Vimyene 22:30

Co Ahave wendekele kuli Njosefati ngwendi, “Omo tukovela mu nzita, yange njilimuka mweka, oloni yove zala vene vikoveyo vya vumwene.” Ngecivene, mwene wa mu Isalele walimukile mweka akukovela mu nzita.

1 Vimyene 22:34

Nameme ngoco, akuvezika, lishwalale umo wa vaSilya washele mukili wendi, co wakwatele Mwene Ahave mukati ka mutongo wa vuzalo vwendi vwa nzita. Co Ahave walekele muka-kwendesa litemba lyendi ngwendi, “Njinavetwa! Tenguluka nakutundisa litemba mu nzita!”

1 Mizimbu 10:13

Saulu watsile omwo kakulaelele kuli Shukulu Kalunga. Ikeye kononokele kushika kwa Shukulu Kalunga, ikeye wesekele kuwana kunangula akwihula ku minzinzime ya vaka-kutsa,

2 Mizimbu 18:29

Co Ahave wendekele kuli Njosefati ngwendi, “Omo tukovela mu nzita, yange njilimuka mweka, oloni yove zala vene vikoveyo vyove vya vumwene.” Ngecivene, mwene wa mu Isalele walimukile mweka akukovela mu nzita.

2 Mizimbu 35:22

Oloni nameme ngoco Yosiya washakele manene kulwa. Wavyanene kutolilila ku vije vyendekele Njambi muli Mwene Neko, co walimwisile mweka, wakovelele nakulwa nzita mu cana ca Mengindo.

Isaya 8:19

Oloni vanu vakamileka kwihula majwi kuli vaka-kulukiya na kuli vaka-kwendeka na vakulu, na vaka-kuningita. Vakendeka ngwavo, “Vanu vanapandele kwihula majwi akutunda ku minzinzime nakwihula vatsi kwimanenako vaka-kuyoya.”

Njelemiya 23:24

Naumo wai avanda ngeci njijeneke kumumona. Kuma kumuzivuka ngweni yange njakala kwoshe-ikwoshe mwilu na ano asi ndi?

Ezekiyele 12:6

Tava ngeci vakukengelele omo wambata citele a citsili cove nakuya mu lisusulungu oku unalalameka, ngeci kesi umone kuje kuulinakuya. Eci ciwulinga cikapwa kunangula Isalele.”

Yowano 3:19

Co omu mukemwo mucikapanga cihiso, ceke cinaija ano a kaye, oloni vanu vazema lisusulungu kutuvakana ceke, omwo vilinga vyavo vyapwa vyavivi.