1 Samwele 28:18 - Livulu lya Shukulu Kalunga

¹⁸ Kuwononokele lishiko lya Shukulu Kalunga, co kuwanyongesele vaAmaleke na vyoshe vije vakele navyo. Mukemwo Shukulu Kalunga nalingi eci kuli yove lelo.

1 Samwele 28:18 Iomraidhean Croise

1 Vimyene 20:42

Co uje muka-kwimanena wendekele kuli mwene ngwendi, “Shukulu Kalunga wakulekele ngeci utsiye Mbenehandande, oloni yove wamuputumwisile. Ngecivene, vakakutsiya kwinga mu mwela wendi na mashwalale vove vakavanyongesa omwo unatava mashwalale vendi vaputumuke.”

1 Mizimbu 10:13

Saulu watsile omwo kakulaelele kuli Shukulu Kalunga. Ikeye kononokele kushika kwa Shukulu Kalunga, ikeye wesekele kuwana kunangula akwihula ku minzinzime ya vaka-kutsa,

Njelemiya 48:10

(Apwe wakusinga munu uje kapanga vipangi vya Shukulu Kalunga na mbunge yendi yoshe! Apwe wakusinga munu uje katsii na mukwale wendi!)

1 Samwele 13:9

co ikeye wendekele kuli vakevo ngwendi, “Njineneleni vin̄ombelo vya kwenyeka, na vin̄ombelo vya kulitombola.” Co wakombelelele n̄ombelo ya kwenyeka,

1 Samwele 15:20

Co Saulu wamukumbulwile ngwendi, “Njinononokele majwi a Shukulu Kalunga. Njinaile ngwe mwanjilekele, njinanena Mwene Angange, co njatsiile vaAmaleke voshe.

1 Samwele 15:28

Samwele walekele Saulu ngwendi, “Ku litangwa lya lelo Shukulu Kalunga natundisa vumwene vwa Isalele kuli yove, co navwana kuli mukweni weka nakutuvakana.

1 Samwele 15:9

Oloni Saulu na vanu vendi vayoyesele Angange, co kuvatsiile lalo vimanga vavavwa, na vingombe, na vana va vingombe vavavwa, na vana va vimanga, na vyoshe vije vya seo.