1 Samwele 27:1 - Livulu lya Shukulu Kalunga

¹ Co Ndaviti walyendekesele mu mbunge yendi ngwendi, “Litangwa limo Saulu akanjitsiya. Cuma njinapande kulinga eci, mwamuvwa njitewele ku lifuti lya vaFilisitiya. Co Saulu akajuka kunjishakezeka mu Isalele, co njikakala mwamuvwa.”

1 Samwele 27:1 Iomraidhean Croise

1 Vimyene 12:26

Yelovowame wayongwele mu mbunge yendi ngwendi, “Ololo vumwene vukeluka lalo ku njuvo ya Ndaviti,

1 Vimyene 12:28

Omo Yelovowame wamanesele kuyongola evi, co wafulile vingombe vavali va ngolinde, co wendekele kuli vanu vendi ngwendi, “Simbu yoshe munakala nakuya ku Yelusalema mukulemesa. Eni vanu va Isalele, ava vakevo vinjambi veni vaje vamitundisile ku Ingito!”

1 Vimyene 19:3

Elinja wazivile lyova, omwo watambwile majwi a Njezevele, co watewesele mwonyo wendi, waile amo na ngamba yendi watewelele ku Mbele Shemba mu Yunda. Co Elinja wasezele ngamba yendi kuje,

2 Mizimbu 25:17

Mwene Amaziya wa mu Yunda na vaka-kumunangula vakele munga yakulwisa Isalele. Co watumine lijwi kuli Mwene Yehowashe wa mu Isalele, uje wapwile muna Yehoahaze mutekulu wa Yehu, nakumushongangeya ngeci valwe nzita.

Myaso 116:11

Nameme omo njakele na lyova, njendekele ngwange, “Naumo wai njasa kukulaela.”

Myaso 55:7

Nga njapululwila kulyala, nakukatungila njuvo yange mu mambo.

Kutuuka 14:12

Kuma kutwakulekele omo te kanda twije ngwetu eci cikalingiwa? Twakulekele ngwetu twecele tupwe vinzinda va vaka-Ingito. Mwamuvwa kupwa vinzinda kutuvakana kutsila muno mu mambo.”

Visimo 13:12

Omo cinyangavili cinahu, co na mbunge inoloka, oloni vije ushaka nga unaviwana, co ujolela.

Isaya 51:12

Shukulu Kalunga nendeka ngwendi, “Yange muka-kumitakamesa. Omwo vikajo muzivila lyova munu, uje ikeye oma na kutsa ngwe mwila?

Kulava 14:3

Omwo vikajo Shukulu Kalunga natunenela muno mu lifuti ngeci tutse ku nzita? Vanakazi vetu na vana vetu vakavafungulula. Kuma kutwasa kwiluka ku Ingito ndi?”

Mateo 14:31

Yesu wolwele livoko lyendi wamukwatele, wamulekele ngwendi, “Yove muka-kukulaela kwakundondo! Vikajo walingila vimata?”

Mako 4:40

Asinoni Yesu wendekele kuli vandongisi vendi ngwendi, “Omwo vikajo muli na lyova lyangacije? Kuma kumwakulaelele ndi?”

2 Kolinte 7:5

Nambe omo twetele mu Masendoniya kutwasele kuhwima. Kwoshe-ikwoshe kwakele vipakeso na vimata na vyeka lalo na lyova mu vimbunge vyetu.

1 Samwele 16:1

Shukulu Kalunga wendekele kuli Samwele ngwendi, “Visimbu vingai ukalinyenga ali Saulu? Yange njinamuvyana kupwa mwene wa mu Isalele. Oloni ambata mazi a olive uye ku Mbetelehema, ku munalume umo lizina lyendi Njesi, omwo njinalyangwila umo akati ka vana vendi kupwa mwene.”

1 Samwele 16:13

Co Samwele wambatele lilulu lya mazi a olive, wavwavesele Ndaviti ku mesho a vandolome vendi. Co aje vene Munzinzime wa Shukulu Kalunga wezile na nzili ali Ndaviti, wakele amo nendi kutunda ku litangwa lije. Asinoni Samwele welukile ku Lama.

1 Samwele 20:3

Oloni Ndaviti wakumbulwile ngwendi, “Isho nazivuka mwamuvwa ngeci yove wanjizema manene, evi nayongola kasa kukulekavyo ngeci uvizivuke, omwo vikuzivisa ku mbunge longoto. Njilinakulisinga kuli yove a lizina lya Shukulu Kalunga wakuyoya ngwange yange kunjesi kulyala na kutsa!”

1 Samwele 22:5

Co Ngande muka-kwimanena wezile kuli Ndaviti wendekele ngwendi, “Kesi utumbame kuno embwe, ya ano vene ku lifuti lya Yunda.” Co Ndaviti wakatukile waile mu shwata ya Helete.

1 Samwele 23:17

wendekele kuli ikeye ngwendi, “Kesi ukale na lyova. Tate Saulu kakasa kukuvulumuna embwe. Ikeye nazivuka mwamuvwa yove ukapwa mwene mu Isalele, co yange njikapwa wakukwata.”

1 Samwele 25:30

Omo Shukulu Kalunga nalingi vyuma vyoshe vyavivwa vije vyakukulaesele, co nakupwisa lalo mwene wa mu Isalele,

1 Samwele 26:19

Shukulu, tolilila evi njendeka. Nga cili Shukulu Kalunga ikeye nakuyongwesa ngeci unjilwise, co n̄ombelo injikamwana ikatengulwisa viyongola vyendi, oloni nga vanu valinakulinga eci, co cisingo ca Shukulu Kalunga ciije ali vakevo. Omwo vakevo vananjishekela anja kunjitundisa ku lifuti lya Shukulu Kalunga, kunjitwala ku lifuti kuje kunjikalemesela lika vinjambi veka.

1 Samwele 29:2

Vimyene vatanu va Filisitiya vaile amo na vimbunga vya vanu mu mbunga imo na imo mwakele vanu 100 na 1,000, Ndaviti na vanu vendi vakele nakwendela munima amo na Mwene Akishe.

1 Samwele 29:3

Co vaka-kushika nzita ya vaFilisitiya vehwile ngwavo, “Vikajo valinakulinga kuno ava vaHevelu?” Co Akishe wavakumbulwile ngwendi, “Ou ikeye Ndaviti, ntwama ya Mwene Saulu wa mu Isalele. Nakala nange matangwa amangi na myaka yaingi. Mulonga naumo wai njawana muli ikeye tunde aje ezilile kuli yange.”