1 Samwele 26:25 - Livulu lya Shukulu Kalunga

²⁵ Saulu wendekele kuli Ndaviti ngwendi, “Njambi akuvezikise munange! Ukapwa wakuvezika mu vyoshe ukalinga!” Ngecivene, Ndaviti waile mu ngila yendi, co Saulu lalo welukile kwimbo lyendi.

1 Samwele 26:25 Iomraidhean Croise

Kushangumuka 32:28

Asinoni uje munalume wendekele kuli ikeye ngwendi, “Lizina lyove kuvakalitumbula lalo Yakomba embwe, oloni Isalele omwo yove unalu na Njambi na vanu lalo, co unahyana.”

Visimo 26:25

Majwi endi asa kupwa amavwa, oloni kesi uwakulaele, omwo mbunge yendi inashulu manene na cizindo.

Isaya 54:17

Oloni kukwesi citwa cikasa kukuvulumuna, ukasa kukumbulula vaje voshe vakendeka majwi a makuli ali yove. Njikemanena vangamba vange nakuvahyanesa.” Mwanendeka Shukulu Kalunga.

Hoziya 12:4

Walwile na kangelo, co wamuhyanene. Yakomba walilile nakulomba civezikiso. Co Njambi wezile kuli kukulwila yetu Yakomba ku Mbetele, co wendekele nendi.

Loma 8:35

Iyajo asa kututundisa ku cizemo ca Kilistu? Tuyando, nambe vukalu, nambe mapakeso, nambe njala, nambe vuutu, nambe vushonde, nambe kutsa ndi?

Loma 8:37

Embwe, mu vyuma vyoshe evi yetu tunahyana muli ikeye uje watuzemene!

1 Samwele 24:19

Visimbu vingaijo munu akwata citozi cendi, co amwecela aliile ngoco? Shukulu Kalunga akuvezikise a vyuma evi unalingi kuli yange ku litangwa lya lelo!

1 Samwele 24:20

Ololo njazivuka ngeci ukapwa mwene wa mu Isalele, na vumwene vukatwalao mukushwana kwove.

1 Samwele 24:22

Co Ndaviti walikumiiye ngeci akacilinga. Asinoni Saulu welukile kwimbo, co Ndaviti na vanu vendi velukile ku mwela wavo wavuvandelo.