1 Samwele 26:23 - Livulu lya Shukulu Kalunga

²³ Shukulu Kalunga akana cikandelela kuli vaka-kulongwa na vaka-vushunga. Ku litangwa lya lelo, ikeye nakwakele mu mavoko ange, oloni kunjavulumwine uje Shukulu Kalunga yanapwisa mwene.

1 Samwele 26:23 Iomraidhean Croise

2 Samwele 22:21

Shukulu Kalunga anjana cikandelela omwo nji muka-kulinga mwamuvwa, ikeye anjivezikisa omwo kunjesi na mulonga.

2 Samwele 22:25

Ngecivene, anjana cikandelela omwo njikalingi vyavivwa, omwo azivuka ngeci kunjesi na mulonga.

1 Vimyene 8:32

Shukulu Kalunga, tolilila omo mwilu ngeci usompe vangamba vove. Hisa uje ali na mulonga ngwe mucinamupande, co ecela uje kesi na mulonga ngwe lalo mucinamupande.

Nehemiya 13:14

Njambi yange, anuka vyuma vyoshe evi vinjinalingi ku Njuvo yove yakukulemesela.

Yombi 34:11

Ikeye aana cikandelela kuli vanu ngwe ku vilinga vyavo, nakuvapangesa kwesekesa ku vipangi vyavo.

Myaso 62:12

co njakala na cizemo cije kucesi kutenguluka.” Shukulu Kalunga, yove vavenya ukafwete munu na munu ngwe ku vipangi vyendi.

1 Samwele 24:11

Tate, kenga nanga ya ku mukundwilo wa cikoveyo cove eyi injinakwata! Njapandele kukutsiya, oloni njavatula lika nanga ya ku mukundwilo wa cikoveyo cove. Co eci cilinakukumwesa ngeci yange kunjesi na vutumbe vwakuyongola kukulwisa nambe kukuvulumuna. Yove ulinakunjiyomba ngeci unjitsiye, yange kunjalingile cuma cimo cacivi kuli yove.

1 Samwele 24:12

Ngeci Shukulu Kalunga asompe akati ketu tuvavali iya umo naviisa! Ngecivene, ikeye akunyanyamese a vilinga vyove vyakunjilwisa, omwo yange kunjikakuvulumuna embwe.

1 Samwele 24:18

Ku litangwa lya lelo unamwesa vuvwa vwove kuli yange, omwo kuwanjitsiile, nameme Shukulu Kalunga nanjikundikile mu mavoko ove.

1 Samwele 24:19

Visimbu vingaijo munu akwata citozi cendi, co amwecela aliile ngoco? Shukulu Kalunga akuvezikise a vyuma evi unalingi kuli yange ku litangwa lya lelo!

1 Samwele 26:11

Shukulu Kalunga anjivindike ngeci kesi njeseke kuvulumuna ou yanapwisa mwene! Twambate lika likunga lyendi, na njava yendi ya mema, co tuye.”

1 Samwele 26:22

Co Ndaviti wamukumbulwile ngwendi, “Shukulu, likunga lyove eli. Tuma munu umo wa akati ka vanu vove alizile.

1 Samwele 26:9

Oloni Ndaviti wendekele kuli Avishai ngwendi, “Kesi umuvulumune! Shukulu Kalunga akahisa woshe uje avulumuna uje yanavwavesa.”