1 Samwele 26:21 - Livulu lya Shukulu Kalunga

²¹ Co Saulu wamukumbulwile ngwendi, “Njalingi mwamuvi. Iluka, Ndaviti munange! Kunjikelukilamo lalo kukuvulumuna, omwo unamena mwonyo wange ku vutsiki vwa lelo. Njapwile nji cilema! Njinalingi cuma cacivi manene cakukomokesa!”

1 Samwele 26:21 Iomraidhean Croise

2 Vimyene 1:13

Co simbu ikwavo lalo mwene watumine mwata umo na vanu makumi atanu. Co ikeye walamatele a lilundu, watsikamene a mavuli ku mesho a Elinja, co wamulambelelele ngwendi, “Ove munu wa Njambi, njizivileko mema ku mbunge yange na vanu vange. Twamene!

2 Vimyene 1:14

Vaje vamyata vavali na vanu vavo venyele na tuhya twakutunda mwilu, oloni shukulu njizivileko mema ku mbunge!”

Myaso 116:15

Kutsa kwa vaka-kukulaela, kuli na seo ku mesho a Shukulu Kalunga.

Myaso 49:8

omwo ndando ya mwonyo wa munu yapwa yakama manene. Vije vyafweta kuvyasa kupwisamo,

Myaso 72:14

Ikeye avamena kuli vaka-muuka, na kuli vaka-kuvalinga mwamuvi, maninga avo akala na seo ku mesho endi.

Kutuuka 9:27

Asinoni mwene wasanene Mosesa na Alone wendekele kuli vakevo ngwendi, “A simbu ino njinalingi vuvi, Shukulu Kalunga nalingi mwamuvwa, co yange na vanu vange tunaviisa.

Kulava 22:34

Asinoni Mbalame wakumbulwile kangelo ka Shukulu Kalunga ngwendi, “Njinalingi vuvi omwo kunjazivukile ngwange yove unemana mu ngila nakunjilwisa. Oloni nga eci njinalingi cacivi ku mesho ove, co njiluka kwimbo.”

Mateo 27:4

Wendekele ngwendi, “Njinalingi vuvi akwenda vungungu munu wakujeneka mulonga.” Vamukumbulwile ngwavo, “Ovyo vikajo kuli yetu? Owo mulonga wove!”

1 Samwele 13:13

Co Samwele wamukumbulwile ngwendi, “Eci cinapu cuma cavulema ciwunalingi. Kuwononokele lishiko lije lyakwanene Shukulu Kalunga Njambi yove. Nga unononokele, nga nakwasesa yove na vatekulwila vove kushwana Isalele myaka yoshe.

1 Samwele 15:24

Co Saulu wamukumbulwile ngwendi, “Eyo, njinalingi vuvi. Kunjononokele lishiko lya Shukulu Kalunga na majwi ove. Omwo njakele na lyova na vanu vange, co njalingile vije vivashakele.

1 Samwele 15:30

Saulu wamukumbulwile ngwendi, “Njinalingi vuvi. Oloni njisingimikeko lika ku mesho a vantwama vange na kuli Isalele yoshe. Iluka amo nange ngeci njikalemese Shukulu Kalunga Njambi yove.”

1 Samwele 18:30

Co mbunga ya mashwalale va vaFilisitiya vakele nakwija nakulwa, oloni mu nzita yoshe Ndaviti wakele nakuhyana kutuvakana vamyata va Saulu, co a cuma cangacije, Ndaviti watsimanene manene.

1 Samwele 24:17

Asinoni Saulu wendekele kuli Ndaviti ngwendi, “Yove unalingi mwamuvwa, yange njalingi mwamuvi manene! Yove uli na mema ku mbunge ali yange, oloni yange njakulingi mwamuvi manene.

1 Samwele 26:22

Co Ndaviti wamukumbulwile ngwendi, “Shukulu, likunga lyove eli. Tuma munu umo wa akati ka vanu vove alizile.

1 Samwele 26:24

Ngwe omo nayoyesa mwonyo wove ku litangwa lya lelo, Shukulu Kalunga alinge muje lalo kuli yange nakunjamena ku tuyando twoshe!”

1 Samwele 27:4

Omo Saulu wazivile ngeci Ndaviti natewela ku Ngate, co walikelele kumushakezeka.