1 Samwele 26:20 - Livulu lya Shukulu Kalunga

²⁰ Ngecivene, kesi vakanjitsiile mu lifuti lya vungenzi, kulyala na Shukulu Kalunga. Omwo vikajo mwene wa mu Isalele aija nakutsiya yange wakufwa ngwe njandu? Vikajo alinakunjiyombela ngwe nji kazila?”

1 Samwele 26:20 Iomraidhean Croise

Njelemiya 16:16

Shukulu Kalunga alinakwendeka ngwendi, “Njikatuma vaka-kuta visi vavangi kwija nakukwata vanu ava. Asina lalo njikatuma viyambi vavangi mukuyomba vanu ava mu minkinda na a malundu, na mu manzenzengoma, na mukati ka mamanya.

Mbimbi 3:52

“Vitozi vanjikwatele ngwe kazila kwakujeka mulonga wakunjizindila.

Mateo 26:47

Omo Yesu wacikele nakwendeka navo, Yundasa, umo wa vaje likumi na vavali wetele. Co wezile na mbunga yakama vambatele mikwale na vimbweti, vavatumine kuli vakulunu va vaka-kukombelela na kuli vakulunu va vaYunda.

Mateo 26:55

Asinoni Yesu wendekele na mbunga ije ngwendi, “Kuma munaija na mikwale na vimbweti mukunjikwata ngwe lipwepwe ndi? Njatumbamene nakulongesa mu Njuvo ya Shukulu Kalunga matangwa oshe, co kumwanjikwatele.

1 Samwele 2:9

“Ikeye anyunga myonyo ya vanu vendi va kulongwa, oloni vaka-vivi vanyonga mu lisusulungu, nzili ya munu kuyasa kumuhyanesa.

1 Samwele 24:11

Tate, kenga nanga ya ku mukundwilo wa cikoveyo cove eyi injinakwata! Njapandele kukutsiya, oloni njavatula lika nanga ya ku mukundwilo wa cikoveyo cove. Co eci cilinakukumwesa ngeci yange kunjesi na vutumbe vwakuyongola kukulwisa nambe kukuvulumuna. Yove ulinakunjiyomba ngeci unjitsiye, yange kunjalingile cuma cimo cacivi kuli yove.

1 Samwele 24:14

Mwene wa mu Isalele alinakweseka kutsiya iya? Kenga uje yalinakusheka! Katali wa kutsa? Indi njandu wangoco?

1 Samwele 24:15

Ngecivene, Shukulu Kalunga atusompe, awane akati ketu iya umo naviisa. Shukulu Kalunga akenge a n̄anda eyi, nakunjamena, nakunjovola kuli yove.”

1 Samwele 25:29

Nga munu akulwisa nakweseka kukutsiya, Shukulu Kalunga Njambi yove akakwamena, ngwe munu anyunga vufuko vwa seo. Oloni ali vitozi vove, ikeye akavombila kuti, ngwe munu asha limanya mu cipapa cendi ca kenya.