1 Samwele 26:19 - Livulu lya Shukulu Kalunga

¹⁹ Shukulu, tolilila evi njendeka. Nga cili Shukulu Kalunga ikeye nakuyongwesa ngeci unjilwise, co n̄ombelo injikamwana ikatengulwisa viyongola vyendi, oloni nga vanu valinakulinga eci, co cisingo ca Shukulu Kalunga ciije ali vakevo. Omwo vakevo vananjishekela anja kunjitundisa ku lifuti lya Shukulu Kalunga, kunjitwala ku lifuti kuje kunjikalemesela lika vinjambi veka.

1 Samwele 26:19 Iomraidhean Croise

Kushangumuka 44:18

Yunda washwenyele kuli Yosefa wendekele kuli ikeye ngwendi, “Yove shukulu yange, njitave njendeke nove. Kesi uluvale nange, omo yove unapu ngwe mwene vene.

Kushangumuka 8:21

Co omo Shukulu Kalunga wazivile vweko vwavuvwa vwa n̄ombelo eyi, wazivile kuvwaa, walyendekesele ikeye vavenya ngwendi, “Kunjikelukilamo lalo kusinga asi a vilinga vya vanu, omo njazivuka ngwange kutunda ku vwanike vwavo viyongola vya vimbunge vyavo vyapwa vyavivi. Kunjikelukilamo lalo kunyongesa vyakuyoya vyoshe ngwe omu njinalingi a simbu eyi.

2 Samwele 14:16

Njayongwele ngwange wasa kunjitolilila nakunjamena kuli ou ashaka kutsiya yange na munange kututundisa ku vushwana vwa Njambi vuje vwaanene kuli vanu vendi.

2 Samwele 16:10

Co mwene wendekele kuli Avishai na kuli ndolome yendi Yowave ngwendi, “Evi kuvyamikundamene embwe. Nga ikeye alinakunjisinga omwo Shukulu Kalunga ikeye namuleke kulingamo, co iyajo ali na moko yakumwihula omwo vika alinakulingamo?”

2 Samwele 16:11

Ngecivene, Ndaviti wendekele kuli Avishai na kuli vamyata vendi voshe ngwendi, “Munange vene ikeye alinakushaka kunjitsiya, ngecivene, omwo vikajo mulinakukomoka ou kaMbenjemani? Shukulu Kalunga ikeye namuleke kunjisinga, ngecivene, mweceleni acilinge.

2 Samwele 20:19

Nganda yetu yapwa yakama, vanu vamwo vapwa va kwoloka na kulongwa mu Isalele. Omwo vikajo ushaka kuyinyongesa? Kuma yove ushaka kuviisa vushwana vwa Shukulu Kalunga ndi?”

2 Samwele 21:3

Ngecivene, Ndaviti wasanene vaNgimbiyone, co wavehwile ngwendi, “Vika njikamilingila? Njishaka kumifwetela a vuvi vuje vwalingiwile kuli yeni, ngeci muvezikise vanu va Shukulu Kalunga.”

2 Samwele 24:1

Shukulu Kalunga waluvalele na Isalele lalo, co walingisile Ndaviti kunena vukalu ali vakevo. Co Shukulu Kalunga wendekele kuli ikeye ngwendi, “Ya ukalave vanu va Isalele na Yunda.”

1 Vimyene 22:22

Co Shukulu Kalunga wehwile ngwendi, ‘Mu ngila ikajo ukamukwisila?’ Munzinzime wakumbulwile ngwawo, ‘Njikaya nakusindiya vaka-kwimanena voshe va Ahave kwendeka makuli.’ Co Shukulu Kalunga wendekele ngwendi, ‘Ya ukamukwise. Ukasa vene.’ ”

1 Mizimbu 21:1

Satana washakele kunena vukalu ali vanu va Isalele, co wasindiiye Ndaviti ngeci alave vaIsalele.

Myaso 120:5

Kukala akati keni kunapu kwakuvi ngwe kukala mu Meshake, nambe kukala akati ka vanu va ku Kendale!

Myaso 20:4

Ikeye akwane vyoshe viwushaka, co mu lizina lya Njambi, matumbe ove oshe aye kulutwe.

Visimo 30:10

Kesi ufweyele ngamba kuli shukulu yendi, kutewa akakusinga, co ukamona tuyando.

Isaya 60:5

Ukamona vyuma evi, co ukajolela manene, co mbunge yove ikashula nakujolela. Vufuko vwa miyati ya vanu veka vakavunena kuli yove, vukatunda musambwa ya mema a kalunga.

VaLevi 26:31

Njikapwisa membo eni vingundu, co njikanyongesa myela yeni yakulemesela, co kunjikavwaelela na vwisi vwa lwengo lwaluvwa lwa vin̄ombelo vyeni.

Kulava 36:7

Kukwesi vushwana navumo vwai vwa vanu va Isalele vukatunda ku muyati umo nakuvunungulwila ku muyati ukwavo, co vanu va Isalele vakakakateye kunyunga vushwana vwa vaishavo.

Kulava 36:9

Mu ngila eyi vushwana navumo vwai vukatunda ku muyati umo, nakuvunungulwila ku muyati ukwavo, co miyati yoshe ya vanu va Isalele vakakakateye nakunyunga munu na munu vushwana vwendi vavenya.”

Loma 14:15

Nga uvulumuna mukweni omwo a cuma cimo ciwulya, co kuwesi nakulinga vya cizemo embwe. Kesi utave vyakulya vije viwulya vinyongese munu uje yanatsililile Kilistu!

Ngalatiya 5:12

Njishaka ngeci vanu vaje valinakumitanganesa kesi valengesele aa lika, veceleni vatwaleo nakulipwisa vayunuke!

Kwituluka mu Mashiko 13:3

kesi mukatolilile ku majwi endi. Omwo Shukulu Kalunga Njambi yeni alinakumupangesa nakumyeseka, kumona nga muzema Shukulu Kalunga Njambi yeni na vimbunge vyeni vyoshe, na mwonyo weni woshe.

2 Timateo 4:14

Elekizanda uje muka-kufula nanjilingi mwamuvi manene, Mwene akamwana fweto yendi kupwisa ngwe ku vipangi vyendi vyanalingi.

1 Samwele 18:10

Alikaki, munzinzime wauvi wakutunda kuli Njambi wakovelele muli Saulu, co ikeye wayambanganene mu njuvo yendi ngwe munu wakuzaluka, Ndaviti wakele nakwimba kalyalya, ngwe mwakele nakulinga a litangwa na litangwa, co Saulu wakwatele likunga mu livoko lyendi.

1 Samwele 24:9

co wendekele ngwendi, “Omwo vika ulinakutolilila ku majwi a vanu valinakwendeka ngwavo, ‘Ndaviti alinakushaka kukuvulumuna?’

1 Samwele 25:24

ku mendi a Ndaviti, wendekele kuli ikeye ngwendi, “Shukulu, mwane, njitolilileni! Njalimono njili na mulonga.

1 Samwele 27:1

Co Ndaviti walyendekesele mu mbunge yendi ngwendi, “Litangwa limo Saulu akanjitsiya. Cuma njinapande kulinga eci, mwamuvwa njitewele ku lifuti lya vaFilisitiya. Co Saulu akajuka kunjishakezeka mu Isalele, co njikakala mwamuvwa.”