1 Samwele 26:15 - Livulu lya Shukulu Kalunga

¹⁵ Co Ndaviti wendekele ngwendi, “Avinele, kuma kesi yove munalume wakukomokesa mu Isalele ndi? Omwo vikajo kuwanyungile shukulu yove? Ololo vene mu cilombo ceni munakovelele munu ngeci atsiye shukulu yove.

1 Samwele 26:15 Iomraidhean Croise

2 Samwele 3:38

Ngecivene, mwene wendekele kuli vamyata vendi ngwendi, “Kuma yeni kumwazivukile ngweni ku litangwa lya lelo ntwama wakama wa mu Isalele natsi ndi?

Ndanyele 4:19

Ngecivene, Ndanyele, uje vatumbwile lalo Mbeletesezale walikomokelele ngeci kasele kwendeka cuma cimo. Co mwene wendekele kuli ikeye ngwendi, “Mbeletesezale, kesi utave njozi eyi ikukomokese embwe.” Co Mbeletesezale wakumbulwile ngwendi, “Yove shukulu, nga citava njozi eyi na muje muyinalumbunukila inapande kukundama kuli vitozi vove kesi kuli yove.

Mateo 26:40

Asinoni Yesu welukile kuli vandongisi vendi vaje vatatu, co wavawanene vanalala tulo, wendekele kuli Petulu ngwendi, “Kuma kumwasa kukengelela amo nange, nameme simbu imolika?

1 Samwele 26:14

co watambekele kuli mashwalale va Saulu, na kuli Avinele ngwendi, “Avinele! Wasa kunjiziva ndi?” Co Avinele wehwile ngwendi, “Iya owo alinakutambeka nakwindula mwene?”

1 Samwele 26:16

Avinele! Unonwene kupanga cipangi cove, njalisingi ali Shukulu Kalunga wakuyoya ngeci yeni voshe mwapandele kutsa, omwo kumwasele kunyunga shukulu yeni, uje Shukulu Kalunga wamupwisile mwene. Kenga! Likunga lya mwene lilikuli? Co lalo njava ya mema ije inakele ku mitwe yendi ilikuli?”