1 Samwele 26:10 - Livulu lya Shukulu Kalunga

¹⁰ Co Ndaviti wendekele lalo ngwendi, “Ali Shukulu Kalunga wakuyoya, njazivuka ngeci Shukulu Kalunga ikeye vavenya akatsiya Saulu, nambe omo simbu yendi inete ya kutsa kalili, nambe ya kutsa mu nzita.

1 Samwele 26:10 Iomraidhean Croise

Kushangumuka 47:29

Omo simbu ya kutsa kwendi yashwenyele muyehi, Yakomba wasanene munendi Yosefa wendekele kuli ikeye ngwendi, “Aka livoko lyove mukati ka mao ange nakulisinga ngeci kuukanjitsindi muno mu Ingito.

Yombi 14:14

Nga munu atsa, kuma asa kuyoya lalo ndi? Oloni njikavandamena visimbu vyavivwa, njikavandamena noo simbu eyi ya tuyando inahu.

Yombi 14:5

Simbu yakuyoya kwendi vanaiseteka laja, nakutuma kwa vingonde vyendi vili kuli yove. Nginga yendi unaitu laja ngeci kasa kuyijomboka.

Yombi 7:1

Mwonyo wa munu unafu ngwe mashwalale vavasindiya kupanga, matangwa endi anapu ngwe a ngamba wakukumuna,

Myaso 37:10

Mu kasimbu kakandondo lika, vaka-vuvi vakahwa voshe njwa, ukavashakezeka, oloni kuukavawana.

Myaso 37:13

Oloni Shukulu Kalunga akajolo vaka-vuvi, omwo nazivuka ngeci kasimbu kakandondo lika vakanyonga.

Myaso 94:23

Ikeye akavahisa a vilinga vyavo vyavivi, nakuvanyongesa a vuvi vwavo. Shukulu Kalunga Njambi yetu akavanyongesa voshe njwa.

Muka-kwambulula 3:2

Kuli simbu yakusemuka, na simbu ya kutsa, kuli simbu yakukuna, na simbu yakutukula vivanakunu,

Luka 18:7

Kuma Njambi kasa kwakula mu vushunga kuli vanu vendi vaje valinakulilila kuli ikeye vutsiki na mutanya ngeci avakwase? Kuma ngweni akeshwala mukuvakwasa ndi?

Loma 12:19

Vasamba vange, kesi mulinge shambandinga, oloni eceleni vukalu vwa Njambi vucilinge. Omwo visoneka vyendeka ngwavyo, “Yange njilinga shambandinga, njikavelwisila fweto yavo, mwanendeka Shukulu Kalunga.”

Kwituluka mu Mashiko 31:14

Asinoni Shukulu Kalunga wendekele kuli Mosesa ngwendi, “Kenga, kuwesi na matangwa amangi akuyoya. Sana Yoshwa umunene ku Mbalaka Mwakuliwanena, ngeci njimushike vyakalinga.” Co Mosesa na Yoshwa vaile ku Mbalaka Mwakuliwanena.

Kwituluka mu Mashiko 32:35

Shukulu Kalunga akavalinga shambandinga nakuvahisa, simbu iketa omo vakawa, litangwa lya tuyando twavo lili muyehi.

VaHevelu 10:30

Omwo tunazivuka uje wendekele ngwendi, “Njikalinga shambandinga, co njikavelwisila fweto yavo,” nendeka lalo ngwendi, “Shukulu Kalunga akasompa vanu vendi.”

VaHevelu 9:27

Munu woshe napande kutsa lumo, co asinoni vakamusompa kuli Njambi.

Kujombolola 18:8

Omwo cuma eci, cihiso cendi cikaija litangwa limo, kutsa na vusiwa na njala. Co vakamwenyeka na tuhya, omwo Shukulu Kalunga Njambi, uje akamusompa, wapwa muka-nzili.”

1 Samwele 24:12

Ngeci Shukulu Kalunga asompe akati ketu tuvavali iya umo naviisa! Ngecivene, ikeye akunyanyamese a vilinga vyove vyakunjilwisa, omwo yange kunjikakuvulumuna embwe.

1 Samwele 24:15

Ngecivene, Shukulu Kalunga atusompe, awane akati ketu iya umo naviisa. Shukulu Kalunga akenge a n̄anda eyi, nakunjamena, nakunjovola kuli yove.”

1 Samwele 25:26

Shukulu Kalunga ikeye nakuvindika kulinga shambandinga nakutsiya vitozi vove. Co ololo njilisinga kuli yove a lizina lya Shukulu Kalunga, wakuyoya ngwange vitozi vove, na voshe vaje vashaka kukuvulumuna, vakavahisa ngwe NaVaLe

1 Samwele 25:38

Omo matangwa likumi ahwile, Shukulu Kalunga wahisile Navale, co watsile.

1 Samwele 25:39

Omo Ndaviti wazivile ngeci Navale natsi, co wendekele ngwendi, “Wakushangazala Shukulu Kalunga! Nalingi shambandinga ali Navale omwo wanjishawile, oloni navindika yange ngamba yendi kulinga mwamuvi. Shukulu Kalunga nahisa Navale omwo vuvi vwendi.” Asinoni Ndaviti watumine lijwi lyakwihula Avingaile ngeci akapwe munakazi wendi.

1 Samwele 31:4

Co Saulu wendekele kuli uje mukwenje wambatele vitwa vyendi ngwendi, “Shomona mukwale wove unjitsiye, ngeci ava vaFilisitiya vaka-kujeneka kukulaela kesi vanjishaule nakunjitsiya.” Oloni uje mukwenje katavele, omo wakele na lyova. Ngecivene, Saulu wambatele mukwale wendi, co wawililileko ikeye vavenya.

1 Samwele 31:6

Ngecivene, Saulu, na vana vendi vatatu va vanalume, na uje mukwenje vatsile, na vanu voshe va Saulu vatsile ku litangwa lije vene.