1 Samwele 25:39 - Livulu lya Shukulu Kalunga

³⁹ Omo Ndaviti wazivile ngeci Navale natsi, co wendekele ngwendi, “Wakushangazala Shukulu Kalunga! Nalingi shambandinga ali Navale omwo wanjishawile, oloni navindika yange ngamba yendi kulinga mwamuvi. Shukulu Kalunga nahisa Navale omwo vuvi vwendi.” Asinoni Ndaviti watumine lijwi lyakwihula Avingaile ngeci akapwe munakazi wendi.

1 Samwele 25:39 Iomraidhean Croise

2 Samwele 1:16

co Ndaviti wendekele ku civimbi ca uje kaAmaleke ngwendi, “Maninga ove akale a mutwe wove vavenya. Yove vavenya walihisa omo walitavela ngwove yove watsiile mwene uje yaangwile Shukulu Kalunga.”

1 Vimyene 2:44

Wazivuka mwamuvwa vuvi vwoshe vuje vuwalingile kuli tate Ndaviti. Shukulu Kalunga akakuhisa a eci.

Esita 7:10

Ngecivene, vashukikile Hamane a viti vije vyashimbikilile Molendekai. Asinoni vukalu vwa mwene vwahwile.

Esita 9:25

Oloni Esita waile kuli mwene, co mwene wasonekele mashiko ngeci vutumbe vwa Hamane vwavuvi vuje vwatumbilile vaYunda vumwilukile ikeye vavenya, co ikeye na vana vendi va vanalume vavashukikile a viti.

Myaso 7:16

Vilinga vyavo vyavivi, vikavelukila vakevo vavenya.

Myaso 9:5

Uhisa vaka-kujeneka kukulaela, nakunyongesa vaka-vuvi, zimangana mazina avo ku myaka yoshe.

Visimo 18:22

Uje awana munakazi awana cuma cacivwa, co awana kutetela kuli Shukulu Kalunga.

Visimo 19:14

Munu asa kushwana njuvo na vufuko vwa visemi vendi, oloni Shukulu Kalunga lika asa kukwana munakazi wa mana.

Visimo 22:23

Omwo Shukulu Kalunga ikeye muka-kuvalwila, co vyoshe vije ulinga kuli vakevo, Shukulu Kalunga akavilinga lalo kuli yove.

Visimo 31:10

Munakazi wa seo iyajo asa kumuwana? Seo yendi inatuvakana mamanya a lumbi!

Visimo 31:30

Citso ca munu cikakwisa, na vuvwa vwa cihanga cendi vwapwa vwangoco, oloni munakazi uje asingimika Shukulu Kalunga vakamushangazala.

Myaso ya Solomoni 8:8

Tuli na ndokazi yetu wa mumbanda wamundondo, mavele endi kanda acikole. Vatijo tukalinga nendi, nga mukwenje akaija nakumuulila?

Mika 7:9

Tunavulumwina Shukulu Kalunga. Ngecivene, tunapande kuyanda omwo kuluvala kwendi noo atwamena.

2 Kolinte 13:7

Tulinakulomba kuli Njambi ngeci kesi mukalinge vyuma vyavivi embwe, nambe kumwesa ngeci yetu vaka-kuhyana, oloni ngeci yeni mulinge vya vushunga, nambe tupwa ngwe vaka-kwonwa.

1 Tesalonika 5:23

Njambi uje muka-kutwana kwoloka amipwise vaka-kujela mu vyoshe, co anyunge vunu vweni vwoshe, munzinzime, na mwonyo na muvila, kujeneka milonga yoshe akwija kwa Mwene yetu Yesu Kilistu.

2 Timateo 4:18

Mwene akanjamene ku vipangi vyoshe vyavivi, co akanjambata mu kwoloka kunjitwala ku Vumwene vwendi vwa Mwilu. Kuli ikeye kukale vumpau ku myaka na myaka! Ewa.

Maako 5:2

Shangazaleni Shukulu Kalunga! Omwo vana va vimyene mu Isalele vatwamene kulutwe, omwo vanu valyanene na cizango vakevo vavenya.

1 Samwele 24:15

Ngecivene, Shukulu Kalunga atusompe, awane akati ketu iya umo naviisa. Shukulu Kalunga akenge a n̄anda eyi, nakunjamena, nakunjovola kuli yove.”

1 Samwele 25:26

Shukulu Kalunga ikeye nakuvindika kulinga shambandinga nakutsiya vitozi vove. Co ololo njilisinga kuli yove a lizina lya Shukulu Kalunga, wakuyoya ngwange vitozi vove, na voshe vaje vashaka kukuvulumuna, vakavahisa ngwe NaVaLe

1 Samwele 25:32

Ndaviti wendekele kuli Avingaile ngwendi, “Wakushangazala Shukulu Kalunga, Njambi ya Isalele, ou nakutumu kuliwana nange ku litangwa lya lelo!

1 Samwele 25:34

Shukulu Kalunga nanjinyungu kukukuvulumuna. Oloni njilisinga mu lizina lya Njambi ya Isalele wakuyoya ngwange nga kuwazambwile kwakuliwana nange, nga vanu va Navale voshe vanatsi ku mutondo!”

1 Samwele 25:40

Co omo vangamba vaile kuli Avingaile ku Kalemele, vendekele kuli ikeye ngwavo, “Ndaviti natutumu ngeci tuye nove ukapwe u munakazi wendi.”

1 Samwele 26:10

Co Ndaviti wendekele lalo ngwendi, “Ali Shukulu Kalunga wakuyoya, njazivuka ngeci Shukulu Kalunga ikeye vavenya akatsiya Saulu, nambe omo simbu yendi inete ya kutsa kalili, nambe ya kutsa mu nzita.