1 Samwele 25:36 - Livulu lya Shukulu Kalunga

³⁶ Avingaile welukile kuli Navale, ikeye wakele nakulinga ciwano mu njuvo yendi, ngwe ciwano ca mwene. Navale wavwaelelele manene omo wapendele, ngecivene, Avingaile kamulekele cuma cimo noo alikaki mutondo.

1 Samwele 25:36 Iomraidhean Croise

2 Samwele 13:23

Omo kwetile myaka ivali, Avisalome watewile vimanga vendi ku Mbale Hazole, kuyehi na limbo lya Efalime, co walanyeleko vana va mwene voshe.

2 Samwele 13:28

co Avisalome washikile vangamba vendi ngwendi, “Kengeseseni mwamuvwa Aminone omo nanu manene, co njimishika ngwange mutsiyeni, kesi mukale na lyova embwe. Yange njinamishiki. Pweni vaka-kusimpa kesi muzive lyova!”

2 Samwele 3:20

Omo Avinele waile kuli Ndaviti ku Hevelone na vanalume makumi avali, co Ndaviti wavalingilile ciwano.

1 Vimyene 20:16

Nzita yashangumukile akati ka mutwe ka litangwa, omo Mbenehandande na vasamba vendi vaka-kumukwasa makumi atatu na vavali vakele nakunwa vwala mu vimbalaka vyavo.

Myaso 112:5

Navezika munu uje ali na ngozi, munu uje akumwisa vyendi kuli vakwavo, uje apanga na vushunga mu vipangi vyendi vyakulanda nakulandulula.

Visimo 20:1

Cinapu cuma ca vulema kunwa vinyu, nakupenda kunena kalwa, vaka-kupenda vinyu kuvesi na mana.

Muka-kwambulula 10:19

Kulya nakunwa vikulingisa ngeci uvwaelele, oloni nga kuwesi na vimbongo, kuwasa kulinga vyuma evi.

Isaya 28:3

Muka-kupenda woshe wa mu Efalime alyalesela a Samaliya, oloni vakainyongesa.

Isaya 5:11

Ngongo yeni! Yeni mumenekela kunwa vwala mutondo-tondo, co mupenda vutsiki vwoshe.

Njelemiya 51:57

Njikapendesa vaka-kushwana vamwo, na vanalume va mana, na vantwama, na mashwalale. Vakalala, co kuvakenduka lalo. Yange mwene, njinendekamo, yange Kalunga Muka-nzili yoshe.

Hoziya 4:11

Shukulu Kalunga alinakwendeka ngwendi, “Vinyu vyalaja nevi vyaviha vijenekesa vanu vange mana!

Nahumi 1:10

Yeni vaka-kupenda vakamyenyeka ngwe mambimbo akulizenga-zenga na vishati vyakuma!

Mateo 10:16

“Kengeni, njilinakumituma ngwe vimanga akati ka tungunga. Ngecivene, nyanyameni ngwe manyoka, co likongomekeni ngwe mayembe.

Luka 14:12

Asinoni Yesu wendekele kuli uje wamulanyele ngwendi, “Nga uvwaesa kulya kwa mutanya nambe kulya kwa cingwezi, kesi ulanye vasamba vove nambe vandolome vove nambe vavushoko vwove nambe vandambo vove vaka-kufuka, omwo navo lalo vakakulanya, co mu ngila eyi vakakwilwisila vije viwalingile.

Luka 21:34

“Nyanyameni! Kesi mushote manene vimbunge vyeni akulya na akunwa na a vishoti vya mwonyo ou, kutewa Litangwa lije likamikasumuna ngwe muukamwashuka mweto.

Loma 13:13

Twendeni mwamuvwa, ngwe vanu vaje valinakuyoya mu ceke ca mutanya, kesi kulinga kalwa ka ku viwano nambe kupenda, nambe kulinga vupangala nambe kukezima, nambe kulinga lwozi nambe lifuwa.

Efeso 5:14

omwo cuma coshe cije cisholoka cipwa ceke. Omu mukemwo vakendeka ngwavo, “Tona, yove walala, co induka ku kutsa, Kilistu akakutwila ceke.”

Efeso 5:18

Kesi mupende na vinyu, vije vyasa kumiviisa, oloni shuleni na Munzinzime.

1 Samwele 25:19

Asinoni wendekele kuli vangamba vendi ngwendi, “Twameni kulutwe, yange njimikava munima.” Oloni kendekele cuma cimo kuli munalume wendi.

1 Samwele 25:37

Ngecivene, omo vyuma vije vinahu, Navale wakele mwamuvwa omo vwala vwamutundile, co Avingaile wamulekele vyuma vyoshe. Co Navale wezukile mbunge, wapwile muka-kalepa.