1 Samwele 25:34 - Livulu lya Shukulu Kalunga

³⁴ Shukulu Kalunga nanjinyungu kukukuvulumuna. Oloni njilisinga mu lizina lya Njambi ya Isalele wakuyoya ngwange nga kuwazambwile kwakuliwana nange, nga vanu va Navale voshe vanatsi ku mutondo!”

1 Samwele 25:34 Iomraidhean Croise

Kushangumuka 20:6

Co Njambi wamukumbulwile mu njozi ngwendi, “Eyo, njazivuka ngeci yove kuwesi na mulonga. Mukemwo vene njakunyungile ngeci kesi ulinge cuma cimo na Sala.

Yoshwa 10:6

Co vanalume va ku Ngimbiyone vatumine lijwi kuli Yoshwa ku cilombo ca ku Ngilingale ngwavo, “Shukulu, kesi utukengese nima yetu vangamba vove embwe! Zambulako wakutukwase! Twamene! Vimyene voshe va vaAmoli vanalikumbasana amo nakutulwisa!”

Yoshwa 10:9

Yoshwa na mashwalale vendi vendele vutsiki vwoshe kutunda ku Ngilingale nakweta ku Ngimbiyone, co vakasumwine vaAmoli nakuvalwisa.

1 Samwele 11:11

Co alikaki, mutondo-tondo, Saulu waangunwine vanu vendi mu vimbunga vitatu, co a mungulungengu, vashatukilile mu cilombo ca vitozi, valwisile vaAmoni. Co omo kwakile vavatsiile. Co vaje vasaleleo valishandokele, munu na munu watewelele kwendi.

1 Samwele 25:18

Co vwasi-vwasi Avingaile wambatele mikasha ya makende yakupwa 200, na vinjeke vivali vya vilambu vyakushula na vinyu, na vimanga vatanu vakwoca, na mitonga likumi na ivali ya vimbuto vya vinona vyakwoca, na makasha-kasha 100 a mikolovozi ya vushuka vwa vinyu, na makende 200 amavwa a mikuyu akuma, wavilondekele a vimulu.

1 Samwele 25:22

Njambi anjihise nga kunjitsii vitozi vange omo kanda kucikye!”

1 Samwele 25:26

Shukulu Kalunga ikeye nakuvindika kulinga shambandinga nakutsiya vitozi vove. Co ololo njilisinga kuli yove a lizina lya Shukulu Kalunga, wakuyoya ngwange vitozi vove, na voshe vaje vashaka kukuvulumuna, vakavahisa ngwe NaVaLe

1 Samwele 25:39

Omo Ndaviti wazivile ngeci Navale natsi, co wendekele ngwendi, “Wakushangazala Shukulu Kalunga! Nalingi shambandinga ali Navale omwo wanjishawile, oloni navindika yange ngamba yendi kulinga mwamuvi. Shukulu Kalunga nahisa Navale omwo vuvi vwendi.” Asinoni Ndaviti watumine lijwi lyakwihula Avingaile ngeci akapwe munakazi wendi.