1 Samwele 25:13 - Livulu lya Shukulu Kalunga

¹³ Ndaviti washikile ngwendi, “Shweleni mikwale yeni!” Co vakevo voshe valingile ngacije. Ndaviti lalo washwelele mukwale wendi, waile na vanu vendi vakupwa 400, co wasezele vanu 200 munima amo na vivala vyavo.

1 Samwele 25:13 Iomraidhean Croise

2 Samwele 15:18

Co vamyata vendi voshe vemanene kuyehi nendi omo vaka-kunyunga mwene vetile kulutwe lwendi. Mashwalale 600 va ku Ngate vaje vamukavele navo lalo vetile,

Visimo 14:29

Uje kesi kuluvala vwasi, ali na mana akama, oloni muka-mbunge ya vwasi-vwasi, akamwesa lika vulema vwendi.

Visimo 16:32

Muka-kujeneka kuluvala-luvala wapwa wamuvwa manene kutuvakana muka-nzili, kulinyunga yove vavenya kwapwa kwakuvwa kutuvakana kushwana vinganda vyoshe.

Visimo 19:11

Nga u muka-mana usimpa mukuluvala kwove, omwo mukweni akuviisila unapande kumusambesa.

Visimo 19:2

Kesi mwamuvwa kukala na ntwima mu mbunge kukala na mana, nambe kuzambula manene uzimbalesa ngila.

Visimo 20:22

Kesi ulilingile shambandinga a vuvi. Kulaela lika kuli Shukulu Kalunga, co akakwamena.

Visimo 25:8

Kesi uzambwile kutwala mukweni ku mbanja. Nga mukaleo weka akawana ngeci yove u muka-mulonga, co ukaziva shwamwa yakama manene.

Yoshwa 9:14

Co vanalume va vaIsalele vatambwile vyakulya vyavo vimo, oloni kuvehwile cizango ca Shukulu Kalunga.

1 Samwele 22:2

Vanu vaje vavakele nakuyandesa, nambe vaje vakele na makongo, nambe vaje vakele nakulinyenga, vaile kuli ikeye, voshe amolika vapwile 400, ikeye wapwile ntwama yavo.

1 Samwele 23:13

Ngecivene, Ndaviti na vanu vendi, vaje vapwile kuyehi na 600, vatundile ku Keila, vaile kweka. Omo Saulu wazivile ngeci Ndaviti natewa natundu ku Keila, co walikelele kaileko.

1 Samwele 25:12

Co vanu va Ndaviti velukile, vakalekele Ndaviti vije vyendekele NaVaLe

1 Samwele 27:2

Ngecivene, Ndaviti na vanu vendi vakupwa 600 aje vene vaile kuli Akishe muna Maoke, mwene wa ku Ngate.