1 Samwele 24:9 - Livulu lya Shukulu Kalunga

⁹ co wendekele ngwendi, “Omwo vika ulinakutolilila ku majwi a vanu valinakwendeka ngwavo, ‘Ndaviti alinakushaka kukuvulumuna?’

1 Samwele 24:9 Iomraidhean Croise

Myaso 101:5

Njikolwesa munu woshe uje afweya mukwavo, kunjikatava munu wa kulyalesa, na mbunge yendi lalo yakulyaka ku vukama, kupwa musamba wange.

Myaso 141:6

Omo vaka-kushwana vavo vanavombila mu linzenzengoma, co vaka-vuvi vakatava ngwavo majwi ange apwile a vushunga.

Visimo 16:28

Vaka-vuvi vakashandola lufwe, co vashangumuna tuyando nakutsiya vusamba.

Visimo 17:4

Vaka-vuvi vakatolilila ku viyongola vya vuvi, co vaka-makuli vakatolilila ku makuli lalo.

Visimo 18:8

Majwi a muka-kufweya anapu ngwe vyakulya vyakutovala, akakovela mwimo.

Visimo 25:23

Lufwe lukanena vukalu, ngwe lihunzi lya ku kunto mulikanena nyonzi.

Visimo 26:28

Nyanyama na munu uje endeka makuli na majwi akuseveleka, majwi a cifwa eci, anena lika luvinda.

Visimo 29:12

Nga muka-kushwana atolilila ku vukaleo vwa makuli, co vamyata vendi voshe vapwa vaka-makuli.

Njelemiya 37:18

Co njamwihwile ngwange, “Mulonga ukajo unjavulumuna kuli yove nambe kuli vamyata vove nambe kuli vanu ava, wakunjakela mu kamenga?

VaLevi 19:16

Kesi mukashandole n̄anda ya makuli ali munu woshe-iwoshe. Co nga munu vanamusompela kutsa, endeka mwamuvwa, amo vukaleo vwove vwasa kumukwasa ikeye. Yange Kalunga.

Yakomba 3:6

Co ndaka inapu ngwe tuhya. Inapu ngwe kaye ka vuvi, kanashwana mu mivila yetu nakushandwela vuvi mukuyoya kwetu kwoshe! Ishwameka yoyesi yetu yoshe na tuhya tuje tutunda mu mbulu ya tuhya.

1 Samwele 20:1

Ndaviti watewele kutunda ku Nayote mu Lama, waile kuli Yonatana. Ndaviti wamwihwile ngwendi, “Vikajo njalingi? Mulonga ukajo unjinalingi? Vuvi vuka vunjinalingi kuli isho vwashaka kunjitsiila?”

1 Samwele 20:41

Omo mukwenje nai laja, Ndaviti watundile kuje ku mutumbo wa mamanya, co watsikamene asi visimbu vitatu nakulemesa. Co ikeye na Yonatana muvuvali vwavo, valilile omo valitsembele, co Ndaviti wazivile vusiwa manene kutuvakana Yonatana.

1 Samwele 24:10

Kenga, litangwa lya lelo mesho ove analimwena ngeci, muje mu linzenzengoma Shukulu Kalunga nakukundikile mu mavoko ange. Co vanu vange vamo vanjilekele ngeci njikutsiye, oloni yange njakuzivilile mema ku mbunge. Co njinendekele ngwange, ‘Kunjapandele kuvulumuna uje yanavwavesa Shukulu Kalunga.’

1 Samwele 24:8

Co Ndaviti watuukile lalo, wamukavele munima, wamusanene ngwendi, “Shukulu!” Co Saulu watengulukile nakukenga kunima, co Ndaviti watsikamene asi nakulemesa,

1 Samwele 26:18

Wendekele lalo ngwendi, “Omo vikajo shukulu, ulinakukava ngamba yove? Vika njalingi? Mulonga uka unjinavulumuna?

1 Samwele 26:19

Shukulu, tolilila evi njendeka. Nga cili Shukulu Kalunga ikeye nakuyongwesa ngeci unjilwise, co n̄ombelo injikamwana ikatengulwisa viyongola vyendi, oloni nga vanu valinakulinga eci, co cisingo ca Shukulu Kalunga ciije ali vakevo. Omwo vakevo vananjishekela anja kunjitundisa ku lifuti lya Shukulu Kalunga, kunjitwala ku lifuti kuje kunjikalemesela lika vinjambi veka.