1 Samwele 24:4 - Livulu lya Shukulu Kalunga

⁴ Co vanu va Ndaviti vendekele kuli ikeye ngwavo, “Kenga, eli likelyo litangwa lyatumbwile Shukulu Kalunga ngwendi, ‘Njikaka citozi cove mu mavoko ove, ukasa kulinga nendi mwoshe muushakela.’ ” Co Ndaviti wakalavele waile wakavatwile nanga ku mukundwilo wa cikoveyo ca Saulu kwakujeneka Saulu kuzivuka.

1 Samwele 24:4 Iomraidhean Croise

2 Samwele 4:8

Co vatwalele mutwe wa Ishemboshete kuli Mwene Ndaviti ku Hevelone, vendekele kuli ikeye ngwavo, “Mutwe ou wa Ishemboshete, muna citozi cove Saulu, uje washakele kukutsiya. Co litangwa lya lelo Shukulu Kalunga natava yove shukulu yetu kulinga shambandinga ali Saulu na vatekulwila vendi.”

Yombi 31:31

Vanu voshe vaje vakapanga kuli yange, vazivuka ngeci yange simbu yoshe njikatambula vangenzi.

Myaso 142:1

Njitambeka kuli Shukulu Kalunga ngeci anjikwase, njilambelela Shukulu Kalunga ngeci anjizivileko mema ku mbunge.

Myaso 57:1

Njizivileko mema ku mbunge yove Njambi, omwo njiija kuli yove ngeci unjinyunge, ngwe mwakanyungu kazila vana vendi mu mambava, njitewela kuli yove, noo lihunzi lya mankimba akama linahu.

Kutuuka 21:13

Oloni nga namutsii cintulu, ikeye kayongwele kutsiya munu, co ikeye atewele ku mutambela uje njikamwangwilawo, co kuje akakala mwamuvwa.

1 Samwele 22:1

Ndaviti watewele kutunda mu nganda ya Ngate, co waile ku linzenzengoma lya kuyehi na nganda ya Andulame. Omo vandolome vendi na naanga yoshe vazivile ngwavo ali kuje, co vaile nakuliwana nendi.

1 Samwele 23:17

wendekele kuli ikeye ngwendi, “Kesi ukale na lyova. Tate Saulu kakasa kukuvulumuna embwe. Ikeye nazivuka mwamuvwa yove ukapwa mwene mu Isalele, co yange njikapwa wakukwata.”

1 Samwele 23:7

Ngecivene, valekele Saulu ngwavo Ndaviti nai ku Keila, co Saulu wendekele ngwendi, “Njambi nanjanaye. Omwo Ndaviti nalitela nganjo ikeye vavenya akukovela mu nganda ya civumbe ya vikolo vyakukola.”

1 Samwele 24:10

Kenga, litangwa lya lelo mesho ove analimwena ngeci, muje mu linzenzengoma Shukulu Kalunga nakukundikile mu mavoko ange. Co vanu vange vamo vanjilekele ngeci njikutsiye, oloni yange njakuzivilile mema ku mbunge. Co njinendekele ngwange, ‘Kunjapandele kuvulumuna uje yanavwavesa Shukulu Kalunga.’

1 Samwele 24:18

Ku litangwa lya lelo unamwesa vuvwa vwove kuli yange, omwo kuwanjitsiile, nameme Shukulu Kalunga nanjikundikile mu mavoko ove.

1 Samwele 26:23

Shukulu Kalunga akana cikandelela kuli vaka-kulongwa na vaka-vushunga. Ku litangwa lya lelo, ikeye nakwakele mu mavoko ange, oloni kunjavulumwine uje Shukulu Kalunga yanapwisa mwene.